உடலுக்கு வைட்டமின்கள் தேவைப்படுவது போல, புரதமும் ஆரோக்கியத்திற்கு அவசியம். உடலில் உள்ள செல்களை சீர் செய்து உடல் வளர்ச்சிக்கு புரதம் உதவுகிறது. புரோட்டீன்கள் உங்கள் உடலில் உள்ள தசை திசுக்களை சரி செய்யும் மேக்ரோநியூட்ரியண்ட்ஸ் . இது செரிமானம் மற்றும் வளர்சிதை மாற்ற செயல்பாட்டிற்கு உதவுகிறது.
மூளை, கல்லீரல் மற்றும் தசைகள் புரதத்தால் ஆனது. இதிலிருந்து புரத சத்தின் முக்கியத்துவத்தை அறிந்து கொள்ளலாம். எனவே, நாம் தினமும் உணவில் போதுமான அளவு புரோட்டீன் எடுத்துக்கொள்வது மிகவும் அவசியம். உங்கள் தினசரி புரத தேவை என்பது உங்கள் எடை, பாலினம், வயது மற்றும் ஆரோக்கியத்தைப் பொறுத்தது. இறைச்சி உணவுகளில் தான் அதிக புரோட்டின் கிடைக்கும் ஒரு பொதுவான எண்ணம் பெரும்பாலானோருக்கு உள்ளது. ஆனால், சைவத்திலும் பல புரதச் சத்துகள் நிறைந்த உணவுகள் உள்ளன.
எள்ளில் புரதச்சத்து நிறைந்துள்ளது. ஒரு டீஸ்பூன் எள் சுமார் 3 கிராம் புரதத்தை வழங்குகிறது. இதனை உணவில் அடிக்கடி சேர்த்துக் கொள்ள வேண்டும். ஊறவைத்த எள்ளை உட்கொள்வது புரதத்தை அதிகரிக்க உதவுகிறது. கொலஸ்ட்ரால் அளவையும் கட்டுப்படுத்துகிறது.
சோயாவில் ஊட்டச்சத்துக்கள் நிறைந்துள்ளன, சோயாபீன் என்பது ஒன்பது அத்தியாவசிய அமினோ அமிலங்களைக் கொண்ட ஒரு தாவரமாகும். அதாவது அவை முழுமையான புரதங்கள். இதில் 36 சதவீதம் முதல் 56 சதவீதம் வரை புரதச்சத்து உள்ளது. இது தவிர, இது ஃபோலேட், கால்சியம், நார்ச்சத்து, இரும்பு, மெக்னீசியம், பாஸ்பரஸ் மற்றும் பொட்டாசியம் ஆகியவற்றின் சிறந்த மூலமாகும்.
பாசி பயறில் புரோட்டின் நிறைந்துள்ளது. முளை கட்டிய பாசி பயறில் உங்களுக்கு இரு மடங்கு புரதம் கிடைக்கும். இது வலிமையைத் தருகிறது மற்றும் உங்கள் வளர்சிதை மாற்றத்தை சிறப்பாக வைத்திருக்கும். இதில் நார்ச்சத்து மற்றும் வைட்டமின்கள் உள்ளன. இதன் காரணமாக செரிமானம் சிறப்பாக இருக்கும்.
முளை கட்டிய கொடைக்கடலை, உளுந்து, வேர்க்கடலை ஆகியவற்றை சாப்பிடுவதன் மூலம் அதிக புரதச்சத்து கிடைக்கும். அவற்றை ஊறவைத்து முளை கட்டும் போது சத்துக்கள் இரு மடங்காகும்.
பொன்னாங்கண்ணி, புரதத்துடன், கீரையில் இரும்பு, கால்சியம், மெக்னீசியம், செலினியம் மற்றும் வைட்டமின் கே அளவும் அதிகமாக உள்ளது. இதனுடன் நார்ச்சத்தும் உள்ளது. பசலைக்கீரையில் இரும்புச்சத்து மற்றும் புரதச்சத்தும் நிறைந்துள்ளது.
