தோனி News

2017-ம் ஆண்டுக்கான, 10-ஆவது ஐபிஎல் கிரிக்கெட் தொடர் ஹைதராபாத்தில் உள்ள ராஜீவ்காந்தி மைதானத்தில் பிரமாண்டமாகவும், கோலாகலமாகவும் தொடங்கியது. இந்த ஐபிஎல் தொடரில் எட்டு அணிகள் பங்கேற்கின்றன. மொத்தமாக 60 போட்டிகள் நடைபெற உள்ளன. இந்தியாவின் 10 நகரங்களில் ஐபிஎல் தொடர் போட்டிகள் நடைபெற உள்ளன. இதுவரை ஒன்பது ஐபிஎல் போட்டிகள் முடிந்துள்ளன. ஐபிஎல் தொடர் 2008-ம் ஆண்டு தொடங்கியது. ஐபிஎல் கிரிக்கெட் வரலாற்றில் இதுவரை 42 சதங்கள் விளாசப்பட்டுள்ளன. 

இந்தியன் பிரிமியர் லீக் டி20 தொடரின் 10-வது சீசனில் களமிறங்கும் ரைசிங் புனே சூப்பர் ஜெயன்ட்ஸ் அணியின் கேப்டன் பதவியில் இருந்து எம்.எஸ்.டோனி நீக்கப்பட்டுள்ளார். அவருக்கு பதிலாக ஆஸ்திரேலியாவின் ஸ்டீவன் ஸ்மித் புதிய கேப்டனாக நியமிக்கப்பட்டுள்ளார். 

நியூஸிலாந்துக்கு எதிரான 3-ஆவது ஒரு நாள் கிரிக்கெட் போட்டியில் 7 விக்கெட் வித்தியாசத்தில் வெற்றி பெற்றது இந்தியா. இந்தியா 2-வது வெற்றியைப் பெற்றுது. விராட் கோலி ஆட்டமிழக்காமல் 154 ரன்களும், தோனி 80 ரன்களும் குவித்து இந்தியாவுக்கு வெற்றி தேடித்தந்தனர். மொஹாலியில் ஞாயிற்றுக்கிழமை நடைபெற்ற இந்த ஆட்டத்தில் டாஸ் வென்ற இந்தியா பீல்டிங்கை தேர்வு செய்தது. லாதம் (61), நீசம் (57), டெய்லர் (44) மற்றும் ஹென்றி (39) ஆகியோரின் சிறப்பான ஆட்டத்தால் 49.4 ஓவரில் 285 ரன்கள் எடுத்து ஆட்டம் இழந்தது. 

நியூஸிலாந்துக்கு எதிரான முதல் மூன்று ஒருநாள் போட்டியில் விளையாடும் தோனி தலைமையிலான இந்திய ஒருநாள் அணி அறிவிக்கப்பட்டுள்ளது. இந்திய அணியில் அஸ்வின், ஜடேஜா, ஷமி ஆகியோருக்கு ஓய்வு அளிக்கப்பட்டுள்ளது. சுரேஷ் ரெய்னா மற்றும் அமித் மிஸ்ரா மீண்டும் அணியில் தேர்வு செய்யப்பட்டுள்ளார்.  கடந்த டிசம்பர்-ஜனவரி ஆஸ்திரேலியாவுக்குச் சென்ற இந்திய ஒருநாள்போட்டி அணியில் ரெய்னா தேர்வு செய்யப்படவில்லை.  அமெரிக்காவில் நடைபெற்ற வெஸ்ட் இண்டிஸ் எதிராக நடந்த டி20 தொடரிலும் ரெய்னா தேர்வு செய்யப்படவில்லை. இந்நிலையில் நியூஸிலாந்துக்கு எதிரான ஒருநாள் தொடரில் ரெய்னா தேர்வு செய்யப்பட்டுள்ளார்.