என்.எஸ்.ஜி.விவகாரத்தில் பிரதமரின் வெளிநாட்டு கொள்கை தோல்வி அடைந்துள்ளதாக டெல்லி முதல்-மந்திரி அரவிந்த் கெஜ்ரிவால் கூறியுள்ளார்.
இது குறித்து கெஜ்ரிவால் டுவிட்டரில் பக்கத்தில் கூறியதாவது:
அணுசக்தி விநியோக கூட்டமைப்பு நாடுகளின் ஆலோசனை கூட்டத்தில் இந்தியா குறித்து எந்த முடிவும் எடுக்காமல் நிறைவடைந்தது. மோடியின் வெளியுறவுக்கொள்கை முற்றிலும் தோல்வி அடைந்துள்ளது. வெளிநாடு பயணத்தின் போது அவர் என்ன செய்தார் என்று விளக்கம் அளிக்க வேண்டும் என கெஜ்ரிவால் கேள்வி எழுப்பி உள்ளார்.
சீனாவின் தொடர் பிடிவாதத்தால் அணுசக்தி விநியோக நாடுகள் குழுவில் (என்எஸ்ஜி) இந்தியாவை உறுப்பினராக சேர்ப்பது தொடர்பாக இன்றைய முக்கிய கூட்டத்தில் ஆலோசிக்கப்படவில்லை.
48 உறுப்பு நாடுகள் கொண்ட என்.எஸ்.ஜி. கூட்டமைப்பில் ஒரு நாடு எதிர்ப்பு தெரிவித்தால்கூட புதிதாக விண்ணப்பிப்பவர்கள் உறுப்பினராக முடியாது.அந்த வகையில் இந்தியாவுக்கு உறுப்பினர் பதவியில் ஆரம்பம் முதலே சீனா கடும் எதிர்ப்பு தெரிவித்து வந்ததால் இன்றைய முக்கிய ஆலோசனைக் கூட்டத்தில் இந்தியாவை உறுப்பினராக சேர்ப்பது குறித்து ஆலோசிக்கப்படவில்லை.
உஸ்பெகிஸ்தான் தாஷ்கண்ட் நகரில் நடக்க உள்ள எஸ்.சி.ஓ., மாநாட்டிற்கு சென்ற பிரதமர் மோடிக்கு இங்கு சிறப்பான வரவேற்பு அளிக்கப்பட்டது.
இதற்கிடையில் அங்கு வந்துள்ள, சீன அதிபர் ஜி-ஜிங்பிங்கை, பிரதமர் மோடி சந்தித்து பேசினார். என்.எஸ்.ஜி., (அணு ஆயுத சப்ளை குழு) விவகாரத்தில் சீனா ஆதரவு அளிக்க வேண்டும் என பிரதமர் வலியுறுத்தியுள்ளார். இந்த சந்திப்பில் இந்திய, சீன உயர் அதிகாரிகளும் பங்கேற்றனர்.
அணுஆயுத பரவல் தடை சட்டத்தில் இந்தியா கையெழுத்திடவில்லை என்று கூறி அணுசக்தி நாடுகள் குழுவில் இந்தியாவை சேர்ப்பதற்கு சீனா மட்டும் கடும் எதிர்ப்பு தெரிவித்து வருகிறது. ஆனால் என்.எஸ்.ஜி.யில் அங்கம் வகிக்கும் பிரான்ஸ் அணு ஆயுத தடை பரவல் ஒப்பந்தத்தில் கையெழுத்திடவில்லை என்றும் அதே அடிப்படையில் இந்தியாவுக்கு வாய்ப்பளிக்க வேண்டும் என இந்தியா தெரிவித்தது. இந்நிலையில் உறுப்பு நாடுகள் இந்தியாவிற்கு ஆதரவு அளிக்கவேண்டும் என்று அமெரிக்கா கோரிக்கை விடுத்து உள்ளது.
அணு மூலப்பொருட்கள் விநியோக குழுவான என்.எஸ்.ஜி-ல் இந்தியா இணைந்தால் தெற்காசியாவின் பாதுகாப்பு கேள்விக்குறியாகும் என்று சீனா தெரிவித்துள்ளது.
சில நாட்களுக்கும் சீன அரசுவின் ஊடகமான குளோபல் டைம்ஸ் பத்திரிகையில் இந்தியா என்.எஸ்.ஜி.யில் இணைந்தால் தெற்காசியாவில் அணு ஆயுதப் போட்டி அதிகரிக்கும் என்று எழுதியிருந்தது.
நேற்று சீன அரசு மீண்டும் தனது குளோபல் டைம்ஸ் பத்திரிகையில் இந்த விவகாரம் தொடர்பாக விமர்சனம் செய்துள்ளது.
அதில் கூறியிருப்பதாவது:-
By accepting cookies, you agree to the storing of cookies on your device to enhance site navigation, analyze site usage, and assist in our marketing efforts.