வெந்தய நீரின் ஆரோக்கிய நன்மைகள்: பல பிரச்சனைகளுக்கு ஒரே தீர்வு

Fenugreek Water Benefits: இந்திய சமையலறையில் உணவின் உண்மையான சுவை மசாலாப் பொருட்களிலிருந்து வருகிறது. உணவின் சுவையை மேம்படுத்துவதோடு, நல்ல ஆரோக்கியத்தையும் பராமரிக்க இந்த மசாலாப் பொருட்கள் பெரிதும் உதவுகின்றன. இந்த மசாலாப் பொருட்களில் முக்கியமான ஒன்று வெந்தயம். வெந்தயம் உணவின் சுவையை இரட்டிப்பாக்க உதவுகிறது. 

வெந்தயம் சாம்பார், பொரியல், கலந்த சாதங்கள், ஊறுகாய் என பல வித உணவுகளின் சுவையை அதிகரிக்கின்றது. சுவையை அதிகரிப்பதுடன் இதில் பல ஆரோக்கிய நன்மைகளும் உள்ளன. வெந்தய விதைகள் (Fenugreek), கீரை போலவே வெந்தய நீரிலும் பல ஆரோக்கிய நன்மைகள் உள்ளன.  வெந்தயம் பொதுவாக மசாலா பொருளாகவும் மூலிகை மருந்தாகவும் பயன்படுத்தப்படும் ஒரு தாவரமாகும். இதன் விதைகள் சற்று கசப்பான சுவை கொண்டவை. இவை பெரும்பாலும் இந்திய சமையலில் பல உணவு வகைகளில் பயன்படுத்தப்படுகின்றன. வெந்தயத்தில் நார்ச்சத்து, வைட்டமின்கள் மற்றும் இரும்பு, மெக்னீசியம் மற்றும் மாங்கனீஸ் உள்ளிட்ட தாதுக்கள் நிறைந்துள்ளன. வெந்தய நீரால் கிடைக்கும் நன்மைகளில் சீரான செரிமானம், இரத்த சர்க்கரை அளவின் கட்டுப்பாடு, வீக்கத்தைக் குறைக்க உதவும் திறன் போன்ற நன்மைகளும் அடங்கும். வெந்தய நீரை தினமும் குடித்து வந்தால் உடலில் ஏற்படும் பல நோய்கள் குணமாகும். 

வெந்தய நீரில் உள்ள ஊட்டச்சத்துகள்

நார்ச்சத்து, புரதம், மாவுச்சத்து, சர்க்கரை, பாஸ்பரஸ் அமிலம், சோடியம், துத்தநாகம், பாஸ்பரஸ், ஃபோலிக் அமிலம், இரும்புச்சத்து, கால்சியம், மெக்னீசியம், பொட்டாசியம் போன்ற உடலுக்குத் தேவையான பல ஊட்டச்சத்துக்கள் இதில் உள்ளன. வெந்தய நீரை குடிப்பதால் ஏற்படும் அற்புத நன்மைகளை பற்றி இங்கே தெரிந்து கொள்வோம்.

சர்க்கரை நோய் (Diabetes)

வெந்தயத்தில் போதுமான அளவு நார்ச்சத்து, புரதம், மாவுச்சத்து, சர்க்கரை மற்றும் பாஸ்பாரிக் அமிலம் உள்ளது. இது உடலில் குளுக்கோஸ் அளவை பராமரிக்க உதவுகிறது. நீரிழிவு நோயாளிகள் வெந்தய நீரை தினமும் உட்கொள்ள வேண்டும்.

மேலும் படிக்க | வேகமா உடல் எடை குறையணுமா? இந்த தப்பை மட்டும் பண்ணிடாதீங்க

எடை இழப்பு (Weight Loss)

உங்கள் தொப்பை பெரிதாகிறதா? எடை அதிகரிக்கிறதா? அப்படி என்றால் உங்களுக்கு வெந்தய நீர் உதவும். வெந்தய நீரில் ஏராளமான நார்ச்சத்து உள்ளது, இது பசியைக் குறைத்து வயிற்றை நிறைவாக வைத்திருக்கும். இந்த காரணத்தினால், வெந்தய நீர் உடல் எடையை குறைக்க உதவுகிறது.

செரிமானம் (Digestion)

வெந்தய நீரில் ஏராளமான நார்ச்சத்து உள்ளது, இது வயிற்றுக்கு நல்லது. மலச்சிக்கல், அஜீரணம், வயிற்று வலி போன்ற வயிற்று நோய்களில் இருந்து விடுபட வெந்தய நீர் (Fenugreek Water) மிகவும் உதவுகிறது.

இதய பாதுகாப்பு (Heart Health)

வெந்தய நீரில் உள்ள கலவைகள் மற்றும் ஊட்டச்சத்துக்கள் உடலில் உள்ள கெட்ட கொழுப்பின் அளவைக் குறைக்க உதவுகின்றன. இதை உட்கொள்வது நல்ல கொழுப்பின் அளவை அதிகரிக்கிறது. இதயம் தொடர்பான நோய்களில் இருந்து நிவாரணம் பெற, தினமும் காலையில் வெந்தய நீரை பருக வேண்டும்.

ஹார்மோன் சமநிலை (Hormonal Balance)

வெந்தய நீர் அதன் பைட்டோ ஈஸ்ட்ரோஜன் உள்ளடக்கத்திற்கு அறியப்படுகிறது. இது ஹார்மோன் ஏற்றத்தாழ்வைக் கட்டுப்படுத்த உதவும், குறிப்பாக மெனோபாஸ் அறிகுறிகளை அனுபவிக்கும் பெண்களுக்கு இது மிகவும் உதவியாக இருக்கும்.

(பொறுப்பு துறப்பு: அன்புள்ள வாசகரே, எங்கள் செய்திகளைப் படித்ததற்கு நன்றி. இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)

மேலும் படிக்க | இந்த மூலிகைகளை சமைச்சு சாப்பிட்டா வேற லெவல்! அப்படியே சாப்பிட்டா ஆரோக்கியம் உறுதி

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews 

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ