சர்க்கரை நோயால் முடி கொட்டுதா? அப்போ இத ட்ரை பண்ணுங்க

நீரிழிவு நோயால் முடி உதிர்தல்: கடந்த சில ஆண்டுகளாக நீரிழிவு நோய் வேகமாக வெளிப்பட்டு வருகிறது. இது ஒரு அமைதியான நோயாகும், இது படிப்படியாக பலவி நம் உடலுக்கு ஆழமான சேதத்தை ஏற்படுத்துகிறது. நீரிழிவு நோயால், உடலில் பல வகையான பிரச்சனைகள் வர ஆரம்பிக்கின்றன, அதில் ஒன்று அதிகப்படியான முடி உதிர்தல். அந்தவகையில் சர்க்கரை நோய் கட்டுப்பாட்டில் இல்லை என்றால், அது உடலில் உள்ள பல்வேறு உறுப்புகளுடன் சேர்ந்து முடியிலும் மோசமான விளைவை ஏற்படுத்தும். அதேபோல் முழு உதிர்வுக்கு ஆரோக்கியமற்ற உணவு, வைட்டமின்கள் அல்லது தாதுக்கள் பற்றாக்குறை, பொடுகு போன்ற பல காரணங்களும் இருக்கலாம். இருப்பினும், நீரிழிவு நோயால் பலர் வழுக்கையை சந்திக்க வேண்டியிருக்கும். எனவே சர்க்கரை நோய் எவ்வாறு முடியை வலுவிழக்கச் செய்து அதை சேதப்படுத்துகிறது என்பதை தெரிந்து கொள்வோம்.

முதுமையில் முடி உதிர்வது அல்லது வலுவிழப்பது சாதாரணமாக கருதப்படுகிறது, ஆனால் சில நோய்களால் முடி உதிர ஆரம்பித்தால், அதை தீவிரமாக எடுத்துக் கொள்வது அவசியம் . ஹெல்த்லைன் படி , உடலில் இரத்த சர்க்கரை அளவு அதிகரித்தால், அதன் விளைவு முடியில் காட்டத் தொடங்குகிறது. பொதுவாக நீரிழிவு நோயில், உடல் இன்சுலின் உற்பத்தியை நிறுத்துகிறது அல்லது குறைவாக உற்பத்தி செய்கிறது. இதன் காரணமாக இரத்தத்தில் சர்க்கரையின் அளவு அதிகரிக்கத் தொடங்குகிறது. சர்க்கரையின் அளவு அதிகரிப்பதால், உடலில் இருக்கும் இரத்த அணுக்கள் தோல் மற்றும் முடிக்கு போதுமான அளவு ஆக்ஸிஜனை வழங்க முடியாமல் பலவீனமடையும்.

அந்தவகையில் நீரிழிவு நோயைக் கட்டுப்படுத்த உடல் செயல்பாடு மிகவும் முக்கியமானது. தினசரி உடற்பயிற்சி இரத்த சர்க்கரை அளவை குறைக்க உதவும். சரியாக உடற்பயிற்சி செய்வதன் மூலம் உடலில் ஆக்ஸிஜன் சுற்றுகிறது, இதன் காரணமாக இரத்த அணுக்கள் மூலம் போதுமான அளவு ஆக்ஸிஜன் முடியை அடைகிறது. இதற்கு நடைப்பயிற்சி, நீச்சல், யோகா, பளு தூக்குதல் போன்றவற்றை மேற்கொள்ளலாம்.

மேலும் படிக்க | Brain Health: மூளையை பாதிக்கும் ஆபத்தான பழக்கங்களுக்கு ‘NO’ சொல்லுங்க

நீரிழிவு இருப்பவர்களுக்கு இயல்பாகவே வறண்ட சருமம், அரிப்பு போன்ற பிற வகையான தோல் தொடர்பான பிரச்சனைகள் இருக்கும். இரத்தத்தில் சர்க்கரை அளவு அதிகரிக்கும் போது தொற்றுகள் அதிகரிக்கும். ஃபோலிகுலிடிஸ் என்பது ஒரு வகை பாக்டீரியா தோல் தொற்று. இது மயிர்க்கால்களில் பாதிப்பை உண்டாக்கி முடி உதிர்வை ஊக்குவிக்கும்.

சர்க்கரை நோயாளிகள் முடி உதிர்வை கையாள சில விஷயங்களில் கவனம் செலுத்தினால் போதும்

* முடி உதிர்வை கட்டுப்படுத்த சர்க்கரை அளவை கட்டுக்குள் வைக்க வேண்டும். 
* உணவு முறையில் சர்க்கரை அளவை குறைத்து மெலிந்த புரதங்களை சேர்க்க வேண்டும். 
* பயோட்டின் நிறைந்த உணவுகள் பாதாம், முட்டை, வேர்க்கடலை, இனிப்பு, உருளைக்கிழங்கு, வெங்காயம் மற்றும் ஓட்ஸ் போன்ற உணவுகளை சேர்த்துக்கொள்ளுங்கள்.

(பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டது. அதை ஏற்றுக்கொள்ளும் முன், கண்டிப்பாக மருத்துவ ஆலோசனையைப் பெறவும். ZEE NEWS இதை உறுதிப்படுத்தவில்லை.)

மேலும் படிக்க | Health Tips: மூளை வளர்ச்சிக்கு உதவும் 'Vitamin B12' நிறைந்த சில உணவுகள்

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ