Diabetes Control Tips: சர்க்கரை நோயாளிகளுக்கான டயட் ஃபார்முலாவை இங்கே காணலாம். பல மருத்துவர்கள், சுகாதார நிபுணர்கள் மற்றும் உணவியல் நிபுணர்களிடம் கலந்தாலோசித்து இந்த டயட் உருவாக்கப்பட்டுள்ளது.
இன்றைய காலகட்டத்தில் நீரிழிவு நோய் பலரை பாடாய் படுத்தும் நோயாக மாறியுள்ளது. இதனால் உடலுக்கு ஆபத்து விளைவிக்கும் இன்னும் பல நோய்களும் உடலை தாக்குகின்றன.
சர்க்கரை நோயாளிகளுக்கான டயட் ஃபார்முலாவை இங்கே காணலாம். பல மருத்துவர்கள், சுகாதார நிபுணர்கள் மற்றும் உணவியல் நிபுணர்களிடம் கலந்தாலோசித்து இந்த டயட் உருவாக்கப்பட்டுள்ளது. இதை பின்பற்றினால் கண்டிப்பாக இரத்த சர்க்கரை அளவை கட்டுக்குள் வைக்க முடியும்.
சரிவிகித உணவை உட்கொண்டால் சர்க்கரை நோயை (Diabetes) நிச்சயம் வெல்ல முடியும் என்று நிபுணர்கள் கூறுகிறார்கள். இதற்கு தினமும் நார்ச்சத்து நிறைந்த உணவை உணவில் அதிகம் சேர்த்துக்கொள்ள வேண்டும். நார்ச்சத்து அதிகம் சாப்பிட்டால், சர்க்கரை நோயிலிருந்து விரைவில் விடுபடலாம். இதற்கு ஃப்ரெஷ் பழங்கள், பச்சை காய்கறிகள், முழு தானியங்கள், பருப்பு வகைகள், பீன்ஸ், பட்டாணி போன்வற்றை உணவில் சேர்த்துக்கொள்ள வேண்டும்.
நம் நாட்டில் மக்கள் அதிக கார்போஹைட்ரேட்டுகளை உட்கொள்கிறார்கள். ஆனால் நீரிழிவு நோயைத் தோற்கடிக்க, கார்போஹைட்ரேட் உட்கொள்ளலைக் கட்டுப்படுத்தி புரத உட்கொள்ளலை அதிகரிக்க வேண்டும். இதற்கு கோழி, மீன் மற்றும் டோஃபு போன்ற மெலிந்த இறைச்சியின் உட்கொள்ளலை அதிகரிக்க வேண்டும்.
வெண்ணெய், சீஸ், எண்ணெய் போன்றவை ஆரோக்கியமற்ற கொழுப்புகள் ஆகும். இவை அனைத்தும் நீரிழிவு நோயாளிகளுக்கு தீங்கு விளைவிக்கும். நீரிழிவு நோயாளிகள் ஆரோக்கியமான கொழுப்புகளை உட்கொள்ள வேண்டும். இதற்கு அவகேடோ, பாதாம், வால்நட், ஆலிவ் எண்ணெய், கடுகு எண்ணெய் போன்றவை சிறந்த தேர்வுகளாக இருக்கும்.
நீரிழிவு நோயைக் கட்டுப்படுத்த, இனிப்புப் பொருட்கள், பதப்படுத்தப்பட்ட உணவுகள், பிஸ்கட்கள், எண்ணெயில் பொறித்த உணவுகள், சர்க்கரை பானங்கள், குளிர் பானங்கள், இனிப்பு பானங்கள், துரித உணவுகள், ஜங்க் ஃபுட் போன்றவற்றை உட்கொள்ள வேண்டாம். இதனுடன் மது, சிகரெட் போன்றவற்றிலிருந்து விலகி இருப்பது நல்லது.
நீரிழிவு நோயாளிகளுக்கு உணவுடன், உடற்பயிற்சியும் மிகவும் முக்கியமானது. இதற்கு ஜிம்மிற்குத்தான் செல்ல வேண்டும் என்ற அவசியமில்லை, வீட்டிலேயே இதை செய்யலாம். ஆனால் விறுவிறுப்பான உடற்பயிற்சிகளை செய்ய வேண்டும். தினசரி நடை, ஓட்டம், நீச்சல், சைக்கிள் ஓட்டுதல் போன்றவை நன்மை பயக்கும். தினமும் 45 நிமிடங்கள் முதல் 1 மணி நேரம் ஓட்டம் மற்றும் நடைபயிற்சி செய்யுங்கள். நீங்கள் ஜிம்மிற்கு செல்ல விரும்பினால், கார்டியோவில் அதிக கவனம் செலுத்துங்கள். இதனுடன் யோகா, தியானம் போன்றவற்றைச் செய்து மன அழுத்தத்தைக் கட்டுப்படுத்தலாம்.
இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.
