அரசுப் பள்ளி News

தமிழ்நாட்டில் 54 அரசு உயர்நிலைப் பள்ளி மற்றும் மேல்நிலைப் பள்ளிகளில் தமிழ்வழிக் கல்வி இல்லை என்றும், முழுக்க முழுக்க ஆங்கிலத்தில் மட்டும்தான் கல்வி பயிற்றுவிக்கப்படுவதாகவும் தமிழ்நாடு  பள்ளிக்கல்வித் துறை வெளியிட்டிருக்கும் தகவல் பெரும் அதிர்ச்சியளிக்கிறது. தமிழக அரசுப் பள்ளிகளில் தமிழ்வழிக் கல்வி இல்லை என்பதை விட பெரிய தலைகுனிவு தமிழர்களுக்கு இருக்க முடியாது என்று பாமக நிறுவனர் ராமதாஸ் தெரிவித்துள்ளார்.

அரசுப் பள்ளிகளில் 250 தற்காலிக ஆசிரியர்கள் பணி நியமனம் செய்யப்பட்டுள்ளதாக பள்ளிக்கல்வி துறை அமைச்சர் செங்கோட்டையன் தெரிவித்துள்ளார். கடந்த வாரம், சட்டப்பேரவையில் நடந்த பள்ளிக்கல்வித்துறை மானியக் கோரிக்கை மீதான விவாதத்தில் அமைச்சர் செங்கோட்டையன் கூறியது:- அரசு ஊழியர்களுக்கு தற்போது நடைமுறையில் இருக்கும் புதிய பங்களிப்பு ஓய்வூதியத் திட்டம் குறித்து அரசு பரிசீலனை செய்து வருகிறது. அரசுப் பள்ளிகளில் ஆசிரியர் பற்றாக்குறையை போக்கும் வகையில் 15 நாட்களில் தற்காலிக ஆசிரியர்கள் நியமிக்கப்படுவார்கள் என்று கூறியிருந்தார். 

அரசுப் பள்ளிகளில் மாணவர்களுக்கு இலவச மதிய உணவை அரசு வழங்கி வருகிறது. அதேபோல் பள்ளி மாணவர்களுக்கு சில தன்னார்வ தொண்டு நிறுவனங்களும் இலவசமாக மதிய உணவு அளித்து வருகின்றன. ஆனால் அதன் தரம் குறைவு காரணமாக மாணவர்களிடமும், பெற்றோர்களிடமும் ஒருவித அச்சம் நிலவிக் கொண்டே இருக்கிறது.  இந்நிலையில் ஹரியானா மாநிலம் ஃபரிதாபாத் நகரில் உள்ள ராஜ்கேயா அரசு பெண்கள் மேல்நிலைப்பள்ளியில் நேற்று மதிய உணவு வழங்கப்பட்டுள்ளது.  அப்போது மாணவி ஒருவரின் உணவில் சிறிய அளவிலான பாம்பு ஒன்று இறந்து கிடந்துள்ளது. அதைக் கண்ட மாணவிகள் உணவை வைத்து விட்டு, அலறியடித்து கொண்டு ஓடினர். 

டெல்லியில் டியோலி என்னும் பகுதியில் உள்ள அரசுப் பள்ளி ஒன்றில் நேற்று மதிய உணவை உட்கொண்ட 9 மாணவர்கள் உடல்நிலை குறைபாடு ஏற்பட்டு மருத்துவமனையில் அனுமதிக்கப்பட்டுள்ளனர்.  பள்ளி குழந்தைகள் சாப்பிட்ட மதிய உணவில் ஒரு எலி இறந்து கிடந்ததை அறியாமல் உணவு விநியோகிக்கப்பட்டதால் இந்த அவலம் ஏற்பட்டது.  எலி இறந்திருப்பதை பார்க்காமல் என் மகனுக்கு மதிய உணவை கொடுத்திருக்கிறார்கள். இதுபோன்ற அலட்சியத்தை ஒருபோதும் ஏற்றக்கொள்ள முடியாது என்று மருத்துவமனையில் அனுமதிக்கப்பட்ட ஒரு குழந்தையின் தாய் கூறியுள்ளார்.