ஜெய்தீப் சிங் மற்றும் பவ்யா நிதி ஷர்மா ஆஃப்பீட் ஸ்டுடியோஸ் சார்பில் உருவாகி உள்ள மலையாள படமான 'வடக்கன்' படத்தின் இறுதி கட்ட படப்பிடிப்பு வெற்றிகரமாக நிறைவடைந்தது. ஐந்து மொழிகளில் உருவாகியுள்ள இப்படம் பான் இந்தியா படமாக இந்தியா முழுவதும் திரையரங்குகளில் வெளியாக உள்ளது. சஜீத் ஏ இயக்கி இருக்கும் இந்த படம் பிரமிக்க வைக்கும் காட்சி அமைப்புடன் சூப்பர்நேச்சுரல் த்ரில்லர் வடிவில் திராவிட புராணங்களில் இருந்து உருவாக்கப்பட்டுள்ளது. வடக்கன் படத்திற்கு கதை உன்னி ஆர். கிஷோர் எழுதியுள்ளார் மற்றும் ஸ்ருதி மேனன் படத்தில் முக்கிய கதாபாத்திரத்தில் நடித்துள்ளார். அகாடமி விருது பெற்ற ரெசூல் பூக்குட்டி, ஜப்பானிய ஒளிப்பதிவாளர் கெய்கோ நகஹாரா மற்றும் தேசிய விருது பெற்ற பிஜிபால் உள்ளிட்ட முக்கிய குழுவினரையும் 'வடக்கன்' படம் கொண்டுள்ளது.
மேலும் படிக்க | மன்றாடி மன்னிப்பு கேட்ட மன்சூர் அலிகான்! த்ரிஷா கொடுத்த மாஸ் ரிப்ளை! என்ன தெரியுமா?
It's a wrap for Offbeet Studios Dravidian Legend- Based Supernatural Thriller #Vadakkan pic.twitter.com/6rL5REAKLQ
— RAJA DK (@rajaduraikannan) November 25, 2023
'வடக்கன்' ஒரு புதுவித சினிமா அனுபவத்தை ரசிகர்களுக்கு வழங்க உள்ளது. அமானுஷ்ய மற்றும் த்ரில்லர் நிறைந்த திரைக்கதையுடன் தனித்துவமாக எடுக்கப்பட்டுள்ளது. அகாடமி விருது பெற்ற ஒலி வடிவமைப்பாளர் ரசூல் பூக்குட்டி, 'வடக்கன்' படத்திற்குள் தனித்துவமான ஒரு ஒலி வடிவமைப்பை மேற்கொண்டுள்ளார். பல ஹிட் பாடல்களை கொடுத்துள்ள பிஜிபால் வடக்கன் படத்திற்கு இசையமைத்துள்ளார். ஷெல்லி, ராப்பர் MC கூப்பர், ஹரி நாராயணன் பாடல் எழுதி உள்ளனர்.
வடக்கன் படத்தில் கிஷோர் மற்றும் ஸ்ருதி மேனன் நடித்துள்ளனர். படத்தின் ஒளிப்பதிவாளர் கெய்கோ நகஹாராவால் திராவிட புனைவுகளின் மாய உலகிற்குள் நம்மை அழைத்துச் செல்கிறார். தனது அசாதாரணத் திறமையால் மேரி கோம் மற்றும் சகுந்தலா தேவி போன்ற படங்களுக்கு பிறகு இந்த படத்தில் இணைந்துள்ளார். இவரது புதுமையான அணுகுமுறை சவாலான மற்றும் யதார்த்தமான காட்சிகள் எடுப்பதை நோக்கமாகக் கொண்டுள்ளது, மேலும் இது படத்தின் தரத்தையும் உயர்த்துகிறது.
பார்வையாளர்களை ஒரு புதுவித பயணத்தில் அழைத்துச் செல்லும் இந்தப் படம் கேரளா, பின்லாந்து உள்ளிட்ட பல்வேறு இடங்களில் படமாக்கப்பட்டது மற்றும் இறுதிகட்ட படப்பிடிப்பு மும்பையில் நிறைவடைந்தது. இப்படத்தின் படப்பிடிப்பு தற்போது முடிவடைந்துள்ள நிலையில், 'வடக்கன்' படத்தின் மீதான எதிர்பார்ப்பு உச்சத்தை எட்டியுள்ளது.
மேலும் படிக்க | பிக்பாஸ் 7: டேஞ்சர் லிஸ்டில் முக்கிய போட்டியாளர்கள்-இந்த வாரம் எவிக்ட் ஆவது யார்?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
