Lucky Zodiacs of December: டிசம்பர் 2022 -ல் 3 முக்கிய கிரகங்களின் ராசிகள் மாறவுள்ளன. இந்த கிரகங்களின் சஞ்சாரம் அனைத்து 12 ராசிகளிலும் சுப மற்றும் அசுப விளைவுகளை ஏற்படுத்தும். பொதுவாகவே அனைத்து கிரகங்களின் ராசி மாற்றங்களும் அனைத்து ராசிகளிலும் தாக்கத்தை ஏற்படுத்தும். டிசம்பர் மாதம் ஏற்படவுள்ள ராசி மாற்றங்களால் அனைத்து கிரகங்களிலும் தாக்கம் இருக்கும் என்றாலும், 3 ராசிக்காரர்களுக்கு இது அதிகப்படியான பலன்களை அள்ளிக்கொடுக்கும்.
டிசம்பர் முதல் வாரத்தில் அதாவது டிசம்பர் 3, 2022 அன்று புதன் பெயர்ச்சியாகிறது. டிசம்பர் 5ஆம் தேதி சுக்கிரன் தனது ராசியை மாற்றும். அதன் பிறகு டிசம்பர் 16 ஆம் தேதி சூரியனின் ராசி மாற்றம் நிகழும். புதன், சுக்கிரன் மற்றும் சூரியனின் பெயர்ச்சி ஆண்டின் கடைசி மாதத்தில் நிகழும். இது 3 ராசிக்காரர்களுக்கு மிகவும் சுபமாக இருக்கும்.
2022 டிசம்பரில் புதன், சுக்கிரன் ஆகிய கிரகங்கள் ஒருமுறை அல்ல இரண்டு முறை ராசியை மாற்றும். டிசம்பர் 3ஆம் தேதிக்குப் பிறகு புதன் கிரகம் மீண்டும் பெயர்ச்சியாகி டிசம்பர் 27 ஆம் தேதி ரிஷப ராசிக்குள் நுழைகிறது. மறுபுறம், சுக்கிரன் டிசம்பர் 29 ஆம் தேதி மகர ராசிக்குள் நுழையும்.
டிசம்பரில் நடக்கும் கிரகங்களின் பெயர்ச்சி மிதுன ராசிக்காரர்களுக்கு மிகவும் சாதகமாக இருக்கும். இந்த நேரத்தில் உங்கள் கடின உழைப்புக்கு முழு பலனைப் பெறுவீர்கள். வணிகத்தில் ஈடுபட்டுள்ள மிதுன ராசிக்காரர்களுக்கு நேரம் சிறப்பாக இருக்கும். வருமான ஆதாரங்கள் அதிகரிக்கும். சொத்துக்களால் லாபம் கிடைக்க வாய்ப்பு உள்ளது. குடும்ப உறுப்பினர்களுடன் உறவு சிறப்பாக இருக்கும். வீட்டில் சில சுப நிகழ்வுகள் நடக்கும்.
விருச்சிக ராசிக்காரர்களுக்கு டிசம்பர் மாதம் பல நன்மைகளைத் தரும். முடங்கி இருக்கும் பணிகள் இப்போது நடக்க ஆரம்பிக்கும். தடைபட்ட பணிகள் தானாக தொடங்கும். உங்கள் திட்டங்கள் நிறைவேறும். வீட்டில் சிரிப்பும் மகிழ்ச்சியும் நிறைந்த சூழல் இருக்கும். தொழில் வாழ்க்கையும் சிறப்பாக நடக்கும். சுற்றுலா செல்லக்கூடிய வாய்ப்பு வரும். ஆண்டின் இறுதியில், நீங்கள் ஒரு பெரிய கொண்டாட்டத்தின் ஒரு பகுதியாக இருக்கக்கூடும்.
மகர ராசிக்காரர்கள் முன்னேற்றத்திற்கான வாய்ப்புகளைப் பெறுவார்கள். பணியிடத்தில் உங்கள் தொடர்புகளும் உறவுகளும் மேம்படும். இதன் மூலம் நீங்கள் பலன் பெறுவீர்கள். பண வரவு சாதகமாக இருக்கும். நீண்ட நாட்களாக வந்தடையாமல் இருந்த பணம் இப்போது வந்து சேரும். குடும்ப உறுப்பினர்களின் உதவியால், சில முக்கிய வேலைகள் முடிவடையும். (பொறுப்புத் துறப்பு: இங்கே கொடுக்கப்பட்டுள்ள தகவல்கள் பொதுவான நம்பிக்கைகள் மற்றும் தகவல்களின் அடிப்படையில் உள்ளன. ஜீ மீடியா இந்த தகவல்களை உறுதிப்படுத்தவில்லை.)
