Shani Vakri 2023: ஜோதிட சாஸ்திரப்படி, சனி பகவான் மனிதர்கள் செய்யும் செயல்களுக்கு ஏற்ப பலன்களை அளிக்கும் நீதிக்கடவுளாக கருதப்படுகிறார். பலன்களை அள்ளிக்கொடுப்பதிலும், கிள்ளிக்கொடுப்பதிலும் அவருக்கு நிகர் அவர்தான்.
தற்போது, சனி பகவான் தனது சொந்த ராசியான கும்பத்தில் சஞ்சரித்து வருகிறார். ஜூன் 17, 2023 அன்று அவர் தனது சொந்த ராசியான கும்பத்திலேயே வக்ர பெயர்ச்சி காணவுள்ளார். இதற்குப் பிறகு, நவம்பர் 4-ம் தேதி சனி வக்ர நிவர்த்தி பெறுவார். சனியின் 5 மாத வக்ர பெயர்ச்சி அனைத்து 12 ராசிகளையும் பாதிக்கிறது. சனி வக்ர பெயர்ச்சிக்கான அனைத்து 12 ராசிகளின் ராசி பலனையும் இங்கே காணலாம்.
மேஷம்: இந்த ராசிக்கு பதினொன்றாவது வீட்டில் சனி பகவான் வக்ரமாகப் போகிறார். இதனால் சிறந்த நன்மைகள் கிடைக்கும். இந்த நேரத்தில் வியாபாரத்தில் லாபகரமான சூழ்நிலையும், நண்பர்களின் ஆதரவும் கிடைக்கும். வங்கி மற்றும் இயந்திர வேலை சம்பந்தப்பட்டவர்கள் புதிதாக ஏதாவது சாதனை செய்வீர்கள்.
ரிஷபம்: சனியின் வக்ர நிலை காரணமாக, பணியிடத்தில் சில பிரச்சனைகளை சந்திக்க நேரிடும். இந்த நேரத்தில், வேலைகளில் சிறிது தாமதம் ஏற்படும். அரசு வேலை சம்பந்தமானவர்கள் பணப்பற்றாக்குறையால் சற்று கவலையடைவார்கள். முதலீடுகளில் கவனமாக இருப்பது நல்லது.
மிதுனம்: இந்த நேரத்தில் உங்கள் தந்தையுடன் சில கருத்து வேறுபாடுகளை சந்திக்க வேண்டியிருக்கும். சனியின் வக்ர நிலை காரணமாக பயணங்களில் தடைகளையும் காணலாம். இந்த நேரத்தில் லாபத்தில் சிறிது குறைவு ஏற்படலாம். சுயதொழில் செய்பவர்கள் தங்கள் ஊழியர்களை நன்றாக கவனித்துக் கொள்ள வேண்டும்.
கடகம்: இந்த நேரத்தில் நீங்கள் எந்த முதலீட்டையும் எச்சரிக்கையுடன் செய்ய அறிவுறுத்தப்படுகிறீர்கள். பணப் பற்றாக்குறையை சந்திப்பீர்கள். பணியிடத்தில் உங்கள் எதிரிகள் உங்களை தோற்கடிக்க புதிய வழிகளைக் கண்டுபிடிப்பார்கள். இந்த நேரத்தில் பேச்சில் கட்டுப்பாடு இருக்க வேண்டும். உங்கள் காதல் உறவில் பதற்றத்தை தவிர்க்கவும். பணியை நேர்மையாகச் செய்வது நல்லது.
சிம்மம்: உங்கள் மனைவியின் உடல்நிலையில் சிறப்பு கவனம் செலுத்த வேண்டியிருக்கும். திருமண வாழ்வில் சில மனக்கசப்புகள் ஏற்பட வாய்ப்பு உள்ளது. பதவி உயர்வை எதிர்பார்த்து காத்திருந்தால், சிறிது தாமதத்துடன் கிடைக்கும். இந்த நேரத்தில், நீங்கள் சோம்பேறியாக இருக்கக்கூடும், எனவே இலக்கில் கவனம் செலுத்துங்கள். மன உளைச்சல் ஏற்பட வாய்ப்பு உள்ளது.
கன்னி: உங்கள் எதிரிகளை வெற்றி பெறுவீர்கள். இந்த நேரத்தில், நீங்கள் வெளிநாடு செல்ல விசாவிற்கு விண்ணப்பிக்கலாம். உயர்கல்விக்காக ஏங்கிக் கொண்டிருந்தவர்களுக்கு இனி நல்ல செய்தி கிடைக்கும். வெளிநாட்டில் உள்ள நல்ல கல்வி நிறுவனத்தில் சேர்க்கை பெறலாம். கடன் இருந்தால், அதை முழுமையாக திருப்பிச் செலுத்துவீர்கள்.
துலாம்: உங்கள் காதல் விவகாரங்களுக்கு இந்த நேரம் சாதகமாக இல்லை. மாணவர்கள் கொஞ்சம் சிரமப்பட்டு வெற்றி பெறுவார்கள். பணத்தை இழக்கும் வாய்ப்புகள் இருப்பதால் பங்குச் சந்தையில் புத்திசாலித்தனமாக பணத்தைச் செலவிடுங்கள். இந்த நேரத்தில் வாகனம் ஓட்டும்போது கவனமாக இருக்க வேண்டும்.
விருச்சிகம்: சனி வக்கிரம் காரணமாக சில மன பிரச்சனைகளை சந்திக்க நேரிடும். இந்த நேரத்தில் நீங்கள் குடும்ப உறுப்பினர்களின் ஆரோக்கியத்திற்கு முக்கியத்துவம் கொடுப்பீர்கள். தொழில் துறையில் முழு முயற்சியுடன் உங்கள் இலக்கை அடைவீர்கள். உங்கள் வியாபாரத்தில் கூடுதல் முயற்சிகளை மேற்கொள்ள வேண்டியிருக்கும். யாரிடமும் கடன் வாங்காதீர்கள்.
தனுசு: வக்ர சனி உங்களுக்கு பயணங்களால் நன்மைகளை தருவார். இந்த நேரத்தில் உங்கள் சகோதரர்களிடமிருந்து நல்ல ஒத்துழைப்பு கிடைக்கும், இதனால் உங்கள் மனம் மகிழ்ச்சியாக இருக்கும். மதம், தத்துவம், ஜோதிடம் சம்பந்தப்பட்டவர்கள் நற்பெயரைப் பெறலாம்.
மகரம்: சனி குடும்பத்தில் ஒற்றுமையை ஏற்படுத்தலாம். பொய் சொன்னால் பெரிய பிரச்சனையில் மாட்டிக்கொள்ளலாம். வாழ்க்கைத்துணையின் ஆரோக்கியத்திலும் அக்கறை காட்ட வேண்டும். நீங்கள் யாருக்காவது கடன் கொடுக்க நினைத்தால், யோசித்து கொடுக்கவும்.
கும்பம்: இந்த நேரத்தில், அலுவலகத்தில் அதிக எதிர்ப்பைக் காணலாம். வேலைகளில் தாமதம் ஏற்படுவதால் உங்கள் மனம் வருத்தமடையலாம். இந்த நேரத்தில் உங்கள் நண்பர்களை நம்பாதீர்கள், எந்த ஒரு வேலையையும் அனுபவமுள்ளவரின் ஆலோசனையைப் பெற்ற பின்னரே தொடங்குவது நல்லது. இந்த நேரத்தில் மனைவியுடன் கருத்து வேறுபாடுகள் ஏற்படலாம், எனவே உங்கள் கோபத்தை கட்டுப்படுத்தவும்.
மீனம்: வக்ர நிலையில் இருக்கும் சனி பகவானால் உங்கள் செலவுகள் அதிகரிக்கும், ஆனால் வேலைக்காக மேற்கொள்ளும் பயணங்கள் வெற்றியடையும். உங்கள் ஆரோக்கியத்தில் சிறப்பு கவனம் செலுத்த அறிவுறுத்தப்படுகிறது. இந்த நேரத்தில் உங்கள் தைரியம் அதிகரிக்கும், சகோதரர்களின் ஒத்துழைப்பு கிடைக்கும். கடனில் சிக்கிக் கொள்ளாதீர்கள். யாரிடமும் கடன் கொடுக்கவோ, கடன் வாங்கவோ வேண்டாம்.
