Bumrah Injury: ஆஸ்திரேலியா தொடரில் ஜஸ்பிரித் பும்ராவிற்கு காயம் ஏற்பட்டது. இதனால் 2025 சாம்பியன்ஸ் டிராபி உட்பட 4 தொடர்களை இழக்க வாய்ப்புள்ளது.
முதுகில் ஏற்பட்ட காயம் காரணமாக ஜஸ்பிரித் பும்ரா வரவிருக்கும் 2025 சாம்பியன்ஸ் டிராபியில் பங்கேற்பது சந்தேகத்தை ஏற்படுத்தி உள்ளது. இது அணிக்கு பெரிய இழப்பாக பார்க்கப்படுகிறது.
பார்டர்-கவாஸ்கர் டிராபி முழுவதும் பும்ரா தனி ஒருவராக போராடினார். தொடர் முழுவதும் சிறப்பாக விளையாடிய அவர் 32 விக்கெட்களை வீழ்த்தினார்.
ஆஸ்திரேலியாவுக்கு எதிரான சிட்னி டெஸ்டில் ஜஸ்பிரித் பும்ராவுக்கு முதுகு வலி ஏற்பட்டது. அதனை தொடர்ந்து ஸ்கேன் செய்த அவர், கடைசி நாளில் பந்துவீச வரவில்லை.
இதனால் கடைசி டெஸ்டில் ஆஸ்திரேலியா அபார வெற்றி பெற்றது மற்றும் இந்தியா தொடரை இழந்தது. இந்நிலையில் முதுகில் வீக்கம் காரணமாக சாம்பியன்ஸ் டிராபியின் குரூப் ஸ்டேஜை பும்ரா இழக்க வாய்ப்புள்ளது.
தற்போது ஜஸ்பிரித் பும்ரா பெங்களூரில் உள்ள தேசிய கிரிக்கெட் அகாடமியில் மறுவாழ்வில் இருக்கிறார். மார்ச் முதல் வாரத்தில் பும்ரா உடல் தகுதி குறித்த முடிவு எடுக்கப்பட உள்ளது.
பும்ராவின் காயத்தால் சாம்பியன்ஸ் டிராபிக்கான அணியை தேர்வு செய்வதில் பிசிசிஐ தடுமாறி வருகிறது. அவருக்கு பதில் யாரை சேர்க்கலாம் என்று தீவிர ஆலோசனையில் ஈடுபட்டு வருகின்றனர்.
