Coffee Alert : காபி மீது காதல் இல்லாதவர்களின் எண்ணிக்கை குறைவாகவே இருக்கும். காபியில் பல்வேறு சுவைகள் மற்றும் வகைகல் இருந்தாலும் பால் சேர்த்த காபிக்கு பலர் அடிமை என்றே சொல்லலாம். அதிலும், சிலர் காலையில் வெறும் வயிற்றில் முதலில் காபி குடித்தே தொடர்ங்குவார்கள். ஆனால், நீங்கள் பால் காபி பிரியர்களுக்கு வருத்தமான விஷயம் ஒன்று உண்டு. காபியில் பால் சர்க்கரை சேர்த்து குடிப்பதுடன் நாளைத் தொடங்கும் போது உடலுக்குள் நடக்கும் ஆபத்தான மாற்றங்கள் என்ன என்பதை தெரிந்துக் கொள்ளுங்கள்... விஷயங்கள் இங்கே உள்ளன.
இனிப்பு, பால் கலந்த காபியுடன் உங்கள் நாளைத் தொடங்குவது இயல்பானது. ஆனால், நமது காலையை கிக்ஸ்டார்ட் செய்வதற்கான பிரியமான வழக்கம் பல ஆபத்துக்களையும் கொண்டிருக்கிறது.
செரிமான அமைப்பை பாதிப்பு
காலையில் வெறும் வயிற்றில் காபி குடிப்பது செரிமானத்தில் ஆபத்து ஏற்படுத்துகிறது. இரவு முழுவதும் காலியாக உள்ள வயிற்றில், காபி போகும்போது அமிலத்தன்மை, வீக்கம் மற்றும் அஜீரணம் ஏற்படும். மென்மையான வயிறு உள்ளவர்களுக்கு பாதிப்புகள் அதிகமாகும்.
இரத்த சர்க்கரை
காபியில் சேர்க்கப்பட்ட சர்க்கரையின் காரணமாக இரத்த சர்க்கரை அதிகரிக்கும். நீண்ட காலமாக காபி குடிப்பது ஆரோக்கியத்தை பாதிக்கலாம்.
மேலும் படிக்க | உடல் பருமனை குறைக்க ஈசி வழி: இரவில் இப்படி, இதை சாப்பிடுங்க போதும்
அதிக கலோரிகள்
சர்க்கரை, பால் கலந்த காபியில் உள்ள கலோரிகள், எடை அதிகரிப்பதை ஊக்குவிக்கும். சர்க்கரையில் உள்ள வெற்று கலோரிகளும், பாலில் உள்ள கொழுப்பும், சேர்ந்து உடல் எடை கிடுகிடுவென அதிகரிக்கும்.
இதய நோய் அபாயம் அதிகரிக்கிறது
காபியை அடிக்கடி உட்கொள்வதால் இதய நோய் அபாயம் அதிகரிக்கலாம். பாலில் உள்ள நிறைவுற்ற கொழுப்புகள் கொலஸ்ட்ரால் அளவை அதிகரிக்கலாம், அதேசமயம் சர்க்கரை வீக்கம் மற்றும் ஆக்ஸிஜனேற்ற அழுத்தத்தை தூண்டலாம், இவை இரண்டும் இதய பிரச்சனைகளுக்கு முக்கியமாகின்றன.
குடல் ஆரோக்கியம் - லாக்டோஸ்
பால் கலந்த காபியில் உள்ள அதிக அமிலத்தன்மை உங்கள் குடலில் உள்ள மென்மையான பாக்டீரியா சமநிலையை சீர்குலைக்கும். இந்த டிஸ்பயோசிஸ் வீக்கம், அசௌகரியம் மற்றும் மேலும் செரிமான பிரச்சனைகளையும் அதிகரிக்கும்.
ஊட்டச்சத்து குறைபாடு
மேலும், பால் கலந்த காபியை முதலில் குடிப்பது உங்கள் காலை உணவு அல்லது அதைத் தொடர்ந்து வரும் உணவில் இருந்து முக்கியமான ஊட்டச்சத்துக்களை உறிஞ்சுவதை மந்தமாக்கும். உதாரணமாக, காபியில் உள்ள டானின்கள் கால்சியம் அல்லது இரும்பு போன்ற தாதுக்களுடன் பிணைந்து, அவற்றின் உறிஞ்சுதல் திறனைக் குறைத்து, காலப்போக்கில் ஊட்டச்சத்து குறைபாடுகளுக்கு வழிவகுக்கும்.
நீரிழப்பு
அதிகப்படியான காபி உட்கொள்வது நீரிழப்புக்கு வழிவகுக்கும், காலையில் காபி குடிப்பது உடலின் நீரேற்ற அளவுகளில் குறிப்பிடத்தக்க விளைவுகளை ஏற்படுத்தும்.
(பொறுப்பு துறப்பு: தகவல்களை வழங்குவதற்காக மட்டுமே எழுதப்பட்டுள்ளது. வீட்டு வைத்தியம் மற்றும் பொதுவான தகவல்களின் அடிப்படையில் எழுதப்பட்டுள்ள இந்த குறிப்புகளை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
