ஏர் இந்தியா எக்ஸ்பிரஸ் விமான சேவை... 80 நிமிடத்தில் அயோத்தியா பயணம்..!

1 /7

அயோத்தி செல்லும் பயணிகள் டிசம்பர் 30 முதல் இந்த வசதியைப் பெறலாம். ஏர் இந்தியா எக்ஸ்பிரஸ் வாடிக்கையாளர்கள் ஜனவரி 16 முதல் ஒவ்வொரு நாளும் தேசிய தலைநகரில் இருந்து ஸ்ரீ ராம ஜென்ம பூமியான அயோத்தியாவிற்கு பயணம் செய்யலாம்.

2 /7

டிசம்பர் 30 ஆம் தேதி, தேசிய தலைநகரில் இருந்து அயோத்திக்கு விமானங்கள் அறிவிக்கப்பட்டதாகவும், ஜனவரி 16 முதல் இந்த வழித்தடத்தில் தினசரி சேவை தொடங்கப்படும் என்றும் ஏர் இந்தியா எக்ஸ்பிரஸ் தெரிவித்துள்ளது. 

3 /7

 ஏர் இந்தியா எக்ஸ்பிரஸ், IX 2789 விமானம் டிசம்பர் 30 ஆம் தேதி காலை 11:00 மணிக்கு டெல்லியில் இருந்து புறப்பட்டு மதியம் 12:20 மணிக்கு அயோத்தியில் தரையிறங்கும். அயோத்தியில் இருந்து IX 1769 மதியம் 12:50 மணிக்கு டெல்லிக்கு புறப்பட்டு 14:10 மணிக்கு சென்றடையும். 

4 /7

விமான நிலையம் திறக்கப்பட்ட உடனேயே அயோத்தியில் இருந்து ஏர் இந்தியா எக்ஸ்பிரஸ் சேவையை தொடங்க உற்சாகமாக இருப்பதாக ஏர் இந்தியா விமான நிறுவனத்தின் எம்டி அலோக் சிங் தெரிவித்தார். இது நாட்டின் அடுக்கு 2 மற்றும் அடுக்கு 3 நகரங்களுடனான தொடர்பை அதிகரிக்க உதவும்.

5 /7

சில நாட்களுக்கு முன்பு இண்டிகோ நிறுவனமும் அயோத்திக்கு விமான சேவையை அறிவித்தது. இண்டிகோ விமானம் டில்லியில் இருந்து அயோத்திக்கான தனது முதல்  விமான சேவையை  டிசம்பர் 30ம் தேதி தொடங்குகிறது. ஜனவரி 6 முதல் தினசரி விமான சேவைகள் தொடங்கப்படும் என்று இண்டிகோ தெரிவித்துள்ளது. டெல்லி, அகமதாபாத் மற்றும் அயோத்தி இடையே இந்த சேவை தொடங்கும்.

6 /7

சுமார் 350 கோடி ரூபாய் செலவில் இந்திய விமான நிலைய ஆணையத்தால் (AAI) உருவாக்கப்பட்டுள்ள, வரவிருக்கும் அயோத்தி விமான நிலையத்திற்கான ஏரோட்ரோம் உரிமத்தை டிசம்பர் 14 அன்று, விமானப் போக்குவரத்து ஒழுங்குமுறை ஆணையம் DGCA வழங்கியது என்பதைத் தெரிவிக்கிறோம்.

7 /7

ஏர் இந்தியாவின் துணை நிறுவனமான  ஏர் இந்தியா எக்ஸ்பிரஸ் தினமும் 300க்கும் மேற்பட்ட விமானங்களை இயக்கி வருவது குறிப்பிடத்தக்கது.  நிறுவனத்திற்கு சொந்தமாக 59 விமானங்கள் உள்ளது என்பதும் குறிப்பிடத்தக்கது.