ನವದೆಹಲಿ: Cheapest Recharge Plans - ದೇಶದ ಪ್ರಮುಖ ಟೆಲಿಕಾಂ ಕಂಪೆನಿಗಳಾದ (Telecom Companies) ರಿಲಯನ್ಸ್ ಜಿಯೋ, ಏರ್ಟೆಲ್ ಮತ್ತು ವೊಡಾಫೋನ್-ಐಡಿಯಾ (Vi) ತಮ್ಮ ಗ್ರಾಹಕರಿಗೆ ವಿವಿಧ ಬೆಲೆಯ ಯೋಜನೆಗಳನ್ನು ನೀಡುತ್ತವೆ. ಎಲ್ಲಾ ಮೂರು ಕಂಪನಿಗಳ 200 ರೂಪಾಯಿಗಳಿಗಿಂತ ಕಡಿಮೆ ಮೊತ್ತದ ಅತ್ಯುತ್ತಮ ಪ್ರಿಪೇಯ್ಡ್ ಯೋಜನೆಗಳನ್ನು ಘೋಷಿಸಿವೆ. ಈ ಯೋಜನೆಗಳು ಅನಿಯಮಿತ ಕರೆ ಮತ್ತು ಉಚಿತ ಡೇಟಾವನ್ನು ಒದಗಿಸುತ್ತವೆ. ಅಂದರೆ, ನೀವು ಅಗ್ಗದ ಯೋಜನೆಯನ್ನು ಹುಡುಕುತ್ತಿದ್ದರೆ, ಈ ಸುದ್ದಿ ನಿಮ್ಮ ಕೆಲಸಕ್ಕೆ ಬರಲಿದೆ.
Reliance Jio 200 ರೂ. ಗಿಂತ ಕಡಿಮೆ ಇರುವ ಪ್ಲಾನ್ ಗಳಲ್ಲೇನು ಸಿಗುತ್ತಿದೆ?
ಜಿಯೋನ ಎರಡು ಪ್ಲಾನ್ ಗಳ ಕುರಿತು ನಾವು ಇಲ್ಲಿ ಉಲ್ಲೇಖಿಸುತ್ತಿದ್ದೇವೆ, ಇವುಗಳ ಬೆಲೆ ಕ್ರಮವಾಗಿ ರೂ.149 ಮತ್ತು 199 ರೂ. 149 ರೂಗಳ ಯೋಜನೆ 24 ದಿನಗಳ ಸಿಂಧುತ್ವ ಹೊಂದಿದೆ. ಇದು ಅನಿಯಮಿತ ಕರೆಗಳೊಂದಿಗೆ ಒಟ್ಟು 24 ಜಿಬಿ ಡೇಟಾವನ್ನು ನೀಡುತ್ತದೆ. ಅಂದರೆ, ಬಳಕೆದಾರರು ಪ್ರತಿದಿನ 1 ಜಿಬಿ ಡೇಟಾವನ್ನು ಬಳಸಬಹುದು. ಇದಲ್ಲದೆ, ಪ್ರತಿದಿನ 100 ಎಸ್‌ಎಂಎಸ್ ಮತ್ತು ಜಿಯೋ ಅಪ್ಲಿಕೇಶನ್‌ಗಳ ಉಚಿತ ಚಂದಾದಾರಿಕೆ ಇದೆ.
ಇದೆ ರೀತಿ 199 ರೂ. ಯೋಜನೆಯು ದಿನಕ್ಕೆ 1.5 ಜಿಬಿ ಡೇಟಾವನ್ನು ಹೊಂದಿರುವ ಕಂಪನಿಯ ಅಗ್ಗದ ಯೋಜನೆಯಾಗಿದೆ. ಇದು 28 ದಿನಗಳ ಮಾನ್ಯತೆಯನ್ನು ಹೊಂದಿದೆ. ಈ ರೀತಿಯಾಗಿ, ಬಳಕೆದಾರರು ಒಟ್ಟು 42 ಜಿಬಿ ಡೇಟಾವನ್ನು ಬಳಸಬಹುದು. ಇದಲ್ಲದೆ, ಬಳಕೆದಾರರು ಎಲ್ಲಾ ನೆಟ್‌ವರ್ಕ್‌ಗಳಲ್ಲಿ ಅನಿಯಮಿತ ಕರೆ,ಹಾಗೂ ಪ್ರತಿದಿನ 100 ಉಚಿತ ಎಸ್‌ಎಂಎಸ್ ಸೌಲಭ್ಯ ಪಡೆಯುತ್ತಾರೆ.
Airtelನ ರೂ.200 ಕ್ಕಿಂತ ಕಡಿಮೆ ಬೆಲೆಯ ಪ್ಲಾನ್ ಗಳಲ್ಲೇನು ಸಿಗುತ್ತಿದೆ?
ಏರ್ಟೆಲ್ 200 ರೂ.ಗಿಂತ ಕಡಿಮೆ ಬೆಲೆಗೆ ಮೂರು ಉತ್ತಮ ಯೋಜನೆಗಳನ್ನು ನೀಡುತ್ತಿದೆ. ಇದರಲ್ಲಿ ರೂ.149, ರೂ.179 ಮತ್ತು 199 ರೂ. ಯೋಜನೆಗಳು ಶಾಮೀಲಾಗಿವೆ. 149 ರೂಗಳ ಯೋಜನೆಯಲ್ಲಿ, 2 ಜಿಬಿ ಡೇಟಾವನ್ನು 28 ದಿನಗಳ ಮಾನ್ಯತೆಯೊಂದಿಗೆ ನೀಡಲಾಗುತ್ತದೆ. ಇದು ಎಲ್ಲಾ ನೆಟ್‌ವರ್ಕ್‌ಗಳಲ್ಲಿ ಅನಿಯಮಿತ ಕರೆ ಮತ್ತು 300 ಉಚಿತ ಎಸ್‌ಎಂಎಸ್ ಸೌಲಭ್ಯ ಒಳಗೊಂಡಿದೆ. ಇದಲ್ಲದೆ, ಅಮೆಜಾನ್ ಪ್ರೈಮ್, ಫ್ರೀ ಹಲೋ ಟ್ಯೂನ್ಸ್, ವಿಂಕ್ ಮ್ಯೂಸಿಕ್ ಮತ್ತು ಏರ್ಟೆಲ್ ಎಕ್ಸ್‌ಟ್ರೀಮ್ 30 ದಿನಗಳವರೆಗೆ ಚಂದಾದಾರಿಕೆ ಸಿಗುತ್ತಿದೆ.
ಕಂಪನಿಯ 179 ರೂ ಯೋಜನೆಯು ಕೂಡ ಇದೆ ರೀತಿಯ ಸೌಲಭ್ಯಗಳನ್ನು ಒಳಗೊಂಡಿದೆ. ಇದು ಒಟ್ಟು 2 ಜಿಬಿ ಡೇಟಾ, 28 ದಿನಗಳ ಸಿಂಧುತ್ವ, ಅನಿಯಮಿತ ಕರೆ ಮತ್ತು ಎಲ್ಲಾ ನೆಟ್‌ವರ್ಕ್‌ಗಳಲ್ಲಿ 300 ಉಚಿತ ಎಸ್‌ಎಂಎಸ್ ಸೌಲಭ್ಯ ಒಳಗೊಂಡಿದೆ. ಇದಲ್ಲದೆ, ಅಮೆಜಾನ್ ಪ್ರೈಮ್, ಫ್ರೀ ಹಲೋ ಟ್ಯೂನ್ಸ್ ಮತ್ತು ವಿಂಕ್ ಮ್ಯೂಸಿಕ್ನ 30 ದಿನಗಳ ಸಿಗಲಿವೆ. ಆದರೆ, ಏರ್ಟೆಲ್ ಎಕ್ಸ್‌ಟ್ರೀಮ್ ಬದಲಿಗೆ 2 ಲಕ್ಷ ರೂ.ಗಳ ಜೀವ ವಿಮೆ ನೀಡಲಾಗುತ್ತದೆ.
199 ರೂ.ಗಳ ಯೋಜನೆಯಲ್ಲಿ(Recharge Plan), ನಿತ್ಯ 1 ಜಿಬಿ ಡೇಟಾವನ್ನು 24 ದಿನಗಳವರೆಗೆ ಸಿಗುತ್ತಿದೆ, ಅನಿಯಮಿತ ಕರೆ ಮತ್ತು ಪ್ರತಿದಿನ 100 ಉಚಿತ ಎಸ್‌ಎಂಎಸ್ ನೀಡಲಾಗುತ್ತಿದೆ. ಇದಲ್ಲದೆ, ಅಮೆಜಾನ್ ಪ್ರೈಮ್, ಫ್ರೀ ಹಲೋ ಟ್ಯೂನ್ಸ್, ವಿಂಕ್ ಮ್ಯೂಸಿಕ್ ಮತ್ತು ಏರ್ಟೆಲ್ ಎಕ್ಸ್‌ಟ್ರೀಮ್ 30 ದಿನಗಳ ಚಂದಾದಾರಿಕೆ ಸಿಗುತ್ತಿದೆ.
ಇದನ್ನು ಓದಿ- Cheapest Recharge Plan: ಕೇವಲ 2 ರೂ.ಗಳಲ್ಲಿ 1 GB ಡೇಟಾ, ಉಚಿತ ಕಾಲಿಂಗ್
Vi (Vodafone-Idea)ನ ರೂ.200 ಕ್ಕಿಂತ ಕಡಿಮೆ ಬೆಲೆಯ ಪ್ಲಾನ್ ಗಳಲ್ಲೇನು ಸಿಗುತ್ತಿದೆ?
ವೊಡಾಫೋನ್-ಐಡಿಯಾ ಕೂಡ ಈ ಬೆಲೆಯಲ್ಲಿ ಮೂರು ಉತ್ತಮ ಯೋಜನೆಗಳನ್ನು ನೀಡುತ್ತದೆ, ಇವುಗಳ ಬೆಲೆ ರೂ.148 , ರೂ.149 ಮತ್ತು 199 ರೂ. 148 ರೂ.ಗಳ ಯೋಜನೆಯಲ್ಲಿ, 18 ದಿನಗಳ ಮಾನ್ಯತೆಯೊಂದಿಗೆ ಪ್ರತಿದಿನ 1 ಜಿಬಿ ಡೇಟಾವನ್ನು ನೀಡಲಾಗುತ್ತದೆ. ಈ ರೀತಿಯಾಗಿ ಗ್ರಾಹಕರು ಒಟ್ಟು 18 ಜಿಬಿ ಡೇಟಾವನ್ನು ಬಳಸಲು ಸಾಧ್ಯವಾಗುತ್ತದೆ. ಈ ಯೋಜನೆಯು ಅನಿಯಮಿತ ಕರೆ ಮತ್ತು ದಿನಕ್ಕೆ 100 ಎಸ್‌ಎಂಎಸ್ ಉಚಿತವಾಗಿ ಸಿಗುತ್ತಿವೆ. ಇದಲ್ಲದೆ, ಬೇರೆ ಯಾವುದೇ ಪ್ರಯೋಜನಗಳು ಇದರಲ್ಲಿ ಲಭ್ಯವಿಲ್ಲ.
ಇದನ್ನು ಓದಿ- ಹೊಸ ರೀಚಾರ್ಜ್ ಯೋಜನೆ ಪ್ರಾರಂಭಿಸಿದ BSNL, ಸಿಗಲಿದೆ ಈ ಎಲ್ಲಾ ಪ್ರಯೋಜನ
149 ರೂಗಳ ಯೋಜನೆಯಲ್ಲಿ, ಗ್ರಾಹಕರಿಗೆ 28 ದಿನಗಳ ಮಾನ್ಯತೆ ಸಿಗುತ್ತದೆ, ಆದರೂ ಅದರಲ್ಲಿ ಕೇವಲ 3 ಜಿಬಿ ಡೇಟಾವನ್ನು ನೀಡಲಾಗಿದೆ. ಇದಲ್ಲದೆ, ನೀವು ಅನಿಯಮಿತ ಕರೆ, 300 ಎಸ್‌ಎಂಎಸ್ ಮತ್ತು ವಿ ಚಲನಚಿತ್ರಗಳು ಮತ್ತು ಟಿವಿಗೆ ಪ್ರವೇಶವನ್ನು ಪಡೆಯುತ್ತೀರಿ. ಕೊನೆಯ ಯೋಜನೆ 199 ರೂ., ಇದರಲ್ಲಿ ನೀವು 24 ದಿನಗಳ ಮಾನ್ಯತೆಯನ್ನು ಪಡೆಯುತ್ತೀರಿ. ಇದು ಪ್ರತಿದಿನ 1 ಜಿಬಿ ಡೇಟಾದೊಂದಿಗೆ ಬರುತ್ತದೆ, ಹೀಗಾಗಿ ಗ್ರಾಹಕರು ಒಟ್ಟು 24 ಜಿಬಿ ಡೇಟಾವನ್ನು ಬಳಸಬಹುದು. ಇದಲ್ಲದೆ, ಪ್ರತಿದಿನ 100 ಎಸ್‌ಎಂಎಸ್, ಅನಿಯಮಿತ ಕರೆ ಮತ್ತು ವಿ ಮೂವೀಸ್ ಮತ್ತು ಟಿವಿಗೆ ಪ್ರವೇಶವನ್ನು ನೀಡಲಾಗುತ್ತದೆ.
ಇದನ್ನು ಓದಿ- ತನ್ನ ಗ್ರಾಹಕರಿಗಾಗಿ ಅಗ್ಗದ ದರದಲ್ಲಿ ಹೊಸ ಪ್ಲಾನ್ ಲಾಂಚ್ ಮಾಡಿದ BSNL
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3loQYe
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
