Warning: ત્રીજી લહેરમાં દરરોજ 6 લાખ કેસ આવી શકે છે, માત્ર 7.6 ટકા લોકોને જ મળી સંપૂર્ણ રસી
કોરોનાની ત્રીજી લહેરની ચેતવણીએ લોકોની ચિંતામાં વધારો કર્યો છે. ગૃહ મંત્રાલયના અહેવાલમાં જણાવાયું છે કે ત્રીજી લહેર સપ્ટેમ્બર અને ઓક્ટોબરમાં તેની ટોચ પર હશે. આ સાથે પ્રધાનમંત્રી કાર્યાલયને સોંપવામાં આવેલા રિપોર્ટમાં કહેવામાં આવ્યું છે કે ભારતમાં માત્ર 7.6 ટકા (10.4 કરોડ) લોકોને જ સંપૂર્ણ રસી આપવામાં આવી છે
Trending Photos
- 13
- 5
- 7
- 10
)
નવી દિલ્હી: કોરોનાની ત્રીજી લહેરની ચેતવણીએ લોકોની ચિંતામાં વધારો કર્યો છે. ગૃહ મંત્રાલયના અહેવાલમાં જણાવાયું છે કે ત્રીજી લહેર સપ્ટેમ્બર અને ઓક્ટોબરમાં તેની ટોચ પર હશે. આ સાથે પ્રધાનમંત્રી કાર્યાલયને સોંપવામાં આવેલા રિપોર્ટમાં કહેવામાં આવ્યું છે કે ભારતમાં માત્ર 7.6 ટકા (10.4 કરોડ) લોકોને જ સંપૂર્ણ રસી આપવામાં આવી છે. જો વર્તમાન રસીકરણ દરમાં વધારો કરવામાં નહીં આવે, તો ભારતમાં મહામારીની આગામી લહેરમાં દરરોજ 6 લાખ કેસ આવી શકે છે.
કેન્દ્રીય ગૃહ મંત્રાલય હેઠળ આવતી એક સંસ્થા દ્વારા રચાયેલી એક નિષ્ણાત સમિતિએ આશંકા વ્યક્ત કરી છે કે દેશમાં કોવિડ-19 ની ત્રીજી લહેર સપ્ટેમ્બર અને ઓક્ટોબર વચ્ચે ગમે ત્યારે આવી શકે છે અને રસીકરણની ગતિને ઝડપી કરવાની જરૂર છે. નેશનલ ડિઝાસ્ટર મેનેજમેન્ટ (એનઆઈડીએમ) દ્વારા રચાયેલી નિષ્ણાત સમિતિએ એમ પણ કહ્યું છે કે બાળકોને પુખ્ત વયના સમાન જોખમમાં હશે. મોટી સંખ્યામાં બાળકોના સંક્રમિત થવાની સ્થિતિમાં બાળરોગ હોસ્પિટલો, ડોકટરો અને વેન્ટિલેટર, એમ્બ્યુલન્સ વગેરે જેવા સાધનોની ઉપલબ્ધતા માંગની અનુરૂપ થઈ શકતી નથી.
રિપોર્ટમાં કહેવામાં આવ્યું છે કે, જાણીતા નિષ્ણાતોએ ભારતમાં કોવિડ-19 ની ત્રીજી લહેરની વારંવાર ચેતવણી આપી છે. મહામારીના નિષ્ણાતોએ આશંકા વ્યક્ત કરી છે કે જ્યાં સુધી આપણે રસીકરણ અથવા સંક્રમણ દ્વારા વ્યાપક પ્રતિરક્ષા વિકસિત નહીં કરીએ ત્યાં સુધી કેસો વધતા રહેશે. એનઆઈડીએમ રિપોર્ટમાં આઈઆઈટી કાનપુરના નિષ્ણાતોના અનુમાનનો અહેવાલ આપતા કહ્યું કે, ત્રીજી લહેર માટે ત્રણ સંભવિત દૃશ્યો સૂચવવામાં આવ્યા હતા.
તેમણે કહ્યું કે પ્રથમ સંજોગોમાં ત્રીજી લહેર ઓક્ટોબરમાં ટોચ પર પહોંચી શકે છે અને દરરોજ 3.2 લાખ કેસ આવી શકે છે. બીજા સંજોગોમાં વાયરસનું નવું અને વધુ સંક્રામક સ્વરૂપ સામે આવી શકે છે અને ત્રીજી લહેર સપ્ટેમ્બરમાં તેની ટોચ પર પહોંચી શકે છે, જેમાં દરરોજ પાંચ લાખ કેસ સામે આવવાની આશંકા છે.
નિષ્ણાતોએ ત્રીજા સંજોગોમાં આશંકા વ્યક્ત કરી છે કે ત્રીજી લહેરની ટોચ ઓક્ટોબરના અંત સુધીમાં આવશે અને દરરોજ બે લાખ કેસ આવી શકે છે. અહેવાલ મુજબ તે સૂચવે છે કે જો 67 ટકા વસ્તી વાયરસ સામે રોગપ્રતિકારક શક્તિ (કેટલાક વાયરસ દ્વારા અને બાકીના રસીકરણ દ્વારા) વિકસાવે છે. તો મોટા પાયે પ્રતિરક્ષા પ્રાપ્ત કરવાનું લક્ષ્ય પ્રાપ્ત કરી શકાય છે.
તેમણે કહ્યું કે, સાર્સ કોવ-2 નવા અને વધુ સંક્રામક સ્વરૂપ સામે આવ્યા બાદ તે જટીલ થઈ જશે, કેમ કે, વાયરસના આ સ્વરૂપોમાં અગાઉના સંક્રમણથી બનેલી રોગ પ્રતિકારક શક્તિને બચાવવાની ક્ષમતા છે, તેમજ કેટલાક કિસ્સાઓમાં તે હાજર રસીઓ પણ બચી શકે છે.
રિપોર્ટ અનુસાર, આ કારણથી 80-90 ટકા આબાદીમાં રોગ પ્રતિરક્ષા વિકસિત થયા પર મોટા પ્રમાણમાં રોગ પ્રતિરક્ષા વિકસાવવાનો લક્ષ્ય પ્રાપ્ત કરી શકાય છે. એનઆઈડીએમ ત્રીજી લહેરના સંકેત સૂચવતી અનેક ચેતવણીઓમાંથી સંકેતો લઈ રહી છે, તેમને સમજાવવાનો પ્રયાસ કરી રહી છે અને ત્રીજી લહેર સાથે વ્યવહાર કરવાની તૈયારી કરી રહી છે. આ પૃષ્ઠભૂમિમાં તે વિવિધ હિસ્સેદારો સાથે કાર્ય કરવા માટે એકીકૃત ભલામણો તૈયાર કરવાના પ્રયાસમાં લાગ્યા છે જે કેસમાં વધારો રોકવા અથવા તેને ઘટાડવા કામ કરે.
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
