IPL 2023: இந்தியன் பிரீமியர் லீக்கின் மெகா தொடர் அடுத்த மாதம் முதல் இந்தியாவில் தொடங்க உள்ளது. இந்த லீக்கில் கடந்த முறை போலவே இம்முறையும் 10 அணிகள் பங்கேற்க உள்ளன. இந்தியன் பிரீமியர் லீக் 2023 தொடருக்கு முன்பே, மகேந்திர சிங் தோனி தலைமையிலான சென்னை சூப்பர் கிங்ஸ் (Chennai Super Kings) அணி பெரும் பின்னடைவைச் சந்தித்துள்ளது. 2023 டிசம்பரில் நடைபெற்ற மினி ஏலத்தில் நியூசிலாந்து ஆல்ரவுண்டர் கைல் ஜேம்சனை ரூ.1 கோடிக்கு சிஎஸ்கே அணி வாங்கியது. தற்போது அவர் இங்கிலாந்துக்கு எதிரான 2 போட்டிகள் கொண்ட டெஸ்ட் தொடரில் இருந்து காயம் காரணமாக விலகியுள்ளார். அணியின் அனுபவம் வாய்ந்த வேகப்பந்து வீச்சாளர் கைல் ஜேம்சன் (Kyle Jamieson) ஐபிஎல் சீசன் தொடங்குவதற்கு முன்பே காயம் அடைந்திருப்பது, அவர் சென்னை அணிக்காக விளையாடுவாரா என்ற சந்தேகம் எழுந்துள்ளது.
நியூசிலாந்து அணியின் வீரர் கைல் ஜேமிசனுக்கு முதுகில் காயம் ஏற்பட்டுள்ளதாகவும் கூறப்படுகிறது. அத்தகைய சூழ்நிலையில், அவர் ஐபிஎல் 2023 இல் இருந்து வெளியேறலாம். இது சென்னை ரசிகர்கள் மத்தியில் அதிர்ச்சியை ஏற்படுத்தி உள்ளது. ஆனால் அவர் மீண்டு வர வேண்டும் என ரசிகர்கள் பிராத்தனை செய்து வருகின்றனர்.
இங்கிலாந்து - நியூசிலாந்து அணிகளுக்கு இடையிலான டெஸ்ட் தொடர் பிப்ரவரி 16-ம் தேதி தொடங்குகிறது. 28 வயதான கைல் ஜேம்சனுக்கு ஏற்கனவே காயம் ஏற்பட்டதால், ஜூன் 2022 முதல் அவர் சர்வதேச கிரிக்கெட்டில் விளையாடவில்லை. அதன்பிறகு உள்நாட்டு கிரிக்கெட்டில் விளையாடி மீண்டும் அணிக்கு திரும்பினார். ஹாமில்டனில் இங்கிலாந்துக்கு எதிரான இரண்டு நாள் பயிற்சி ஆட்டத்தில் நியூசிலாந்து அணியின் ஒரு பகுதியாக பயிற்சி மேற்கொண்டார்.
மேலும் படிக்க: IPL 2023: ஓய்வை அறிவிக்கும் தோனி... சிஎஸ்கேவின் வருங்காலம் யார்?
மவுண்ட் மவுங்காயில் நடைபெறவுள்ள இங்கிலாந்துக்கு எதிரான முதல் டெஸ்ட் போட்டிக்கு முன்னதாக, அவருக்கு ஸ்கேன் செய்து பார்த்த போது எலும்பு முறிவு ஏற்பட்டிருப்பது கண்டுபிடிக்கப்பட்டது. இதன் காரணமாக அவர் இங்கிலாந்துக்கு எதிரான டெஸ்ட் போட்டியில் இருந்து விலகியுள்ளார்.
இதுப்பற்றி நியூசிலாந்து அணியின் தலைமை பயிற்சியாளர் கேரி ஸ்டெட் கூறுகையில், “கைல் மீண்டும் களத்தில் இறங்க மிகவும் கடினமாக உழைத்துள்ளார். அனால் அவருக்கு ஏற்பட்டுள்ள இந்த காயம் ஏமாற்றம் அளிக்கிறது. ஜூன் மாதம் ஏற்பட்ட காயத்திற்குப் பிறகு, மீண்டும் களமிறங்குவதால் நாங்கள் மிகவும் கவனமாக இருந்தோம். ஸ்கேன் மூலம் மருத்துவ ஊழியர்கள் அவரைத் தொடர்ந்து கண்காணித்து வந்தனர். அவர் எந்த வலியையும் உணரவில்லை. ஆனால் அவருக்கு அழுத்த முறிவு இருப்பது ஸ்கேன் தெளிவாகத் தெரிந்தது. எனவே அவர் கிறிஸ்ட்சர்ச்சிற்கு திரும்புவார் மற்றும் மீண்டும் வெள்ளிக்கிழமை சிடி ஸ்கேன் செய்வார் எனத் தெரிவித்தார்.
28 வயதான கைல் ஜம்மிசன் இதுவரை நியூசிலாந்து அணிக்காக 16 டெஸ்ட் போட்டிகள், 8 ஒருநாள் போட்டிகள் மற்றும் 8 டி20 போட்டிகளில் விளையாடியுள்ளார். ஐபிஎல் தொடரில் பெங்களூர் அணிக்காக 9 போட்டிகளில் விளையாடியுள்ளார். இந்த முறை அவர் சிஎஸ்கே அணிக்காக விளையாடப் போகிறார்.
மேலும் படிக்க: சிஎஸ்கே-ல எப்படி இருந்தேன் தெரியுமா... பழசை நினைத்து பார்க்கும் சின்ன தல
நியூசிலாந்து டெஸ்ட் அணி: டிம் சவுத்தி (கேட்ச்), மைக்கேல் பிரேஸ்வெல், டாம் ப்ளூன்டெல் (வி.கே.), டெவோன் கான்வே, ஜேக்கப் டஃபி, ஸ்காட் குகெலிஜின், டாம் லாதம், டேரில் மிட்செல், ஹென்றி நிக்கோல்ஸ், இஷ் சோதி, பிளேர் டிக்னர், நீல் வில்சன், கேனி வாக்னர், வில் யங்.
இங்கிலாந்து டெஸ்ட் அணி: பென் ஸ்டோக்ஸ் கேப்டன், ஜேம்ஸ் ஆண்டர்சன், ஸ்டூவர்ட் பிராட், ஹாரி புரூக், ஜாக் க்ராலி, பென் டக்கெட், பென் ஃபோக்ஸ், வில் ஜாக்ஸ், டான் லாரன்ஸ், ஜாக் லீச், ஆலி போப், மேத்யூ பாட்ஸ், ஆலி ராபின்சன், ஜோ ரூட் மற்றும் ஆலி ஸ்டோன். .
மேலும் படிக்க: 'தோனிக்காக தான்...' ஒரே நாளில் ஓய்வு - மனந்திறந்த ரெய்னா
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
