அமெரிக்க தேர்தலை குறிவைத்த ரஷ்யாவில் இருந்து இயங்கிய நெட்வர்க்குகளை நீக்கியது மெட்டா

அமெரிக்க இடைத் தேர்தல்களில் வெளிநாட்டு தலையீடுகள் தொடர்பான விவகாரத்தினால் அதிக எச்சரிக்கையுடன் இந்த நடவடிக்கை எடுக்கப்பட்டதாக மெட்டா பகிரங்கமாக தெரிவித்துள்ளது. இந்த செய்தியை மெட்டா செய்தித் தொடர்பாளர் CNN இடம் கூறினார். நெட்வொர்க் சிறியதாக இருந்தது என்றும், அது எந்த கவனத்தையும் பெறவில்லை என்றும் கூறப்பட்டாலும், அரசியல் ஸ்பெக்ட்ரமின் இருபுறமும் அமெரிக்கர்களுக்காக காட்டப்படும் சில கணக்குகள் இதில் அடங்கும் என்று மெட்டா தெரிவித்துள்ளது. 

"அவர்கள் அமெரிக்கர்கள் போல் நடிக்கும் போலி கணக்குகளை நடத்தி, அமெரிக்கர்களைப் போல பேச முயற்சிக்கிறார்கள். அதுமட்டுமல்ல, அவர்கள் கருக்கலைப்பு மற்றும் துப்பாக்கி கட்டுப்பாடு போன்ற அமெரிக்காவின் உள்நாட்டு பிரச்சினைகளைப் பற்றி பேசுகிறார்கள்" என்று மெட்டாவின் உலகளாவிய அச்சுறுத்தல் நுண்ணறிவுத் தலைவரான பென் நிம்மோ தெரிவித்தார்.

சீனா, இப்படி அமெரிக்கர்களைக் குறிவைப்பதை நிறுவனம் பார்த்தது இதுவே முதல் முறை என்று CNN க்குத் தெரிவித்தார். நிறுவனம், இப்படி செய்த சீன கணக்குகளின் விவரங்களை FBI உடன் பகிர்ந்துள்ளதாக மெட்டா செய்தித் தொடர்பாளர் தெரிவித்தார்.

மேலும் படிக்க | ரூ. 1,649க்கு Xiaomi 5G ஸ்மார்ட்போனை வாங்கலாம்

மறுபுறம், ரஷ்யாவில் இயங்கிய தளமானது, உக்ரைனில் நடந்த போரைப் பற்றிய கிரெம்ளின் சார்பாக பதிவுகளை வெளியிட்டது தெரியவந்துள்ளது. பல சமூக ஊடக தளங்களில் ஆயிரக்கணக்கான கணக்குகள் மற்றும் பக்கங்களை உள்ளடக்கிய இந்த தளங்கள், ஃபேஸ்புக் மற்றும் இன்ஸ்டாகிராமில் விளம்பரங்களுக்காக USD 100,000 க்கும் அதிகமாக செலவழித்ததும் வெட்ட வெளிச்சமாகி இருக்கிறது.

சீனா அல்லது ரஷ்யாவிற்குள் உள்ள குறிப்பிட்ட நிறுவனங்கள் அல்லது சீன மற்றும் ரஷ்ய அரசாங்கங்கள் தான் பிரச்சாரத்திற்கு காரணம் என்று மெட்டா கூறவில்லை என்பது குறிப்பிடத்தக்கது.

உக்ரைனில் போர் தொடங்கியதில் இருந்து நாங்கள் அகற்றிய ரஷ்ய கணக்குகளின் நெட்வொர்க் மிகவும் பெரியது மற்றும் மிகவும் சிக்கலானது என்று  Meta கூறியது. இன்ஸ்டாகிராம், யூடியூப், டெலிகிராம், ட்விட்டர் மற்றும் பிற தளங்கள்லும் லட்சக்கணக்கான கணக்குகள் அகற்றப்பட்டுள்ளன.

மேலும் படிக்க | உங்கள் ஃபேஸ்புக் ஒழுங்காக வேலை செய்கிறதா? அநேகமாக இருக்காது

இந்த செயல்பாட்டில் தி கார்டியன் உட்பட உண்மையான மேற்கத்திய செய்தி நிலையங்களைப் பிரதிபலிக்கும் வகையில் வடிவமைக்கப்பட்ட இணையதளங்கள் அடங்கும் என்பதும் குறிப்பிடத்தக்கது. மெட்டா அறிக்கையில் சேர்க்கப்பட்டுள்ள இணையதள முகவரிகளின் பட்டியலின்படி, ரஷ்ய பிரச்சாரம் டெய்லி மெயில் மற்றும் ஜேர்மன் அவுட்லெட்டுகளான பில்ட் மற்றும் டெர் ஸ்பீகல் போன்ற தோற்றத்தில் வடிவமைக்கப்பட்ட போலி தளங்களையும் பதிவு செய்துள்ளதாக சிஎன்என் தெரிவித்துள்ளது.

புச்சா படுகொலை பற்றிய தவறான தகவல்களை ஊக்குவிக்கும் முயற்சியில் இந்த முயற்சியின் நுட்பம் நிரூபிக்கப்பட்டது. சீன முயற்சியானது சுமார் 80 பேஸ்புக் கணக்குகளை மட்டுமே கொண்டிருந்தது மற்றும் அவற்றுக்கு பின்தொடர்பவர்கள் இல்லை. மெட்டா கணக்குகள் முதன்மையாக அமெரிக்கா மற்றும் செக் குடியரசில் உள்ள பார்வையாளர்களை குறிவைத்ததாகவும் தெரியவந்துள்ளது.

இந்த கணக்குகள் பெரும்பாலும் ஒன்பது முதல் ஐந்து வரையிலான ஷிப்ட் முறையில் செயல்பட்டுள்ளன. இது சீனாவில் வேலை நேரத்தின் போது திங்கள் முதல் வெள்ளி வரையிலான வேலை அட்டவணையுடன் ஒத்துப்போகிறது  என்று மெட்டா கூறுகிறது. இந்த நேரமானது, புளோரிடாவை விட 12 மணி நேரம் முன்னும், ப்ராக் நகருக்கு ஆறு மணி நேரம் முன்னும் என்பது குறிப்பிடத்தக்கது.

மேலும் படிக்க | Amazon Fab Phones Fest: ரூ. 1,649க்கு Xiaomi 5G ஸ்மார்ட்போனை வாங்கலாம்

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ