சி.பி.எஸ்.இ. 12ம் வகுப்பு பொதுத்தேர்வு முடிவுகள் இன்று நாடு முழுவதும் வெளியாகியுள்ளன.
நாடு முழுவதும் ஒரே பாடத்திட்டமான சி.பி.எஸ்.இ-யின் 12ம் வகுப்பு பொதுத்தேர்வு, கடந்த பிப்ரவரி 15 ஆம் தேதி தொடங்கி ஏப்ரல் 3ம் தேதி வரை நடைபெற்றது. இந்த தேர்வை நாடு முழுவதும் உள்ள உள்ள சுமார் 31 லட்சம் மாணவ-மாணவிகள் எழுதினர்.
இந்நிலையில், மே மாதம் 3 ஆம் வாரத்தில் தேர்வு முடிவுகள் வெளியாகும் என்று எதிர்பார்திருந நிலையில், இன்று முடிவுகள் வெளியிடப்பட்டுள்ளன. தேர்வு முடிவுகளை சி.பி.எஸ்.இ.-யின் அதிகாரப்பூர்வ இணையதளங்களான cbse.nic.in, cbseresults.nic.in ஆகியவற்றில் காணலாம்.
மேலும், மாணவர்களின் பதிவு செய்யப்பட்ட மொபைல் எண்களுக்கும் தேர்வு முடிவுகள் அனுப்பி வைக்கப்படும் என்றும் தெரிவிக்கப்பட்டுள்ளது.
