இந்த ஆண்டிற்கான சைமா விருதுகள் விழா சிங்கப்பூரில் இன்று கோலாகலமாக நடைபெறுகிறது. இதில் தென்னிந்திய மொழிப்படங்களுக்கான சிறந்த நடிக, நடிகையர் தொடங்கி மொத்தம் 16 பிரிவுகளில் சிறந்த கலைஞர்களுக்கான விருதுகள் வழங்கப்படவுள்ளன. விருதுகளுக்கு மத்தியில் நடன நிகழ்ச்சிகளும் இடம்பெறுகிறது.
இந்த விழாவில் கலந்து கொள்வதற்காக தென்னிந்திய நட்சத்திரங்கள் அனைவரும் சிங்கப்பூரில் குவிந்துள்ளனர். இந்த வருடம் சிறந்த நடிகைக்கான விருது பிரிவில் நித்யா மேனன் (ஓகே கண்மணி), நயன்தாரா(நானும் ரவுடிதான்), ஐஸ்வர்யா ராஜேஷ்(காக்கா முட்டை) , ஜோதிகா(36 வயதினிலே), எமி ஜாக்சன்(ஐ) ஆகியோர் மோதுகின்றனர்.
இதுபோல சிறந்த நடிகருக்கான பிரிவில் தனுஷ்(அனேகன்) விக்ரம்(ஐ), ஜெயம் ரவி(தனி ஒருவன்), ராகவா லாரன்ஸ்(காஞ்சனா 2) விஜய் சேதுபதி (ஆரஞ்சு மிட்டாய்) ஆகியோர் மோதுகின்றனர்.
