LPG Cylinder Price Hike, Check Major Cities Updates Here: எல்பிஜி சிலிண்டரில் வீட்டு உபயோகத்திற்கு மட்டுமின்றி வணிக பயன்பாட்டுக்கும் தனியே சிலிண்டர் உள்ளது. 19 கிலோ சிலிண்டரான இந்த சிலிண்டர்தான் உணவகம், தள்ளுவண்டி கடை, சாலையோர உணவுக்கடைகள், டீக்கடைகள் உள்ளிட்ட இடங்களில் அதிகமாக பயன்பாட்டில் இருக்கின்றன. வீட்டு உபயோக சமையல் எரிவாயு சிலிண்டர்களை இதுபோன்ற இடங்களில் பயன்படுத்தினால் சட்ட விரோதம் என்பதால் வணிகர்கள் அனைவரும் வணிக பயன்பாட்டுக்கான கேஸ் சிலிண்டரையே வாங்குவார்கள். பெரு வணிகர்கள் மட்டுமின்றி அன்றாடம் குறைவான வருவாய் ஈட்டும் வணிகர் கூட இதையேதான் பயன்படுத்த வேண்டும்.
அந்த வகையில் ஒவ்வொரு மாதமும் அதன் முதல் நாள் எல்பிஜி சிலிண்டர் விலையில் மாற்றம் செய்யப்படும். இந்நிலையில், நவம்பர் 1ஆம் தேதியான இன்று வணிக பயன்பாட்டுக்கான சிலிண்டரின் விலை மட்டும் உயர்ந்தப்பட்டுள்ளது. வீட்டு உபயோக சிலிண்டரின் விலையில் அதே விலையில் நீடிக்கிறது. இந்தியன் ஆயில் கார்ப்பரேஷன் 19 கிலோ கொண்ட ஒரு வணிக பயன்பாட்டுக்கான சிலிண்டரின் விலையை சுமார் ரூ.62 வரை உயர்த்தப்பட்டுள்ளது.
சென்னையில் விலை எவ்வளவு?
இந்த விலை உயர்வு சென்னை, பெங்களூரு, ஹைதராபாத், கொல்கத்தா,டெல்லி, மும்பை ஆகிய நகரங்களிலும் எதிரொலிக்கும். சென்னையில் ஒரு வணிக பயன்பாட்டுக்கான சிலிண்டர் ரூ.2000 என்ற விலையை நெருங்கி வருகிறது எனலாம். ஒருவேளை அடுத்த முறை ரூ.35க்கு மேல் உயர்த்தப்பட்டால் அதன் விலை 2000 ரூபாயை தாண்டிவிடும் எனலாம். அதே வேளையில் கொல்கத்தாவில் 1900 ரூபாயை தாண்டியுள்ளது. மேலும் மும்பையில் முதல்முறையாக 1,750 ரூபாயையும், டெல்லியில் 1,800 ரூபாயையும் தாண்டியுள்ளது.
மேலும் படிக்க | தங்கம் விலை எகிறுது, பழைய நகை எக்ஸ்சேஞ்ச் போட்டால் விலை குறையுமா?
தற்போது சென்னையில் ஒரு வணிக பயன்பாட்டுக்கான கேஸ் சிலிண்டர் ரூ.61.50 உயர்ந்து ரூ.1,964.50 என்ற விலையில் விற்கப்படுகிறது. கடந்த மாதம் இதன் விலை. ரூ.19.03 ஆக இருந்தது. மும்பையில் தற்போது ரூ.62 உயர்ந்து ரூ.1,754.50 ஆகவும், கொல்கத்தாவில் ரூ.61 உயர்ந்து ரூ.1,911.50 ஆகவும், டெல்லியில் ரூ.62 உயர்ந்து ரூ.1,802 ஆகவும் உள்ளது.
14.2 கிலோ சிலிண்டரின் விலை
மறுபுறம், 14.2 கிலோ கொண்ட வீட்டு உபயோக சமையல் எரிவாயு சிலிண்டர் கடந்த ஆகஸ்ட் 1ஆம் தேதியில் இருந்து மாற்றம் இல்லாமல் அப்படியே இருக்கிறது. சென்னையில் ரூ.818.50, மும்பையில் ரூ.802.50, கொல்கத்தாவில் ரூ.829, டெல்லியில் ரூ.803 என்ற விலையில் வீட்டு உபயோக கேஸ் சிலிண்டர் விற்பனையாகி வருகிறது.
விமான எரிபொருள் விலை (ATF Prices) நவம்பர் 1ஆம் தேதியின்படி, ஒரு கிலோலிட்டர் சென்னையில் ரூ.93,957.10, மும்பையில் ரூ.84,642.91, கொல்கத்தாவில் ரூ.93,392.79, டெல்லியில் ரூ.90,538.72 என்ற விலையில் விற்பனை செய்யப்படுகிறது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
