ઉતરાખંડ: ભાજપ નેતાએ તોડી આચાર સંહિતા, મતદાનની તસ્વીરો સોશિયલ મીડિયા પર અપલોડ કરી

હરિદ્વાર : ઉતરાખંડના પાંચ લોકસભા સીટો પર સવારે 7 વાગ્યાથી મતદાતાઓની લાંબી લાઇનો લાગી રહી છે. સમગ્ર પ્રદેશમાં મતદાતાઓ ભારે મતદાન કરવા પહોંચી રહ્યા છે. જો કે હરિદ્વારમાં ભાજપ નેતા આચાર સંહિતાનુ ઉલ્લંઘન પણ કર્યું. અહી પાર્ટી કાર્યકર્તા, પદાધિકારી જ નહી પરંતુ ચૂંટણીમાં ભાજપના મેયર ઉમેદવાર રહેલા અન્નૂ કકડે પણ આદર્શ આચાર સંહિતાનુ ઉલ્લંઘન કર્યું હતું. 

લોકસભા 2019: પશ્ચિમ બંગાળમાં મતવર્ષા, 3 વાગ્યા સુધીમાં 70% મતદાન

ભાજપનાં આ નેતાઓએ આદર્શ આચાર સંહિતા તોડતા સોશિયલ મીડિયા પર વીવીપેટ અને ઇવીએમની તસ્વીર શેર કરી દીધી હતી. ડીએમ દીપક રાવતે આ મુદ્દે સંજ્ઞાન લેતા આ મુદ્દે તમામ નેતાઓની વિરુદ્ધ કેસ દાખલ કરવા માટેનાં આદેશ આપ્યા છે. 

સ્થાનીક સ્વરાજની ચૂંટણીમાં મેયરના ઉમેદવાર રહેલા અન્નૂ કકડે  પાર્ટીની ફજેતી કરાવી
હરિદ્વાર સીટ પર જે રીતે સવારે મતદાન પ્રક્રિયા ચાલુ થઇ તો ભાજપ કાર્યકર્તાઓએ વોટિંગ ગુપ્તતાનો ભંગ કરી દીધો. પાર્ટીનાં જિલ્લા મહામંત્રી વિકાસ તિવારીએ ઇવીએમની મશીન પર કમળનાં ફુલનું બટન દબાવતા હોય તેવી તસવીર સોશિયલ મીડિયા પર શેર કરી હતી. ભાજપનાં કાર્યકર્તાઓએ પણ પોતાની તસ્વીરો સાથે વીવીપેટ અને ઇવીએમની તસ્વીરો શેર કરી હતી. 

રાહુલ ગાંધી પર લેઝર લાઇટ ફેંકનારની માહિતી મળી, ગૃહમંત્રાલયે કરી સ્પષ્ટતા

સ્થાનીક સ્વરાજની ચૂંટણીમાં કોંગ્રેસ ઉમેદવાર અનીત શર્મા સામે 3 હજારથી વધારે મતથી હારેલ ભાજપ ઉમેદવાર અન્નુ કકડે પણ આચાર સંહિતાનો ભંગ કર્યો હતો. વીવીપેટની તસ્વીર સોશિયલ મીડિયામાં અપલોડ કરી હતી. ડીએમ દીપક રાવતે આ સમગ્ર મુદ્દે સંજ્ઞાન લેતા તમામ લોકોની વિરુદ્ધ કેસ દાખલ કરવા માટેનાં આદેશ આપ્યા છે. ઉપરાંત આ પ્રકારની પ્રવૃતી નહી કરવા માટે પણ અન્ય લોકોને ભલામણ કરી છે.