7th Pay Commission: அரசு ஊழியர்களுக்கு ஜனவரி 1 முதல் அகவிலைப்படி உயர்த்தப்பட்டுள்ளது, 4 சதவீதம் கூடுதலாக ஊழியர்களுக்கு அகவிலைப்படி உயர்த்தி வழங்கப்பட்டுள்ளது. இந்த அகவிலைப்படி உயர்வின் மூலம் தற்போது ஊழியர்களின் மொத்த அகவிலைப்படி 42% ஆக உயர்ந்துள்ளது, இந்த தகவலை முதல்வர் அவரது டுவிட்டர் பக்கத்தில் தெரிவித்துள்ளார். இந்த அகவிலைப்படி உயர்வின் மூலம் அரசு ஊழியர்களின் சம்பளம் ரூ.47,000 ஆக உயரும் என்று கூறப்பட்டுள்ளது. தற்போது அசாம் மாநில அரசு தனது ஊழியர்களுக்கு ஒரு பெரிய அறிவிப்பை வெளியிட்டுள்ளது.
மேலும் படிக்க | PPF-சுகன்யா சம்ரிதி விதிகளில் பெரிய மாற்றம், நிதி அமைச்சர் புதிய உத்தரவு
அசாம் மாநில முதல்வர் ஹேமந்த் பிஸ்வா சர்மா அவரது ட்விட்டரில் சில தகவல்களை தெரிவித்துள்ளார். அதில் ஜனவரி 1-ம் தேதி முதல் மாநில அரசு ஊழியர்கள், ஓய்வூதியம் பெறுவோர் உள்ளிட்ட அகில இந்தியப் பணி அதிகாரிகளின் அகவிலைப்படி 4 சதவீதம் உயர்த்தப்பட்டுள்ளதாகவும், இதன் மூலம் அவர்களின் அகவிலைப்படி 38%லிருந்து 42% ஆக உயர்ந்துள்ளதாகவும் குறிப்பிட்டுள்ளார். பிஹு பண்டிகையை கொண்டாடும் வகையில் மாநில அரசு ஊழியர்களுக்கு ஏப்ரல் 10 ஆம் தேதி 3 மாதங்களுக்கு உயர்த்தப்பட்ட டிஏ வழங்கப்படும் என்று கேசவ் மஹந்த் கூறியுள்ளார்.
இதற்காக அசாம் மாநில அரசு கூடுதலாக ரூ.79.57 கோடி செலவிடப்போவதாகவும் கூறப்பட்டுள்ளது. மாநில சேவை விதிகள் 2017-ன் படி, அகவிலைப்படியுடன் சேர்த்து அகவிலை நிவாரணத்திலும் திருத்தம் செய்யப்பட்டுள்ளது. ஏப்ரல் 10ம் தேதி, பிஹு பண்டிகைக்கு முன்னதாகவே ஊழியர்களின் வங்கி கணக்கில் 3 மாத நிலுவைத் தொகை வரவு வைக்கப்படும், இதன் மூலம் ஊழியர்களுக்கு ரூ.50,000 முதல் ரூ.60,000 வரையிலும் கணக்கில் பணம் வரவாகும்.
மேலும் படிக்க | ரயிலில் பயணிக்கும் முன் தெரிந்து கொள்ள வேண்டிய முக்கியமான 7 விதிகள்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
