ஆரோக்கியமான காலைப் பழக்கம் ஆரோக்கியமான உடலுக்குத் திறவுகோலாகும். ஆரோக்கியமான உணவுடன் உங்கள் நாளைத் தொடங்குவதன் மூலம், உங்கள் நாள் முழுவதும் உங்களை பிட் ஆக வைத்துக் கொள்ளலாம். உங்கள் உடலை வெளியில் இருந்தும் உள்ளில் இருந்தும் பாதுகாக்கும் ஏதாவது ஒன்றைக் கொண்டு உங்கள் காலையைத் தொடங்குவதை விட சிறந்தது எதுவாக் இருக்க முடியும் ? உங்கள் உடல் நாள் முழுவதும் சிறப்பாக செயல்பட உதவும் பல பழங்கள் மற்றும் காய்கறிகளை உங்கள் காலை உணவில் சேர்க்கலாம். அனைத்து பழங்கள் மற்றும் காய்கறிகளில், ஆண்டு முழுவதும் சந்தையில் எளிதாகக் கிடைக்கும் சிறந்த பழம் ஒன்று உள்ளது. ஏதேனும் யூகங்கள் உள்ளதா? நாங்கள் பப்பாளி பற்றி பேசுகிறோம். பப்பாளி போன்ற சுவையான மற்றும் சத்தான பழத்துடன் உங்கள் நாளைத் தொடங்குவதன் மூலம் பல வியக்கத்தக்க ஆரோக்கிய நன்மைகளைப் பெறலாம்.
இந்த வெப்பமண்டலப் பொக்கிஷமான பழம் உஙக்ள், சுவை மொட்டுகளுக்கு மகிழ்ச்சியைத் தருவது மட்டுமல்லாமல், கால்சியம், நார்ச்சத்து, மெக்னீசியம், பொட்டாசியம் மற்றும் ஆக்ஸிஜனேற்றங்களுடன் வைட்டமின்கள் A, B, C மற்றும் E ஆகியவற்றைக் கொண்டு வரும்போது, அது ஆரோக்கியத்திற்கு பல நன்மைகளைத் தருகிறது. காலையில் பப்பாளியுடன் உங்கள் நாளைத் தொடங்கினால் உங்கள் உடலுக்குள் என்ன நடக்கும் என்பது இங்கே அறிந்து கொள்ளலாம்..
மலச்சிக்கலை எதிர்த்துப் போராட உதவுகிறது
நீங்கள் மலச்சிக்கல் மற்றும் செரிமான ஆரோக்கியம் தொடர்பான பிரச்சனைகளால் பாதிக்கப்பட்டிருந்தால், உங்கள் காலை உணவில் சில துண்டுகளை சேர்க்கவும். பப்பாளி பழத்தை காலையில் வெறும் வயிற்றில் சாப்பிடுவது செரிமான மண்டலத்தை ஆரோக்கியமாக வைத்து வயிற்றுப் பிரச்சனைகளைத் தடுக்கிறது. இந்த பழத்தில் நார்ச்சத்து நிறைந்துள்ளது, இது குடல் இயக்கத்தை எளிதாக்க உதவுகிறது, இதனால் மலச்சிக்கலில் இருந்து நிவாரணம் அளிக்கிறது. மலச்சிக்கல் தான் பல நோய்களுக்கு முக்கிய காரணியாக உள்ளது. பப்பாளி அமிலத்தன்மை மற்றும் அஜீரணத்தை எளிதாக்கவும் உதவும்.
எடை இழப்பை ஊக்குவிக்கிறது
பப்பாளி உடல் எடையை குறைக்க உதவும். ஏன்? ஏனெனில் இந்த பழம் குறைந்த அளவு கலோரிகளுடன் வருகிறது. அதே நேரத்தில், பப்பாளியில் நார்ச்சத்து நிறைந்துள்ளது, இது பசியை உணராமல் இருக்கவும், நீண்ட நேரம் வயிறு நிறைந்த உணர்வைத் தருகிறது மற்றும் நீண்ட நேரம் பசியைத் தடுக்கிறது. எனவே, நீங்கள் உங்கள் எடை இழப்பு முயற்சியில் இருந்தால், உங்கள் உணவில் பப்பாளியை சேர்த்துக் கொள்ளுங்கள்.
நோய் எதிர்ப்பு சக்தியை அதிகரிக்க உதவுகிறது
பப்பாளியில் வைட்டமின் சி நிறைந்துள்ளது மற்றும் ஆன்டிஆக்ஸிடன்ட்கள் நிரம்பியுள்ளது, இது நோய் எதிர்ப்பு சக்தியை அதிகரிக்க உதவுகிறது. இந்த பழத்தை சாப்பிடுவதால், நோய்த் தொற்றுகள் மற்றும் பிற நாட்பட்ட நோய்களிலிருந்து உடலைப் பாதுகாப்பாக வைத்திருக்க முடியும். பப்பாளியை வெறும் வயிற்றில் சாப்பிடும் போது, உடலில் உள்ள நச்சுகள் வெளியேறி, உடலின் நச்சுத்தன்மையை குறைக்க உதவுகிறது.
இதயத்தை ஆரோக்கியமாக வைக்கிறது
கொலஸ்ட்ரால் பல வழிகளில் உங்கள் உடலுக்கு தீங்கு விளைவிக்கும், குறிப்பாக உங்கள் இதயம். எனவே, கொலஸ்ட்ரால் அளவைக் கட்டுக்குள் வைத்திருப்பது அவசியம். பப்பாளியில் உள்ள நார்ச்சத்து கெட்ட கொழுப்பின் அளவைக் குறைக்க உதவுகிறது. இது தவிர, பப்பாளியில் பொட்டாசியம் உள்ளது, இது உயர் இரத்த அழுத்தத்தை நிர்வகிக்க உதவுகிறது, இது இதயத்திற்கு தீங்கு விளைவிக்கும் மற்றொரு காரணியாகும்.
சரும ஆரோக்கியத்தை மேம்படுத்துகிறது
பப்பாளியில் வைட்டமின் சி மற்றும் அத்தியாவசிய ஆக்ஸிஜனேற்றங்கள் நிறைந்துள்ளன, அவை நல்ல சரும ஆரோக்கியத்தை மேம்படுத்துகின்றன. பப்பாளியில் உள்ள பண்புகள் சரும செல்களை சரி செய்யவும், ஃப்ரீ ரேடிக்கல் பாதிப்பில் இருந்து சருமத்தைப் பாதுகாக்கவும் உதவும்.
(பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டது. அதை ஏற்றுக்கொள்ளும் முன் மருத்துவ ஆலோசனையைப் பெற வேண்டும். ZEE NEWS அதை உறுதிப்படுத்தவில்லை.)
மேலும் படிக்க | நீரிழிவை ஒழித்துக் கட்டும் நார் சத்து நிறைந்த ‘சில’ உணவுகள்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
