Tea Side Effects: காலையில் எழுந்ததும் டீ அல்லது காபி குடிப்பதை பலர் வழக்கமாக கொண்டுள்ளனர். இவை உடலுக்கு சுறுசுறுப்பை தருகிறது. அடுத்தடுத்த வேலைகளை எளிதாக செய்ய உதவுகிறது. ஆனால் அதை சரியான அளவில் எடுத்துக் கொள்ளாவிட்டால் அதுவே நம் ஆரோக்கியத்திற்கு தீங்கு விளைவிக்கும் பொருளாக மாறிவிடும். பெரும்பாலான மக்கள் தேநீருக்கு அடிமையாகி உள்ளனர். இது காலப்போக்கில் நோய்களுக்கு வழிவகுக்கும் ஒரு போதை. டீயில் உள்ள காஃபின் என்ற பொருள் நமது உடலின் உள் உறுப்புகளை பாதித்து, தூக்கக் கோளாறுகளையும் ஏற்படுத்தும். மேலும், அதிகமாக டீ குடிப்பது இதய நோயை அதிகரிக்கும் அபாயத்தை கொண்டுள்ளது. குறிப்பாக உயர் இரத்த அழுத்தம் அல்லது இதய பிரச்சினைகள் உள்ளவர்களுக்கு ஆபத்தை கொடுக்கிறது. தினசரி டீ குடிப்பதால் ஏற்படும் பாதிப்புகளை பற்றி தெரிந்து கொள்ளுங்கள்.
மேலும் படிக்க | தீராத மலச்சிக்கலா... சில உணவு முறைகளும் வீட்டு வைத்தியங்களும்!
டீ மனநிலையை மேம்படுத்தும் பண்புகளையும் கொண்டுள்ளது என்பது உண்மைதான், ஆனால் அதனை அதிகமாக குடித்தால், அதுவே மன அழுத்தத்தை அதிகரிக்கும். இதில் உள்ள டானின் பற்களை சேதப்படுத்தும் மற்றும் கால்சியம் குறைபாடு அதிகரிக்கும். இது தவிர, அதிகப்படியான டீ குடிப்பதால் வயிற்று சம்பந்தமான நோய்களை அதிகரிக்கும். டீயில் உள்ள தேநீரில் உள்ள ஆன்டிஆக்ஸிடன்ட்கள் நம் உடலுக்கு நன்மை பயக்கும், ஆனால் அதை கட்டுப்பாட்டில் வைக்கவில்லை என்றால், அது நம் கல்லீரலுக்கு தீங்கு விளைவிக்கும் என்பதை நினைவில் கொள்ள வேண்டும். இதில் உள்ள அஸ்ட்ரிஜென்ட் நமது வயிற்றில் அமிலத்தை அதிகரித்து, அசிடிட்டி பிரச்சனைகளை உண்டாக்கும்.
மேலும், டீயில் உள்ள பால் மற்றும் சர்க்கரை உடலில் கலோரிகளை அதிகரிக்கும். இவற்றை அதிகமாக எடுத்துக் கொண்டால், உடல் எடை அதிகரிக்கும் அபாயம் உள்ளது. எனவே, உங்கள் உடலுக்கு ஏற்றவாறு இவற்றை எடுத்து கொள்ளுங்கள். உங்களுக்கு கண்டிப்பாக டீ குடிக்க வேண்டும் என்றால் தினசரி மூலிகை டீ குடித்து பழகுங்கள். டீக்கு பதிலாக கிரீன் டீ, துளசி தேநீர் அல்லது இஞ்சி டீ ஆகியவற்றைப் பயன்படுத்துங்கள். டீ குடிப்பது தவறு இல்லை என்றாலும் அதனை சரியாகப் பயன்படுத்தினால், அது நமக்கு நன்மை பயக்கும், ஆனால் அதிக அளவில் அதை உட்கொள்வது தீங்கு விளைவிக்கும். எனவே, டீயின் அளவைக் கருத்தில் கொண்டு, உங்கள் ஆரோக்கியத்தில் கவனம் செலுத்துங்கள்.
நாள் ஒன்றுக்கு பல முறை டீ குடிப்பவர்கள் தங்கள் உடலில் இரும்புச்சத்து குறைபாட்டால் பாதிக்கப்படலாம். டேனின் எனப்படும் ஒரு வேதி பொருள் தேயிலை இலைகளில் காணப்படுகிறது, இது உடலில் இருக்கும் இரும்பு உறுப்புகளுடன் ஒட்டிக்கொண்டு செரிமான பிரச்சனையை ஏற்படுத்தும். இதனால் ரத்தசோகை போன்ற பிரச்னையும் ஏற்படும். எனவே, நீங்கள் இரத்த சோகையால் பாதிக்கப்பட்டிருந்தால் டீ குடிப்பதை தவிர்க்க வேண்டும். ஏனெனில் அது உங்கள் ஆரோக்கியத்திற்கு மிகவும் ஆபத்தானது. மேலும் டீயில் பல்வேறு வேதி பொருட்கள் காணப்படுகின்றன, இவற்றின் அதிகப்படியான தன்மை நோய்களுக்கு வழிவகுக்கும். டீ அதிகமாக குடித்தால் தூக்கத்தை பாதிக்கும். தூக்கமின்மையால் அவதிப்படுபவர்கள் குறைவாக அளவில் டீ குடிப்பது நல்லது. மேலும் தேயிலை இலைகளில் குமட்டலை ஏற்படுத்தும் சில கூறுகளும் உள்ளன. இதன் காரணமாக, நீங்கள் வாந்தி எடுக்கலாம். ஒரு நாளைக்கு பல முறை டீ குடிப்பதும் வயிறு தொடர்பான பிரச்சனைகளை ஏற்படுத்தும். இதன் காரணமாக, அமிலத்தன்மை மற்றும் வாயு போன்ற புகார்கள் இருக்கலாம்.
மேலும் படிக்க | கர்ப்பிணிகளே... ‘இந்த’ பழங்களில் இருந்து கொஞ்சம் விலகியே இருங்க..!
(பொறுப்பு துறப்பு: அன்புள்ள வாசகரே, எங்கள் செய்திகளைப் படித்ததற்கு நன்றி. இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
