Honda Car Offers: ஜப்பானிய வாகன தயாரிப்பு நிறுவனமான ஹோண்டா பிப்ரவரி 2022 இல் அதன் அனைத்து கார்களுக்கும் பல வித சலுகைகளை அறிவித்துள்ளது. இந்த சலுகைகள் மற்றும் தள்ளுபடிகள் காரின் மாறுபாடு, தரம் மற்றும் இடத்தைப் பொறுத்து மாறுபடக்கூடும். வாடிக்கையாளர்கள் 28 பிப்ரவரி 2022 வரை அல்லது கையிருப்பு இருக்கும் வரை, நிறுவனத்தின் இந்த நன்மைகள் அனைத்தையும் பெற முடியும். நீங்களும் ஹோண்டா காரை வாங்கத் திட்டமிட்டிருந்தால், இதுதான் அதற்கு சரியான நேரம்.
ஹோண்டா சிட்டியின் அனைத்து வகைகளிலும் ரூ.35,596 வரையிலான சலுகைகளை நிறுவனம் வழங்கியுள்ளது. இதில் ரூ. 10,000 ரொக்கத் தள்ளுபடி அல்லது ரூ. 10,596-க்கான FOC ஆக்சஸரீஸ் மற்றும் கார் எக்ஸ்சேஞ்சில் ரூ. 5,000 மதிப்பிலான பலன் ஆகியவை அடங்கும். இது தவிர, வாடிக்கையாளர்கள் ரூ.5,000 லாயல்டி போனஸையும், எக்ஸ்சேஞ்ச் போனஸாக ரூ.7,000 வரை தள்ளுபடியையும் பெறலாம். ஹோண்டா நிறுவனம் ரூ.8,000 வரை கார்ப்பரேட் தள்ளுபடியையும் வழங்குகிறது.
ஹோண்டா கார்ஸ் இந்தியா ஜாஸ் ஹேட்ச்பேக்கில் ரூ.33,158 வரை மொத்த நன்மைகளை வழங்கியுள்ளது. இதில் ரூ.10,000 ரொக்க தள்ளுபடி மற்றும் ரூ.12,158 வரை FOC ஆக்சஸெரீஸ், கார் எக்ஸ்சேஞ்சில் ரூ.5,000-க்கான நன்மை, ரூ.7,000 வரை எக்ஸ்சேஞ்ச் போனஸ் மற்றும் ரூ.5,000 வரையிலான லாயல்டி போனஸ் ஆகியவை அடங்கும். கார்ப்பரேட் வாடிக்கையாளர்களுக்கு நிறுவனம் 4,000 ரூபாய்க்கான நன்மையை கொடுத்துள்ளது.
பிப்ரவரி 2022 இல் ஹோண்டா கார்ஸ் இந்தியா ஹோண்டா WR-V (Honda WR-V) எஸ்யூவியில் ரூ. 26,000 வரையிலான மொத்த பலனை வழங்குகிறது. இந்த நன்மைகளில் கார் பரிமாற்றத்தில் ரூ.10,000 வரையிலான நன்மைகள் மற்றும் ரூ.4,000 வரையிலான கார்ப்பரேட் தள்ளுபடி ஆகியவை அடங்கும். தற்போதுள்ள ஹோண்டா வாடிக்கையாளர்களுக்கு புதிய கார் வாங்கும் போது ரூ. 5,000 லாயல்டி போனஸுடன் ரூ.7,000 எக்ஸ்சேஞ்ச் போனஸும் கிடைக்கும்.
ஹோண்டா சிட்டியின் (Honda City) நான்காவது ஜெனரேஷனில், நிறுவனம் ரூ.20,000 வரையிலான தள்ளுபடியை வழங்கியுள்ளது. இதில், தற்போதுள்ள ஹோண்டா கார் வாடிக்கையாளர்களுக்கு ரூ.5,000 லாயல்டி போனஸ் மற்றும் ஹோண்டா கார் எக்ஸ்சேஞ்சில் ரூ.7,000 பலன் ஆகியவை கிடைக்கும். கார்ப்பரேட் வாடிக்கையாளர்களுக்கும் நிறுவனம் செடான் மீது ரூ.8,000 வரை தள்ளுபடி வழங்கியுள்ளது.
மற்ற ஹோண்டா கார்களைப் போலவே, அமேஸுக்கும் பிப்ரவரி 2022க்கான தள்ளுபடிகள் வழங்கப்பட்டுள்ளன. செடானில் நிறுவனம் ரூ.15,000 வரை மொத்த பலனை (Car Discount) வழங்கியுள்ளது. இது அனைத்து வகைகளிலும் கிடைக்கிறது. இந்த காருக்கு ரூ.4,000-க்கான கார்பரேட் தள்ளுபடியும் உள்ளது. இது தவிர, தற்போதுள்ள ஹோண்டா வாடிக்கையாளர்களுக்கு ரூ.5,000 லாயல்டி போனஸ் மற்றும் ஹோண்டா கார் எக்ஸ்சேஞ்சில் ரூ.6,000 வரை போனஸ் ஆகியவையும் கிடைக்கும்.
