மத்திய இடைநிலைக் கல்வி வாரியம் (CBSE) 2021 ஆம் ஆண்டின் 10, 12 ஆம் வகுப்பு பொதுத் தேர்வுகளை ஒத்திவைக்கக்கூடும் என்ற ஊகங்களுக்கு மத்தியில், மகாராஷ்டிரா மற்றும் குஜராத் மாநிலங்கள், 10, 12 ஆம் வகுப்புகளுக்கான பொதுத் தேர்வுகளை 2021 ஐ பிப்ரவரி-மார்ச் மாதங்களுக்கு பதிலாக மே மாதம் வரை ஒத்திவைப்பதாக அறிவித்துள்ளன.
CBSE பொதுவாக பிப்ரவரி மற்றும் மார்ச் மாதங்களில் 10, 12 ஆம் வகுப்புகளின் பொதுத் தேர்வுகளை நடத்துகிறது என்பதைக் கவனத்தில் கொள்ள வேண்டும். ஆனால் CBSE கொரோனா வைரஸ் தொற்றுநோய் காரணமாக தேர்வை ஒத்திவைக்கக்கூடும் என வட்டாரங்கள் தெரிவிக்கின்றன.
CBSE 10 மற்றும் 12 ஆம் வகுப்பு பொதுத் தேர்வுகளுக்கான தேதி தாள் (Date sheet) வழக்கமாக டிசம்பரில் வெளியிடப்படுகிறது. இந்த ஆண்டு டேட் ஷீட்டை CBSE எப்போது வெளியிடுகிறது என்பதைப் பார்க்க வேண்டும்.
2019 ஆம் ஆண்டு, பொதுத் தேர்வுகளை முன்கூட்டியே நடத்துவதாக CBSE அறிவித்ததால், நவம்பர் தொடக்கத்திலேயே டேட் ஷீட் வெளியிடப்பட்டது. இந்த ஆண்டு, 2021 பொதுத் தேர்வுகளுக்கான டேட் ஷீட்டை வெளியிடுவது குறித்து CBSE இதுவரை எந்த அறிவிப்பும் வெளியிடவில்லை.
கொரோனா வைரஸ் தொற்றில் காரணமாக CBSE தேர்வுகளை மே வரை ஒத்திவைக்க வேண்டும் என்று பல மாணவர்களும் பெற்றோர்களும் விரும்புகிறார்கள் என்று வட்டாரங்கள் தெரிவித்தன. மகாராஷ்டிரா மற்றும் குஜராத் மாநிலங்களில் எடுக்கப்பட்ட முடிவு CBSE மீதும் ஒரு தாக்கத்தை ஏற்படுத்தி விரைவில் இதே போன்ற அறிவிப்பு CBSE தரப்பிலிருந்தும் வெளிவரும் என எதிர்பார்க்கப்படுகின்றது.
ALSO READ: பள்ளிகள் மீண்டும் திறந்ததன் எதிரொலி: இங்கு 150-க்கும் மேற்பட்ட மாணவர்களுக்கு தொற்று உறுதி
CBSE சமீபத்தில் மார்கிங் ஸ்கீமுடன் சமீபத்திய மாதிரி வினாத்தாள்களை வெளியிட்டது. இது CBSE தேர்வுகளை சரியான நேரத்தில் நடத்த திட்டமிட்டுள்ளது என்ற ஊகங்களுக்கு வழிவகுத்தது.
கொரோனா வைரஸ் தொற்றுநோயின் விளைவாக வகுப்புகள் பல நாட்களுக்கு வழக்கமான முறையில் நடக்காமல் இருந்ததால், ஜூலை மாதம், CBSE 2020-21 கல்வி அமர்வுக்கான பாடத்திட்டங்களை 30% குறைத்தது. 2021 ஆம் ஆண்டு நடக்கவிருக்கும் 10 மற்றும் 12 வது பொதுத் தேர்வுகளுக்கான (Board Exams) பாடத்திட்டங்களை CBSE மேலும் குறைக்கக்கூடும் என்று எதிர்பார்க்கப்படுகிறது.
CBSE ஒரு சில நாட்களில் 12 ஆம் வகுப்பின் 2021-க்கான டேட் ஷீட் அல்லது CBSE 2021-க்கான அட்டவணையை வெளியிட வாய்ப்புள்ளது என்று பல ஊடக அறிக்கைகள் கூறியுள்ளன. Date sheet-ல் தேர்வுகள் தொடர்பான அனைத்து முக்கியமான தேதிகளும் இருக்கும். CBSE இதை வெளியிட்டதும், மாணவர்கள் தேர்வு தேதிகளை cbse.nic.in இல் சரிபார்க்கலாம்.
ALSO READ: மாணவர்கள் கவனத்திர்க்கு! CBSE 10, 12 வகுப்பு தேர்வு குறித்து முக்கிய அறிவிப்பு வெளியீடு!
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
