22 માર્ચના સમાચાર

22 માર્ચના સમાચાર News

અમદાવાદીઓ ઘરમાં પૂરાયેલા હતા, ત્યારે થઈ રહી હતી આખા શહેરની સાફ-સફાઈ
#JantaCurfew
અમદાવાદીઓ ઘરમાં પૂરાયેલા હતા, ત્યારે થઈ રહી હતી આખા શહેરની સાફ-સફાઈ
ગુજરાતના તમામ શહેર-જિલ્લાઓમાં આજે જનતા કરફ્યૂ (Janta Curfew) નું પાલન કરાયું હતું. સતત ધમધમતા રહેતા અમદાવાદ (ahmedabad) શહેરમાં પણ આજે ચુસ્તપણે જનતા કરફ્યૂનું પાલન કરાયું હતું. અમદાવાદીઓ આજે આખા દિવસ ઘરમાં પૂરાઈ ગયા હતા. ત્યારે બીજી તરફ આખા અમદાવાદને સ્વચ્છ કરવાનું કામ ચાલી રહ્યું હતું. અમદાવાદમાં જનતા કરફ્યૂ વચ્ચે એએમસી દ્વારા કમર કસવામાં આવી હતી. એએમસી દ્વારા અમદાવાદને કોરોના વાયરસ (corona virus) થી મુક્ત કરવાનું કામ ચાલી રહ્યું હતું. 
Mar 22,2020, 20:40 PM IST
કોરોના વાયરસને સ્પ્રેડ થતો અટકાવવા વાહનોને લઈને રૂપાણી સરકારે કરી મહત્વની જાહેરાત
#JantaCurfew
કોરોના વાયરસને સ્પ્રેડ થતો અટકાવવા વાહનોને લઈને રૂપાણી સરકારે કરી મહત્વની જાહેરાત
કોરોના વાયરસ (corona virus) ના સંક્રમણને વધતું અટકાવવા અને પ્રજા વર્ગોની આરોગ્ય સલામતી માટે મુખ્યમંત્રી વિજય રૂપાણી (Vijay Rupani) એ સમગ્ર રાજ્યમાં આગામી 25 માર્ચ 2020 સુધી પેસેન્જર બસ સેવાઓ ટેક્સી કેબ, મેક્સી કેબના સંચાલન ઉપર પ્રતિબંધ મૂક્યો છે. મુસાફરોના વહનથી આ વાયરસનો ફેલાવો વધે નહિ તે હેતુસર આ મહત્વપૂર્ણ નિર્ણય કરવામાં આવ્યો છે. આ પ્રતિબંધ માલવાહક વાહનો, અંગત વપરાશના વાહનો, આવશ્યક સેવાઓ માટેના વાહનો તેમજ સરકારી વાહનો અને કોરોના ચેપ નિયંત્રણની કામગીરી સાથે સંકળાયેલા વાહનોને લાગુ પડશે નહિ એવો પણ નિર્ણય લેવામાં આવ્યો છે. 
Mar 22,2020, 18:40 PM IST
5ને ટકોરે થાળીનો નાદ ગુંજી ઉઠ્યો, કોરોના કહેર વચ્ચે કામ કરતા લોકોનું કર્યું સન્માન
#JantaCurfew
5ને ટકોરે થાળીનો નાદ ગુંજી ઉઠ્યો, કોરોના કહેર વચ્ચે કામ કરતા લોકોનું કર્યું સન્માન
રાજ્યભરમાં 4.50 મિનીટે અનોખો નજારો જોવા મળ્યો હતો. આખુ ગુજરાત જાણે અગાશી પર આવી ગયુ હોય તેવું બન્યું હતું. કોરોનાના કહેર (corona virus)વચ્ચે કામ કરતા સરકારી કર્મચારી તથા અન્ય લોકોની કામગીરીને બિરદાવવા અને તેઓને પ્રોત્સાહન આપવા માટે થાળી વગાડી, તાળી વગાડીને તેઓને સન્માન આપવામાં આવ્યું હતું. લોકો થાળી લઈને, કોઈ નગારુ લઈને, તો કોઈ ઢોલકુ લઈને અગાશી પર પહોંચ્યા હતા. સર્વત્ર નાદ કરીને તંત્રની કામગીરીને બિરદાવવામાં આવી હતી. જનતા કરફ્યૂ (Janta Curfew) માં દિવસભર ઘરમાં રહ્યા બાદ લોકો સાંજે કર્મચારીઓનું અભિવાદન કરવા  બહાર નીકળ્યા હતા. જે સૂચવે છે કે દેશના લોકો આ વાયરસ પ્રત્યે કેટલા અવેર છે. 
Mar 22,2020, 18:13 PM IST
જે કોરેન્ટાઈનમાંથી ભાગશે તેના પર કાયદેસરની કાર્યવાહી કરાશે : CM રૂપાણી
#JantaCurfew
જે કોરેન્ટાઈનમાંથી ભાગશે તેના પર કાયદેસરની કાર્યવાહી કરાશે : CM રૂપાણી
હાલ ગુજરાતમાં કોરોનાના પોઝિટિવ કેસ (corona virus) નો આંકડો 18 પર પહોંચી ગયો છે. એક જ દિવસમાં પાંચ કેસ વધી ગયા છે. જેથી ગુજરાતમાં પણ ઝડપથી કોરોના પ્રસરી રહ્યો છે તેવુ લાગી રહ્યું છે. આવામાં મુખ્યમંત્રી વિજય રૂપાણી (Vijay Rupani) એ સૂચના આપી હતી કે, કરફ્યૂ નહિ પણ, કેર ફોર યુ. લોકો પોતે સંયમ જાળવે. જેથી ગંભીર પરિસ્થિતિમાંથી બહાર નીકળી શકીશું. 
Mar 22,2020, 14:09 PM IST
જનતા કર્ફ્યૂ વચ્ચે દૂધના વેચાણ મામલે Amulના એમડીએ આપ્યો મોટો મેસેજ
#JantaCurfew
જનતા કર્ફ્યૂ વચ્ચે દૂધના વેચાણ મામલે Amulના એમડીએ આપ્યો મોટો મેસેજ
સોશિયલ મીડિયાના સારા ઉપયોગ સામે ઘણા અસામાજિક તત્વો દ્વારા ખોટા મેસેજ કરી એક પ્રકારનું પેનિક ક્રિયેટ કરવાનો (#GujaratJageCoronaBhage) સતત પ્રયત્ન કરતા હોય છે. કોરોના વાયરસ (corona virus) સામે લડવા માટે જનતા કર્ફ્યુ (Janta Curfew) વચ્ચે સૌથી લોકોની સૌથી વધુ ભાગદોડ દૂધ મેળવવા માટે થઈ હતી. સાંજ બાદ લગભગ તમામ પાર્લર પર દૂધ પૂરુ થઈ ગયું હતું. તો ક્યાંક દૂધ મેળવવા માટે લાંબી લાઈનો જોવા મળી હતી. તેમાં અમૂલ દૂધ માટે પણ કહેવામાં આવ્યું હતું કે અમૂલ દૂધ મળવામાં મુશ્કેલી થશે. જેની સામે જીસીએમએમએફના એમડી આર. એસ સોંઢી દ્વારા ખુલાસો કરવામાં આવ્યો છે કે, અમૂલ દૂધની કોઈ શોર્ટેજ સામાન્ય નાગરિકોને નહિ પાડવા દેવામાં આવે.
Mar 22,2020, 13:46 PM IST
ગુજરાતમાં કોરોનાના નવા 5 કેસ પોઝિટિવ, કુલ આંકડો 18 થયો
#JantaCurfew
ગુજરાતમાં કોરોનાના નવા 5 કેસ પોઝિટિવ, કુલ આંકડો 18 થયો
ગુજરાતમાં હવે કોરોના જલ્દી જ સ્ટેજ-3 પર આવી જશે તેવી પરિસ્થિતિ ઉભી થઈ છે. કારણ કે, ગુજરાતમાં કોરોના (corona virus) ના વધુ 5 કેસ પોઝિટિવ નીકળ્યા છે. આમ, ગુજરાતમાં કોરોના વાયરસથી ગ્રસ્ત પોઝિટિવ કેસનો આંકડો 18 પર પહોંચ્યો છે. નાયબ મુખ્યમંત્રી નીતિન પટેલે મીડિયા સંબોધનમાં આ આંકડો જાહેર કર્યો છે. આ સાથે જ કુલ કેસ પર નજર કરી તો, અમદાવાદમાં 7, સુરતમાં 3, વડોદરામાં 3, ગાંધીનગરમાં 3, કચ્છમાં 1 અને રાજકોટમાં 1 કેસ નોંધાયો છે.  
Mar 22,2020, 13:37 PM IST
જનતા કર્ફ્યુ વચ્ચે આજે સાંજે 5 વાગ્યે આ કામ કરવાનું જરા પણ ન ભૂલતા
#JantaCurfew
જનતા કર્ફ્યુ વચ્ચે આજે સાંજે 5 વાગ્યે આ કામ કરવાનું જરા પણ ન ભૂલતા
આજે સવારે સાતના ટકોરે ગુજરાતભરમાં જનતા કર્ફ્યુ (Janta Curfew) નો પ્રારંભ થયો હતો. સવારે ગુજરાતના દરેક જિલ્લાના વહીવટી તંત્ર દ્વારા સાત વાગ્યાના ટકોરે સાયરન વગાડવામાં આવ્યું હતું, જેના બાદ જનતા કર્ફ્યુ શરૂ થયું હતું. ગુજરાતમાં સર્વત્ર લોકો સ્વંય ભૂ જનતા કર્ફ્યુનું પાલન કરી રહ્યાં છે. ગુજરાતના દરેક રસ્તા, રેલવે સ્ટેશન, બસ સ્ટેશન સૂમસાન બની ગયા છે. જે બતાવે છે કે, લોકોમાં કોરોના વાયરસ (corona virus)નો ડર કેવો છે, અને લોકો પોતે જ અવેર થઈ રહ્યાં છે. ત્યારે આજે સાંજે ફરી એકવાર 5 વાગ્યાના ટકોરે સાયરન વગાડવામાં આવશે. આ સાયરન કોરોનાના કહેર વચ્ચે પોતાના જીવને જોખમમાં મૂકીને સેવા આપી રહેલા સરકારી કર્મચારીઓને બિરદાવવા માટે વગાડાશે. જેમાં લોકોને પોતાના ઘરની બહાર આવીને તાળી વગાડવાની, થાળી વગાડીને વિકટ સ્થિતિમાં સેવા બજાવી રહેલા કર્મચારીઓને પ્રોત્સાહિત કરવાનું છે. જેથી આજે સાંજે પાંચ વાગ્યે તમે પણ તમારી ફરજ બજાવવાનું ચૂકતા નહિ. 
Mar 22,2020, 12:36 PM IST
સુરતમાં જનતા કર્ફ્યુ Updates : પ્રધાનમંત્રીની અપીલ રંગ લાવી, બધુ જ બંધ
#JantaCurfew
સુરતમાં જનતા કર્ફ્યુ Updates : પ્રધાનમંત્રીની અપીલ રંગ લાવી, બધુ જ બંધ
આખા વિશ્વમાં કોરાના વાયરસે (corona virus) હાહાકાર મચાવ્યો છે ત્યારે સમગ્ર ભારતમાં પણ તેની અસર જોવા મળી રહી છે ત્યારે કોરાનાથી બચવા પ્રધાનમંત્રી દ્વારા જનતા કર્ફ્યું (Janta Curfew) ની વાત કરી હતી અને તેની અસર સમગ્ર ભારતમાં જોવા મળી છે ત્યારે સુરત (surat) જિલ્લામાં પણ પ્રધાનમંત્રીની અપીલ રંગ લાવી છે લોકોએ સ્વયંભુ પોતાના વેપાર ધંધા બંધ રાખી પોતાનો ધર્મ બજાવી રહ્યા છે. સુરત જિલ્લામાં આજરોજ જનતા કર્ફ્યૂને જોરદાર સમર્થન મળ્યું છે. સુરતમાં રસ્તાઓ, બસ સ્ટેશન, રેલવે સ્ટેશન, પબ્લિક સ્થળો બધુ જ બંધ છે. 
Mar 22,2020, 12:04 PM IST
રાજકોટમાં જનતા કર્ફ્યુ Updates : પોલીસે રસ્તા પર નીકળીને સ્પીકર પર બહાર ન નીકળવા સૂચ
#JantaCurfew
રાજકોટમાં જનતા કર્ફ્યુ Updates : પોલીસે રસ્તા પર નીકળીને સ્પીકર પર બહાર ન નીકળવા સૂચ
પ્રધાનમંત્રી મોદીની જનતા કર્ફ્યૂ (Janta Curfew) ની અપીલને ધ્યાનમાં રાખીને મોરબીમાં પણ બંધ પાળવામાં આવી રહ્યો છે. કોરોના વાયરસ સામેની જંગમાં સરકારને સૌ કોઈ સહયોગ આપી રહ્યા છે. ત્યારે રાજકોટ શહેરના તમામ બજારો, કારખાનાઓ બંધ રાખીને જનતા કર્ફ્યૂમાં (#GujaratJageCoronaBhage) સહકાર આપવામાં આવી રહ્યો છે. રાજકોટ શહેર અને જીલ્લામાં તેને પ્રચંડ પ્રતિસાદ મળ્યો છે. રાજકોટ (Rajkot) ના ખાણીપીણી બજારો જે 24 કલાક ધમધમતા હોય છે, તે પણ ખાલીખમ બની ગયા છે. શહેરના તમામ બજારો વેપારીઓએ જ સ્વયંભુ રીતે બંધ રાખીને વહીવટી તંત્રને પૂરો સહકાર આપ્યો છે. અને જે રીતે રાજકોટમાં આજે લોકોએ જનતા કર્ફ્યુનું પાલન થઈ રહ્યું છે, તેવું રાજકોટમાં છેલ્લા પાંચ દાયકામાં કયારે પણ જોવા મળ્યું નથી તેવું સ્થાનિકો કહી રહ્યા છે. ઉલ્લેખનીય છે કે કે, ગુજરાતના રાજ્યના 4 મહાનગરો અમદાવાદ, સુરત, વડોદરા અને રાજકોટ 25 તારીખ સુધી બંધ રહેવાના છે. ફક્ત મેડિકલ સ્ટોર્સ, હોસ્પિટલ, કરિયાણા સ્ટોર અને શાકભાજીની દુકાનો જ ચાલુ રહેવાની છે. 
Mar 22,2020, 11:24 AM IST
અમદાવાદમાં જનતા કર્ફ્યુ Updates : ધમધમતા રસ્તાઓ આજે શાંત થઈ ગયા, દરેક વિસ્તાર સૂમસાન
#JantaCurfew
અમદાવાદમાં જનતા કર્ફ્યુ Updates : ધમધમતા રસ્તાઓ આજે શાંત થઈ ગયા, દરેક વિસ્તાર સૂમસાન
વડાપ્રધાન નરેન્દ્ર મોદીની જનતા કર્ફ્યૂ (Janta Curfew) ની અપીલને ગુજરાતીઓએ માની છે. ગુજરાત સજ્જડપણે બંધ જોવા મળી રહ્યું છે. અમદાવાદભરમાં જનતા કર્ફ્યૂની અસર જોવા મળી છે. જીવનજરૂરિયાતની વસ્તુઓની દુકાનો ઉપરાંત લગભગ તમામ દુકાનો લોકોએ સ્વેચ્છાએ (#GujaratJageCoronaBhage) બંધ રાખી છે. જે બતાવે છે કે, લોકોમાં અવેરનેસ છે. રોજેરોજ ટ્રાફિકથી ધમધમતા અમદાવાદના વિસ્તારો પ્રહલાદનગર, વસ્ત્રાપુર, નવરંગપુરા, એસજી હાઈવે, થલતેજ, શ્યામલ ચાર રસ્તા જેવા રસ્તાઓ સૂમસાન લાગી રહ્યાં છે. 
Mar 22,2020, 10:58 AM IST
#GujaratJageCoronaBhage : ગુજરાત સજ્જડ બંધ, લોકોએ જનતા કરફ્યુનું ચુસ્તપણે પાલન કર્યુ
#JantaCurfew
#GujaratJageCoronaBhage : ગુજરાત સજ્જડ બંધ, લોકોએ જનતા કરફ્યુનું ચુસ્તપણે પાલન કર્યુ
અમદાવાદ, વડોદરા, રાજકોટ, સુરત સહિત સમગ્ર ગુજરાત અને દેશમાં વહેલી સવારથી જનતા કર્ફ્યૂ (JantaCurfew) નું પાલન શરૂ થઈ ચૂક્યું છે. લોકો સ્વયંભૂ પોતાના ઘરે રહ્યા છે અને કોરોના વાયરસ (corona virus) સામે લડવાના સંકલ્પને વધારે મજબૂત બનાવ્યો છે. કોરોના વાયરસને ફેલાતો રોકવા, અનેક લોકોમાં જાગૃતતા આવે તે માટે પીએમ મોદીએ આજના દિવસ માટે સવારથી સાંજ સુધી જનતા કર્ફ્યુ પાળવાની અપીલ કરી છે. વિપક્ષે પણ પ્રધાનમંત્રીની પહેલને સમર્થન આપ્યું છે. આંકડા પર નજર કરીએ તો, ગુજરાતમાં કોરોના વાયરસના 14 પોઝિટિવ કેસ સામે આવ્યા છે. અમદાવાદમાં 5, સુરતમાં 3, વડોદરામાં 3, રાજકોટ, ગાંધીનગર અને કચ્છમાં 1-1 કેસ પોઝિટિવ છે. તો દેશમાં દેશમાં 333 કેસ સામે આવ્યા છે. 
Mar 22,2020, 10:05 AM IST

Trending news