7th Pay Commission Latest News: ಸರ್ಕಾರಿ ನೌಕರರಿಗೆ ಸಿಹಿ ಸುದ್ದಿಯೊಂದು ಪ್ರಕಟವಾಗಿದೆ. ಶೀಘ್ರದಲ್ಲೇ ಸರ್ಕಾರಿ ನೌಕರರ ಸಂಬಳ ಹೆಚ್ಚಾಗುವ ನಿರೀಕ್ಷೆ ಇದೆ. ಕೇಂದ್ರ ಸರ್ಕಾರದ ನಂತರ, ಅನೇಕ ರಾಜ್ಯಗಳು ತಮ್ಮ ಉದ್ಯೋಗಿಗಳ ತುಟ್ಟಿಭತ್ಯೆಯನ್ನು ಹೆಚ್ಚಿಸಿವೆ. ಇದುವರೆಗೆ ಕೇಂದ್ರ ಸರ್ಕಾರ ತುಟ್ಟಿಭತ್ಯೆಯನ್ನು ಶೇ.34ರಷ್ಟು ಹೆಚ್ಚಿಸಿದೆ. ಇನ್ನೊಂದೆಡೆ ಕೆಲ ರಾಜ್ಯಗಳಲ್ಲಿಯೂ ಕೂಡ ಅಲ್ಲಿನ ಸರ್ಕಾರಗಳು ಇದೆ ಅನುಕ್ರಮದಲ್ಲಿ ತುಟ್ಟಿಭತ್ಯೆಯನ್ನು ಹೆಚ್ಚಿಸುತ್ತಿವೆ. ಇದೀಗ ಮಹಾರಾಷ್ಟ್ರ ಸರ್ಕಾರವೂ ತನ್ನ ಸರ್ಕಾರಿ ನೌಕರರಿಗೆ ಉಡುಗೊರೆ ನೀಡುವ ಸಾಧ್ಯತೆ ಇದೆ ಎನ್ನಲಾಗಿದ್ದು, ಡಿಎಯ ಬಾಕಿ ಕಂತು ಕೂಡ ಪಾವತಿಸಲಿದೆ ಎನ್ನಲಾಗಿದೆ.
17 ಲಕ್ಷ ಉದ್ಯೋಗಿಗಳ ವೇತನ ಹೆಚ್ಚಳ
ಮಹಾರಾಷ್ಟ್ರ ಸರ್ಕಾರವು ಏಳನೇ ವೇತನ ಆಯೋಗದ (7ನೇ ವೇತನ ಆಯೋಗ) ಅಡಿಯಲ್ಲಿ ಕಂತುಗಳ ಮೂಲಕ ತುಟ್ಟಿ ಭತ್ಯೆಯನ್ನು ಹೆಚ್ಚಿಸುವುದಾಗಿ ಘೋಷಿಸಿತ್ತು. ಒಟ್ಟು 5 ಕಂತುಗಳನ್ನು ಬಾಕಿ ನೀಡುವುದಾಗಿ ಘೋಷಿಸಲಾಗಿತ್ತು. ಅದರಲ್ಲಿ 2 ಕಂತುಗಳನ್ನು ಸರ್ಕಾರ ಈಗಾಗಲೇ ನೀಡಿದೆ. ಇದೀಗ ಮೂರನೇ ಕಂತಿನ ಸರದಿ ಬಂದಿದೆ. ಸರ್ಕಾರದ ಈ ನಿರ್ಧಾರದಿಂದ ಮಹಾರಾಷ್ಟ್ರ ಸರ್ಕಾರದ ಸುಮಾರು 17 ಲಕ್ಷ ಉದ್ಯೋಗಿಗಳಿಗೆ ನೇರ ಲಾಭ ಸಿಗಲಿದೆ.
ಯಾವ ಉದ್ಯೋಗಿಗಳಿಗೆ ಲಾಭ ಸಿಗಲಿದೆ?
2019 ರಲ್ಲಿ, ಮಹಾರಾಷ್ಟ್ರ ಸರ್ಕಾರ ಮತ್ತು ಜಿಲ್ಲಾ ಪರಿಷತ್ ಮತ್ತು ಮುನ್ಸಿಪಲ್ ಕಾರ್ಪೊರೇಷನ್ ನೌಕರರಿಗೆ 7 ನೇ ವೇತನ ಆಯೋಗವನ್ನು ಜಾರಿಗೆ ಲರಲಾಗಿದೆ. ಇದರ ನಂತರ, 2019-20 ನೇ ಸಾಲಿನಿಂದ ನೌಕರರಿಗೆ 5 ವರ್ಷಗಳಲ್ಲಿ 5 ಕಂತುಗಳಲ್ಲಿ ಬಾಕಿ ಪಾವತಿಸಲು ಸರ್ಕಾರ ನಿರ್ಧರಿಸಿದೆ. ಇದುವರೆಗೆ ಈ ಕಂತುಗಳ ಪೈಕಿ ನೌಕರರಿಗೆ 2 ಕಂತುಗಳನ್ನು ಪಾವತಿಸಲಾಗಿದೆ. ಮೂರನೇ ಕಂತನ್ನು ಜೂನ್‌ನಲ್ಲಿ ಅವರಿಗೆ ಪಾವತಿಸಲಾಗುವುದು ಎನ್ನಲಾಗಿದೆ. ಇದಾದ ನಂತರ ನಾಲ್ಕನೇ ಮತ್ತು ಐದನೇ ಕಂತುಗಳನ್ನು ಕೂಡ ಇದೆ ವರ್ಷದಲ್ಲಿ ಪಾವತಿಸಳಗುವುದು ಎನ್ನಲಾಗಿದೆ.
ಇದನ್ನೂ ಓದಿ-Driving License ಪಡೆಯುವ ನಿಯಮಗಳಲ್ಲಿ ಮಹತ್ವದ ಬದಲಾವಣೆ! ಸರ್ಕಾರದ ನೂತನ ಮಾರ್ಗಸೂಚಿಗಳು ಇಲ್ಲಿವೆ
40 ಸಾವಿರದವರೆಗೆ ವೇತನ ಹೆಚ್ಚಳವಾಗಲಿದೆ
ಸರ್ಕಾರದ ಈ ನಿರ್ಧಾರದಿಂದ 7ನೇ ವೇತನ ಆಯೋಗದ ಅಡಿಯಲ್ಲಿರುವ ಬರುವ ಸರ್ಕಾರಿ ನೌಕರರಲ್ಲಿನ ‘ಎ’ ವರ್ಗಕ್ಕೆ ಸೇರಿರುವ ಅಧಿಕಾರಿಗಳ ವೇತನದಲ್ಲಿ ಭಾರಿ ಏರಿಕೆಯಾಗಲಿದೆ. ಏಕಕಾಲಕ್ಕೆ ಸುಮಾರು 30 ರಿಂದ 40 ಸಾವಿರ ರೂ. ಲಾಭ ಅವರಿಗೆ ಸಿಗಲಿದೆ. ಇದೇ ವೇಳೆ ವರ್ಗ ಬಿ ಅಧಿಕಾರಿಗಳು 20 ರಿಂದ 30 ಸಾವಿರ ರೂಪಾಯಿಗಳ ಲಾಭವನ್ನು ಪಡೆಯಲಿದ್ದಾರೆ. ಇದರ ಅಡಿಯಲ್ಲಿ ಸಿ ವರ್ಗದ ಅಧಿಕಾರಿಗಳಿಗೆ 10 ರಿಂದ 15 ಸಾವಿರ ಮತ್ತು ನಾಲ್ಕನೇ ವರ್ಗದವರಿಗೆ 8 ರಿಂದ 10 ಸಾವಿರ ರೂ. ಲಾಭ ಸಿಗಲಿದೆ. ಮಹಾರಾಷ್ಟ್ರದಲ್ಲಿ ಸರ್ಕಾರಿ ನೌಕರರ ಡಿಎ ಪ್ರಸ್ತುತ ಶೇ.31ರಷ್ಟಿದೆ ಮುಂದಿನ ಕಂತಿನಲ್ಲಿ ಇದು ಶೇ.34ಕ್ಕೆ ಏರಿಕೆಯಾಗಲಿದೆ.
ಇದನ್ನೂ ನೋಡಿ-
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
