இந்தியா - ஆஸ்திரேலியா News

இந்தியா வந்துள்ள ஆஸ்திரேலியா அணி 5 ஒருநாள், 3 டி-20 போட்டிகள் கொண்ட தொடரில் பங்கேற்கிறது. முதல் ஒருநாள் போட்டி, நாளை சென்னையில் துவங்கவுள்ளது. இதற்காக ஆஸ்திரேலிய அணி, சென்னையில் பயிற்சியில் ஈடுபட்டுள்ளனர். இந்தியா ஆஸ்திரேலிய அணிகளிடையேயான முதல் ஒருநாள் போட்டி சென்னை சேப்பாக்கம் மைதானத்தில் நாளை நடைபெறவுள்ளது. இந்திய அணி தற்போது மிக வலுவாக அமைந்துள்ளது. நல்ல பார்மில் இருக்கும் தொடக்க வீரர் ஷிகர் தவான் இல்லாதது சற்று பின்னடைவு தான் என்றாலும், அவரது இடத்தை பூர்த்தி செய்வதற்கான வீரர்கள் அணியில் உள்ளனர். குறிப்பாக அஜிங்க்யா ரகானேவுக்கு அதிக வாய்ப்பு உள்ளது. 

நேற்று நடைபெற்ற மகளிர் உலக கோப்பை கிரிக்கெட் தொடரின் இரண்டாவது அரையிறுதியில் ஆஸ்திரேலிய அணியை 36 ரன்கள் வித்தியாசத்தில் வீழ்த்தி இந்தியா பைனலுக்கு தகுதி பெற்றது. 11-வது மகளிர் உலக கோப்பை கிரிக்கெட் போட்டி இங்கிலாந்தில் நடந்து வருகிறது. இதில் முதலாவது அரைஇறுதியில் இங்கிலாந்து அணி 2 விக்கெட் வித்தியாசத்தில் தென்ஆப்பிரிக்காவை வீழ்த்தி இறுதிப்போட்டிக்கு முன்னேறியது.

11-வது மகளிர் உலக கோப்பை கிரிக்கெட் போட்டி இங்கிலாந்தில் நடந்து வருகிறது. இதில் முதல் 4 இடங்களை பிடித்த இங்கிலாந்து, ஆஸ்திரேலியா, இந்தியா, தென்ஆப்பிரிக்கா அணிகள் அரைஇறுதிக்கு முன்னேறின.  முதலாவது அரைஇறுதியில் இங்கிலாந்து அணி 2 விக்கெட் வித்தியாசத்தில் தென்ஆப்பிரிக்காவை வீழ்த்தி இறுதிப்போட்டிக்கு முன்னேறியது. இந்நிலையில் இன்று நடைபெறும் 2-வது அரைஇறுதிப்போட்டியில் இந்திய அணி மற்றும் ஆஸ்திரேலியாவை எதிர்கொள்கிறது. ஆஸ்திரேலிய அணி 7 லீக் ஆட்டங்களில் ஆடி ஒன்றில் மட்டுமே தோல்வியை சந்தித்தது.  இந்திய அணி 7 ஆட்டங்களில் 5-ல் வெற்றியும், 2 ஆட்டங்களில் தோல்வியும் கண்டது. 

இந்தியா - ஆஸ்திரேலியா அணிகளுக்கு இடையேயான கடைசி டெஸ்ட் தொடர் தர்மசாலாவில் நாளை நடைபெற உள்ளது. இந்த டெஸ்டில் விராட் கோலி பங்கேற்பாரா? இல்லையா? என்பது  சந்தேகத்துக்குரியதாகவே உள்ளது. ராஞ்சியில் நடைபெற்ற 3-ஆவது டெஸ்ட் போட்டியில் ஆஸ்திரேலிய அணியின் முதல் இன்னிங்ஸின்போது பவுண்டரியைத் தடுக்க முயன்ற கோலிக்கு வலது தோள்பட்டையில் காயம் ஏற்பட்டது. அதன் காரணமாக அவருக்கு ஓய்வு அளிக்கப்படும் என்று எதிர்பார்க்கப்பட்ட நிலையில், ராஞ்சி டெஸ்டிலேயே அவர் களம் இறங்கினார்.

டெஸ்ட் போட்டிகளில் அஷ்வின் 25வது முறையாக ஒரு இன்னிங்சில் 5 விக்கெட் வீழ்த்தும் சாதனையை நிகழ்த்தியுள்ளார்.  இந்த சாதனையை எட்டிய வீரர் என்ற பெருமை அஷ்வின் பெறுவார். அஷ்வின் தனது 88-வது டெஸ்ட் போட்டியிலேயே இந்த சாதனையை எட்டியுள்ளார். முன்னதாக, இலங்கையின் முரளிதரன் தனது 100-வது டெஸ்டில் இதை நிகழ்த்தியிருந்தார். அதிக விக்கெட் வீழ்த்திய இந்திய பந்துவீச்சாளர்கள் பட்டியலில் அஷ்வின் 5-வது இடத்துக்கு முன்னேறி உள்ளார். அவர் இதுவரை 269 விக்கெட் கைப்பற்றி உள்ளார். அனில் கும்ப்ளே (619), கபில் தேவ் (434), ஹர்பஜன் சிங் (417), ஜாகீர் கான் (311) ஆகியோர் முதல் 4 இடங்களில் உள்ளனர்.