England vs New Zealand Highlights: ஒருநாள் உலகக் கோப்பை 2019 இறுதிப் போட்டியில் இங்கிலாந்திடம் தோற்றதற்கு நியூசிலாந்து பழிதீர்த்து கொண்டது. அபுதாபி ஷேக் சயீத் மைதானத்தில் நடைபெற்ற முதல அரையிறுதிப் போட்டியில் கேன் வில்லியம்சன் தலைமையிலான நியூசிலாந்து அணி 6 பந்துகள் மீதமிருக்க 5 விக்கெட் வித்தியாசத்தில் வெற்றி பெற்றது.
முதலில் பேட்டிங் செய்ய அழைக்கப்பட்ட இங்கிலாந்து அணி 20 ஓவர்களில் 4 விக்கெட் இழப்புக்கு 166 ஓட்டங்களைப் பெற்றது. அடுத்து களம் இறங்கிய நியூசிலாந்து அணி 19 ஓவர்களில் 5 விக்கெட்டுகளை இழந்து வெற்றி இலக்கை எட்டியது.
சமீபகாலமாக நியூசிலாந்து அணி (New Zealand national cricket team) தொடர்ந்து சிறப்பாக செயல்பட்டு வருகிறது. 2019 ஒருநாள் உலகக் கோப்பையின் இறுதிப் போட்டிக்குள் நுழைந்தது. அதன்பின்னர் 2021 இல் உலக டெஸ்ட் சாம்பியன்ஷிப்பின் இறுதிப் போட்டியிலும், தற்போது டி-20 உலகக் கோப்பையின் இறுதிப் போட்டியிலும் நுழைந்துள்ளது.
2021 டி20 உலகக் கோப்பையின் முதல் அரையிறுதியில் இங்கிலாந்துக்கு எதிராக விளையாடிய நியூசிலாந்தின் வெற்றியின் நாயகன் தொடக்க ஆட்டக்காரர் டேரில் மிட்செல். அவர் 47 பந்துகளில் 4 பவுண்டரிகள் மற்றும் சிக்ஸர்களுடன் ஆட்டமிழக்காமல் 72 ரன்கள் எடுத்தார். இந்த அற்புதமான இன்னிங்ஸிற்காக அவர் ஆட்ட நாயகனாகத் தேர்ந்தெடுக்கப்பட்டார்.
New Zealand timed their chase to perfection to reach the final of the #T20WorldCup 2021 #ENGvNZ report https://t.co/ROGztGYpqj
— T20 World Cup (@T20WorldCup) November 10, 2021
மிட்செல் மற்றும் டெவோன் கான்வே (46 ரன்கள்) சேர்ந்து 63 ரன் பார்ட்னர்ஷிப்பையும், அடுத்து ஜேம்ஸ் நீஷமுடன் (27 ரன்கள்) 40 ரன் பார்ட்னர்ஷிப்பையும் அமைத்தார். இவ்வளவு சிறப்பான இன்னிங்ஸ் ஆடிய பிறகு, இந்த பேட்ஸ்மேனைப் பற்றி தெரிந்துகொள்ள அனைவரும் ஆவலாக உள்ளனர். டேரில் மிட்செல் (Daryl Mitchell) யார் என்று உங்களுக்குச் சொல்கிறோம்.
ALSO READ | ரோஹித் சர்மா தலைமையில் நியூசிலாந்துக்கு எதிரான இந்திய டி20 அணி அறிவிப்பு
டேரில் மிட்செல் யார்?
டேரில் மிட்செல் 20 மே 1991 அன்று ஹாமில்டனில் பிறந்தார். 30 வயதான மிட்செல் நியூசிலாந்து அணியின் ஆல்ரவுண்டராக விளையாடுகிறார். டேரில் மிட்செல் ஒரு பிரபலமான பெயர், ஏனெனில் அவரது தந்தை ரக்பி பயிற்சியாளர் ஜான் மிட்செலின் மகன். ஜான் மிட்செல் ஒரு நன்கு அறியப்பட்ட பெயர். இப்போதும் வெற்றிகரமான ஒரு பேட்ஸ்மேனாக இருக்கிறார். முதலில் மிடில் ஆர்டரில் பேட்ஸ்மேனாக களம் இறங்கி வந்த மிட்செல், திடீரென ஓப்பனராக களம் இறக்கப்பட்டார்.
டி20 உலகக் கோப்பை 2021 பயிற்சி ஆட்டத்தின் தொடக்க ஆட்டத்தில் டேரில் மிட்செல் தொடக்க ஆட்டக்காரராக களம் இறக்கி சோதிக்கப்பட்டார். அதன் பிறகு அவருக்கு இந்தப் பொறுப்பு வழங்கப்பட்டது. முழு டி20 உலகக் கோப்பை 2021 இல், டேரில் மிட்செல் தொடக்கத்தில் மார்ட்டின் கப்டிலை ஆதரித்தார். மிட்செல் மீண்டும் வலுவான இன்னிங்ஸ் விளையாடி தனது ஆட்டத்தால் அனைவரையும் கவர்ந்தார். அரையிறுதியில் மிட்செலின் பேட்டிங் பலனளித்தது, அங்கு அவர் 4 பவுண்டரிகள் மற்றும் பல சிக்ஸர்களை அடித்தார். நியூசிலாந்துக்கு 12 பந்துகளில் 20 ரன்கள் தேவைப்பட்டபோது, மிட்செல் வோக்ஸ் பந்தில் இரண்டு சூப்பர் சிக்ஸர்களை அடித்து கிவி அணியின் மடியில் வெற்றியை வைத்தார்.
மிட்செல் கிரிக்கெட் பயணம்:
டேரில் மிட்செலின் கேரியரைப் பற்றி பேசுகையில், இதுவரை அவர் மொத்தம் 5 டெஸ்ட், மூன்று ஒருநாள் மற்றும் 21 டி20 சர்வதேசப் போட்டிகளில் விளையாடியுள்ளார். மிட்செல் ஐந்து டெஸ்ட் இன்னிங்ஸ்களில் 58 சராசரியில் 232 ரன்கள் எடுத்துள்ளார். இதில் ஒரு சதம் மற்றும் அரை சதமும் அடங்கும். அதே நேரத்தில், மூன்று ஒருநாள் போட்டிகளில் இரண்டு இன்னிங்ஸ்களில், அவர் ஒரு சதத்தின் உதவியுடன் 112 ரன்கள் எடுத்தார். இது தவிர, 21 டி20 சர்வதேசப் போட்டிகளில் 19 இன்னிங்ஸ்களில் 345 ரன்கள் எடுத்துள்ளார். டெஸ்டில் ஒரு விக்கெட்டும், டி20 சர்வதேசப் போட்டிகளில் 5 விக்கெட்டும் எடுத்துள்ளார்.
ALSO READ | சாதனை படைத்த இந்தியா - பாகிஸ்தான் போட்டி! ஸ்டார் இந்தியா வெளியிட்ட தகவல்!
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
