உத்திரபிரதேசத்தை சேர்ந்த சமீர் ரிஸ்வி அனைவராலும் பேசப்படும் ஒரு கிரிக்கெட் வீரராக மாறி வருகிறார். இந்த ஆண்டு நடைபெற உள்ள ஐபிஎல் தொடர்களில் மிகவும் முக்கியத்துவம் வாய்ந்த ஒரு வீரராக கருதப்படுகிறார். குறிப்பாக உள்நாட்டு தொடர்களில் தொடர்ந்து ரன்கள் அடித்து அனைவரையும் திரும்பி பார்க்க வைத்துள்ளார். தனது அசுரத்தனமான பேட்டிங் மூலம் எதிரணிகளை கலங்கடிக்கிறார். கடந்த ஆண்டு ஐபிஎல் தொடரில் சென்னை சூப்பர் கிங்ஸ் அணிக்காக விளையாடினார் சமீர் ரிஸ்வி. ஆனால் இந்த ஆண்டு மெகா ஏலத்தில் அவரை சென்னை அணி எடுக்கவில்லை. சமீபத்தில் நடைபெற்ற கேணல் சிகே நாயுடு டிராபியில் உத்தரப்பிரதேச அணியை 798 ரன்கள் வரை கொண்டு சென்று சாதனை படைத்துள்ளார்.
மேலும் படிக்க | "தோனி வாய்ப்பு கொடுக்கவில்லை.. சேவாக் எனக்காக தியாகம் செய்தார்" - மனோஜ் திவாரி!
சென்னை அணி எடுக்கவில்லை
ஐபிஎல் 2024 மினி இடத்தில் சமீர் ரிஸ்வியை சென்னை சூப்பர் கிங்ஸ் அணி ரூபாய் 8.4 கோடிக்கு ஏலத்தில் எடுத்தது. ஆனால் கடந்த ஆண்டு முழுவதும் சென்னை அணிக்காக அவர் பெரிதாக ரன்கள் அடிக்க வில்லை. ரஷித் கான் ஓவரில் தொடர்ந்து இரண்டு சிக்ஸர்கள் அடித்தாலும் தொடர்ச்சியாக ரன்கள் அடிக்க சிரமப்பட்டார். இதனால் ஐபிஎல் 2025 மெகா ஏலத்தில் சென்னை அணி அவரை மீண்டும் எடுக்கவில்லை. டெல்லி கேப்பிடல்ஸ் அணி அவரை ரூபாய் 95 லட்சத்திற்கு ஏலத்தில் எடுத்தது. அதன் பிறகு உள்ளூர் போட்டிகளில் தொடர்ந்து சிறப்பாக விளையாடி வருகிறார்.
Sameer Rizvi the Hero #RanjiTrophy pic.twitter.com/kmJyCDiQxy
— Sammy (@SameerCrick) January 28, 2025
சமீர் ரிஸ்வி அசத்தல்
சமீர் ரிஸ்வி 2021 ஆம் ஆண்டு முதல் உள்நாட்டு தொடர்களில் விளையாடி வருகிறார். உத்திரபிரதேச அணிக்காக விளையாடி வரும் ரிஸ்வி தான் ஒரு சிறந்த பேட்டர் என்பதை மீண்டும் மீண்டும் நிரூபித்து வருகிறார். கேணல் சிகே நாயுடு போட்டியில் குஜராத் அணிக்கு எதிரான போட்டியில் சமீர் ரிஸ்வி 159 பந்துகளில் 21 பவுண்டரிகள் மற்றும் 20 சிக்ஸர்கள் உட்பட 164.78 ஸ்ட்ரைக் ரேட்டில் 262 ரன்களை விளாசினார். இவரது ஃபார்மை பார்த்து டெல்லி கேப்பிடல்ஸ் அணியின் ரசிகர்கள் மிகவும் உற்சாகத்தில் உள்ளனர். ஒரு மாதத்திற்குள் கிட்டத்தட்ட மூன்று முறை இரட்டை சதங்களை அடித்துள்ளார் ரிஸ்வி.
2024 டிசம்பர் மாதம் நடைபெற்ற 23 வயதிற்குட்பட்ட ஒரு நாள் ஸ்டேட் ஏ போட்டியில் இரட்டை சதம் அடித்திருந்தார். அதற்கு முன்பு விஜய் ஹசாரே டிராபியில் 3 போட்டிகளில் 48, 0 மற்றும் 105 ரன்கள் அடித்து இருந்தார். ஐபிஎல் 2025-ல் டெல்லி கேப்பிடல்ஸ் அணியின் முக்கியமான பினிஷர் ஆக சமீர் ரிஸ்வி இருப்பார் என்பதில் எந்தவித சந்தேகமும் இல்லை. ஐபிஎல் 2025-ல் சிறப்பாக விளையாடும் பட்சத்தில் இந்திய அணியிலும் அவர் இடம் பெறலாம்.
மேலும் படிக்க | கேப்டன் ஆக ஆசையா ஹர்திக்? சஞ்சய் மஞ்சுரேக்கர் சொன்ன அட்வைஸ்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
