Ankita Bhandari Murder: હત્યા પહેલા રિસોર્ટમાં અંકિતા સાથે શું થયું હતું? સાક્ષીએ જણાવી આખી કહાની
Ankita Murder Case: અંકિતા ભંડારી કેસમાં સત્ય ક્યાં છુપાયેલું છે તે બહાર આવે તેની સૌ રાહ જોઈ રહ્યા છે, પરંતુ જે રીતે રોજ નવા નવા ખુલાસા થઈ રહ્યા છે તેનાથી મામલો પેચીદો બની ગયો છે.
Trending Photos
- 5
- 9
- 9
- 6
)
Crime News: ઉત્તરાખંડના ચર્ચિત અંકિતા ભંડારી હત્યા કેસમાં મોટો ખુલાસો થયો છે. વનંત્રા રિસોર્ટમાં કામ કરતા એક સાક્ષીનું નિવેદન સામે આવ્યું છે. આ સાક્ષીનું કહેવું છે કે અંકિતા બચાવો-બચાવોની બૂમો પાડી રહી હતી. તે જ સમયે પુલકિત તેનું મોઢું દબાવીને અંદર લઈ ગયો હતો. આ ઘટના 18 સપ્ટેમ્બરની રાત્રે બની હતી. તેજ દિવસે અંકિતાની હત્યા કરવામાં આવી હતી. SITની પૂછપરછમાં સાક્ષીએ આ વાતનો ખુલાસો કર્યો છે.
રોજ થઈ રહ્યા છે નવા નવા ખુલાસા
અંકિતા ભંડારી કેસમાં સત્ય ક્યાં છુપાયેલું છે તે બહાર આવે તેની સૌ રાહ જોઈ રહ્યા છે, પરંતુ જે રીતે રોજ નવા નવા ખુલાસા થઈ રહ્યા છે તેનાથી મામલો પેચીદો બની ગયો છે. અત્યાર સુધીની તમામ માહિતીમાં અંકિતાને 18મી તારીખે રાત્રે કેનાલમાં ધક્કો મારીને મોતને ઘાટ ઉતારી દેવામાં આવી હતી. પરંતુ ઉત્તરાખંડ પોલીસ અને રાજ્યના મુખ્યમંત્રી પુષ્કર સિંહ ધામી વહેલી તકે સત્ય સુધી પહોંચવા માંગે છે કે તે ક્ષણે શું થયું હતું, જ્યારે માસૂમ અંકિતાના શ્વાસ અટકી ગયા હતા.
આરોપીઓએ કરી હતી અંકિત સાથે મારપીટ
હકીકતમાં, 18 સપ્ટેમ્બરે હત્યાકાંડના દિવસે અંકિતા પર પુલકિત આર્ય અને અંકિત ગુપ્તાએ મારપીટ કરી હતી. અંકિતા વારંવાર હેલ્પ મી હેલ્પ મી, મને અહીંથી બહાર કાઢો, મારે અહીંથી જવું છે કહીને બૂમો પાડી રહી હતી. પુલકિત આર્ય અને અંકિત તેના ચાર વીઆઈપી મહેમાનોને વધારાની સેવા આપવા દબાણ કરી રહ્યા હતા.
રિસોર્ટમાં કામ કરતા કર્મચારીએ કર્યો ખુલાસો
આ વાતો વનંત્રા રિસોર્ટમાં કામ કરતા ઉત્તર પ્રદેશના બિજનૌરના એક કર્મચારીએ કહી છે. કર્મચારીએ જણાવ્યું કે 18 સપ્ટેમ્બરના રોજ તે રિસોર્ટના પહેલા માળે ગેસ્ટના લગેજ રૂમમાં હતો. અચાનક તેણે કોઈની બૂમો સાંભળી. તેણે જણાવ્યું કે જ્યારે તેણે અને અન્ય કર્મચારીએ નીચે જોયું તો અંકિતાના બૂમોનો અવાજ આવી રહ્યો હતો. અંકિતા કહેતી હતી કે મને મદદ કરો, મને અહીંથી બહાર કાઢો, મારે અહીંથી જવું છે.
અંકિતાનું દબાયેલું મોઢું
તે દરમિયાન પુલકિત અથવા અંકિત બંને બહાર આવ્યા અને અંકિતાનું મોં દબાવીને તેને રૂમમાં લઈ ગયા. આ દરમિયાન મજબૂત કદના યુવક બહાર ઉભા હતા. કર્મચારીએ જણાવ્યું કે આ દરમિયાન તે સામાન લેવા માટે એકલો બહાર આવ્યો હતો. બહાર એક કાળા રંગની લક્ઝરી કાર ઉભી હતી. કર્મચારીએ જણાવ્યું કે પુલકિત આર્યના અંગત સહાયક અંકિત ગુપ્તાને મળ્યા બાદ ચારેય યુવકો કાળા રંગની કારમાં પાછા ફર્યા. આ એ જ ચાર યુવકો હતા, જેમને અંકિતા પર વધારાની સેવા આપવાનું દબાણ કરવામાં આવી રહ્યું હતું. કર્મચારીએ જણાવ્યું કે આ પહેલા પણ પુલકિત આર્યએ દારૂના નશામાં અંકિતાની છેડતી કરી હતી.
SITએ CCTV ફૂટેજ અને સર્વેલન્સ ટીમની મદદથી ચાર VIP મહેમાનોની ઓળખ કરી છે. SIT ટૂંક સમયમાં જ ચાર લોકોને પૂછપરછ માટે કસ્ટડીમાં લઈ શકે છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
