பாரதீய ஜனதாவில் முக்கியப் பொறுப்புகளை வகிக்கும் தலைவர்கள், 75 வயது நிரம்பியதும் கட்சிப் பொறுப்புகளில் இருந்து விலகி வருகின்றனர். அந்த வகையில் வரும் நவம்பர் மாதத்தில் 75 வயது நிறைவடைய இருக்கும் குஜராத் முதல்வர் ஆனந்திபென் பட்டேல் தனது பதவியை ராஜினாமா செய்தார். அவரது ராஜினாமாவை, டெல்லியில் நடைபெற்ற பாஜக ஆட்சிமன்றக் குழுவும் ஏற்றுக் கொண்டது.
குஜராத் முதல்வர் பதவியில் இருந்து விலகுவதாக அறிவித்த ஆனந்திபென் பட்டேல், இன்று முறைப்படி தனது ராஜினாமா கடிதத்தை குஜராத் மாநில கவர்னரிடம் ஒப்படைத்தார். அதனை பெற்றுக் கொண்ட கவர்னர் ராஜினாமாவை ஏற்பதாக அறிவித்துள்ளார்.
குஜராத்தின் புதிய முதல்வரை தேர்வு செய்வது குறித்த ஆலோசனைக் கூட்டம் டில்லியில் பிரதமர் இல்லத்தில் இன்று நடைபெற்றது. இதில் பிரதமர் மோடி, பா.ஜ. தேசிய தலைவர் அமித்ஷா உள்ளிட்ட முக்கிய தலைவர்கள் கலந்து கொண்டனர்.
குஜராத்தின் கிர்-சோம்நாத் மாவட்டத்தில் உள்ள உனா என்ற இடத்தில் இறந்த பசு ஒன்றின் தோலை உரித்ததாக தலித் இளைஞர்கள் மீது தாக்குதல் நடத்தப்பட்டது. இந்த பயங்கர தாக்குதலை கண்டித்து நேற்று குஜராத்தின் சவுராஷ்டிரா என்ற பகுதியில் முழு அடைப்பு போராட்டம் நடைபெற்றது.
குஜராத்தில் மாட்டுத்தோல் கடத்தியதாக தாழ்த்தப்பட்ட சமூகத்தை சேர்ந்த சிலர் கடுமையாக தாக்கப்பட்டனர். இந்த சம்பவம் பார்லிமென்டில் கடுமையாக எதிரொலித்தது. காங்கிரஸ் இந்த பிரச்னையை எழுப்பி அமளியில் ஈடுபட்டதால், ராஜ்யசபா அடுத்தடுத்து ஒத்திவைக்கப்பட்டது.
குஜராத்தில் தாழ்த்தப்பட்ட சமூகத்தைச் சேர்ந்த இளைஞர்கள் தாக்கப்பட்ட விவகாரம் பார்லிமென்டில் சலசலப்பை ஏற்படுத்தியது. இரு அவைகளிலும் இந்த பிரச்னையை எழுப்பிய காங்கிரஸ் உள்ளிட்ட எதிர்க்கட்சிகள், அவையின் மையப்பகுதிக்கு வந்து அமளியில் ஈடுபட்டன. இந்த விவகாரத்தால் ஏற்பட்ட அமளி காரணமாக ராஜ்யசபா பலமுறை ஒத்திவைக்கப்பட்டது.
அகில இந்திய அளவிலான சி.ஏ. தேர்வில் தமிழகத்தை சேர்ந்த ஸ்ரீராம் முதலிடம் பெற்றுள்ளார். இத்தேர்வு கடந்த மே மாதம் நடந்தது. இதில் சேலத்தைச் சேர்ந்த ஸ்ரீராம்(வயது20) 800-க்கு 613 மார்க்குகள் அதாவது 76.63 சதவீதம் பெற்று முதலிடம் பெற்றார்.
குஜராத் ஜூனாகத் பகுதியில் உள்ள சாலைகளில் 8 சிங்கங்கள் குட்டிகளுடன் உலா வருவதால் மக்கள் பீதியில் உறைந்து போயுள்ளனர்.
குஜராத் மாநிலம் அகமதாபாத்தில் இருந்து சுமார் 300 கி.மீ. தொலைவில் உள்ள ஜூனாகத் நகர வீதியில் இரவு நேரங்களில் 8 சிங்கங்கள் உலாவி வருவதாக அந்த நகர பகுதி மக்கள் கூறியுள்ளனர். சிலர் இந்த சிங்கங்களை பார்த்து அலறி அடித்து கொண்டு ஓடினர். இரவு நேரங்களில் சிங்கங்கள் உலாவி வருவதால் மக்கள் வீட்டில் இருந்து வெளியே வர அஞ்சுகின்றனர். மேலும் சிங்கங்களை பிடிக்க வனத்துறைக்கு கோரிக்கை விடுத்துள்ளனர்.
மோடி தலைமையிலான அமைச்சரவையில் இன்று மாற்றம் செய்யப்பட்டது. அவர் பொறுப்பேற்ற 2 ஆண்டுகளில் அமைச்சரவை மாற்றம் என்பது இது 2-வது முறையாகும். மேலும் இன்றயை மாற்றத்தில் புதிதாக 19 பேர் சேர்க்கப்பட்டுள்ளனர். மத்திய பிரதேசம், குஜராத், பஞ்சாப், ராஜஸ்தான் உள்ளிட்ட மாநிலத்தை சேர்ந்தவர்களுக்கு வாய்ப்பு வழங்கப்பட்டுள்ளது.
By accepting cookies, you agree to the storing of cookies on your device to enhance site navigation, analyze site usage, and assist in our marketing efforts.
