Old Pension: செவ்வாய்க்கிழமை நடைபெற்ற அமைச்சரவைக் கூட்டத்தில் பழைய ஓய்வூதியத் திட்டத்திற்கு (ஓபிஎஸ்) ஜார்க்கண்ட் அரசு ஒப்புதல் அளித்துள்ளது. ஜார்க்கண்ட் மாநிலத்தின் ஹேமந்த் சோரன் அரசு, அதன் மாநில அரசு ஊழியர்களுக்கான பழைய ஓய்வூதியத் திட்டத்திற்கு வழிவகை செய்துள்ளது.
செவ்வாய்கிழமை நடைபெற்ற அமைச்சரவைக் கூட்டத்தில், பல முக்கிய முடிவுகளுடன் பழைய ஓய்வூதியத் திட்டத்தை அமல்படுத்த முதல்வர் ஹேமந்த் சோரன் ஒப்புதல் அளித்துள்ளார்.
OPS எனப்படும் பழைய ஓய்வூதிய திட்டத்தை தேர்ந்தெடுக்கும் உறுப்பினர்கள் பொது வருங்கால வைப்பு நிதிக்கு (GPF) சந்தா செலுத்த வேண்டும். கணக்குக் கட்டுப்பாட்டாளர் ஜெனரல் (செலவுத் துறை) இதற்கான மூன்று கட்டங்கள் கொண்ட நடைமுறைகளைக் குறிப்பிட்டுள்ளது.
மூன்று படி நடைமுறை
ஊழியர்களின் பங்களிப்புத் தொகை
ஊழியர்களின் பங்களிப்புத் தொகை தனிநபரின் GPF கணக்கில் வரவு வைக்கப்படும், மேலும் கணக்கு மறுபதிப்பு செய்யப்படும், இது அண்மை வட்டி கொடுக்க வழிவகை செய்யும்.
மேலும் படிக்க | 7th Pay Commission: அடி தூள்... மத்திய அரசு ஊழியர்களுக்கு இரட்டை ஜாக்பாட்!!
அரசு பங்களிப்பு
மத்திய அரசு மற்றும் மாநில அரசுகள் NPS திட்டத்திற்கு அளிக்கும் தொகை அந்தந்த கணக்குகளில் வரவு வைக்கப்படும்.
முதலீடுகளின் மதிப்பீட்டின் சரிசெய்தல்
முதலீட்டின் மீதான மதிப்பீட்டின் காரணமாக அதிகரித்த சந்தா மதிப்பு, நிர்வாகத்தின் பங்கிற்கு விகிதாசாரத் தொகையை மத்திய அரசு அல்லது சம்பந்தப்பட்ட மாநில அரசு கணக்கில் வரவு வைத்து, அதன் அடிப்படையில் கணக்கிடப்படும்.
ஜார்கண்ட் மாநிலத்தில் அரசு ஊழியர்களுக்கான பழைய ஓய்வூதியத் திட்டம் அமல்படுத்தப்பட்டுள்ளது, அம்மாநில அரசு ஊழியர்களின் எதிர்பார்ப்பை பூர்த்தி செய்வதாக உள்ளது. அரசின் அறிவிப்பின்படி, இத்திட்டத்தை செயல்படுத்தி, சிறப்பு ஓய்வூதிய நிதியை உருவாக்க முடிவு செய்யப்பட்டுள்ளது.
இந்த சிறப்பு ஓய்வூதிய நிதியில் ரூ.10,000 கோடி டெபாசிட் செய்யப்படும் என்று கூறப்பட்டுள்ளது. சிறப்பு ஓய்வூதிய நிதியில் டெபாசிட் செய்யப்படும் தொகையானது, மத்திய ரிசர்வ் வங்கியில் டெபாசிட் செய்யப்படும். 2023 ஆம் ஆண்டுக்கு இந்த சிறப்பு ஓய்வூதிய நிதியில் 700 கோடி ரூபாய் டெபாசிட் செய்ய திட்டமிடப்பட்டுள்ளது.
மாநில அரசுகள், இவ்வாறு அரசு ஊழியர்களுக்கான திட்டங்களில் மாற்றங்களை செய்து வரும் நிலையில், மத்திய அரசு ஊழியர்களுக்கான அகவிலைப்படியை நிர்ணயிக்கும் ஏஐசிபிஐ குறியீட்டின் புதிய புள்ளிவிவரங்கள் ஜூலை 31 அன்று வெளியிடப்படும் என்பதால், மத்திய அரசு ஊழியர்களும் ஆவலுடன் காத்துக் கொண்டிருக்கின்றனர்.
ஜூலை முதல் ஊழியர்கள் மற்றும் ஓய்வூதியதாரர்களுக்கு எவ்வளவு அகவிலைப்படி உயர்வு இருக்கும் என்பது, ஜூலை 31ம் தேதி வெளியாகும் அறிவிப்பிற்கு பின்னர் தெளிவாகும். இந்த அறிவிப்பில், மத்திய அரசுப் பணியாளர்களுக்கு 4 சதவீத டிஏ உயர்வு இருக்கும் என்றும், அதன் பிறகு ஊழியர்களின் அகவிலைப்படி 46 சதவீதமாக உயரும் என்றும் எதிர்பார்க்கப்படுகிறது.
மேலும் படிக்க | 7th Pay Commission: மத்திய அரசு ஊழியர்களுக்கு மாஸ் செய்தி.. விரைவில் 3 குட் நியூஸ்!!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
