போபாலின் மூத்த ஐ.பி.எஸ் அதிகாரி மனைவியை கொடூரமாக தாக்கிய வீடியோ வைரலானதை தொடர்ந்து, பதவியில் இருந்து நீக்கப்பட்டார்!!
போபாலில் உள்ள மூத்த IPS அதிகாரி ஒருவர் தனது மனைவியை காட்டுத்தனமாக அடிக்கும் வீடியோ சமூக ஊடகங்களில் வைரலாகியுள்ளது. அந்த வீடியோவில், டைரக்டர் ஜெனரல் (DG) தரவரிசை காவல்துறை அதிகாரி தனது மனைவியை தரையில் இழுத்துச் சென்று கொடூரமாக தாக்குவதைக் காணலாம். இதற்கிடையில், அவரது வீட்டில் இருந்த மற்ற ஊழியர்கள் தலையிட்டு காவல்துறை அதிகாரியை நிறுத்த முயற்சிக்கின்றனர்.
தம்பதிகளுக்கிடையேயான தகராறுக்கான காரணம் மூத்த காவல்துறை அதிகாரிக்கும் மற்றொரு பெண்ணுக்கும் இடையிலான திருமணத்திற்கு புறம்பான விவகாரம் என்று நம்பப்படுகிறது. காவல்துறை அதிகாரியின் சட்டவிரோத உறவு காரணமாக, கணவன்-மனைவி இடையே நீண்ட காலமாக தகராறு ஏற்பட்டுள்ளதாக தகவல்கள் தெரிவிக்கின்றன.
ALSO READ | Coimbatore Horror: பெண்ணே ஜாக்கிரதை, நண்பன் என்ற பெயரில் நரிகள் நடமாடும் உலகம் இது!!
மறுபுறம், அந்த அதிகாரி அவர்கள் திருமணமாகி பல வருடங்கள் ஆகிவிட்டன, அவர்கள் ஒன்றாக வாழ்ந்து வருகிறார்கள் என்று கூறினார். அவர் இதற்கு முன்பு தனது மனைவியை ஒருபோதும் தாக்கவில்லை என்றும், இதுபோன்ற வழக்கு இருந்தால், அது முன்பே வந்திருக்கும் என்றும் கூறினார். "இது ஒரு குடும்ப விஷயம், எந்தக் குற்றமும் இல்லை. நான் சமூக ரீதியாக எங்கும் செல்ல முடியும், என் மனைவி என்னைத் தட்டிக் கேட்கிறாள். நான் என்ன செய்ய வேண்டும். இது என் துரதிர்ஷ்டம். என்னுடைய எந்த தவறும் இல்லை என்றாலும் நான் கஷ்டப்படுகிறேன்" என்று அவர் கூறினார்.
