Indian 2 Audio Launch Chief Guests And Celebrities List : கமல்ஹாசன் ஹீரோவாக நடித்துள்ள இந்தியன் 2 திரைப்படத்தின் இசை வெளியீட்டு விழா, நேரு ஸ்டேடியத்தில் நாளை (ஜூன் 1) நடைபெற இருக்கிறது. இதில் பல திரையுலக பிரபலங்கள் கலந்து கொள்ள இருக்கின்றனர். அவர்கள் யார் யார் தெரியுமா?
Indian 2 Audio Launch Chief Guests And Celebrities List : தமிழ் திரையுலக ரசிகர்கள் அதிகம் எதிர்பார்க்கும் படங்களுள் ஒன்றாக இருக்கிறது, இந்தியன் 2. 1996ஆம் ஆண்டு வெளியான இந்தியன் படக்கதையின் தொடர்ச்சியாக இப்படம் உருவாகியிருக்கிறது. இதையும் ஷங்கர்தான் இயக்கியிருக்கிறார். இப்படத்தின் வேலைகள் மட்டும், சுமார் 5 வருடத்திற்கும் மேலாக நடைப்பெற்று வருகின்றன. இப்படம், வரும் ஜூன் மாதமே வெளியாக இருந்தது. ஆனால், ஒரு சில காரணங்களினால் இதன் ரிலீஸ் தள்ளிப்போனது. இந்த நிலையில், இந்தியன் 2 படத்தின் இசை வெளியீட்டு விழா, மிக பிரம்மாண்டமாக நேரு ஸ்டேடியத்தில் நடைபெற இருக்கிறது. இதில் கலந்து கொள்ளும் செலிபிரிட்டிகள் குறித்த தகவல் தற்போது வெளியாகியிருக்கிறது.
கோலிவுட்டில் வெளிவந்த புரட்சிமிகு படங்களுள் ஒன்று, இந்தியன். இந்த படத்தின் தொடர்ச்சியாக இந்தியன் 2 படமும் உருவாகியிருக்கிறது. இந்தியன் 3 திரைப்படமும் வெளியாகும் என கூறப்படுகிறது. இந்த நிலையில், இப்படத்தின் இசை வெளியீட்டு விழா தேதியை படக்குழுவினர் நேற்று அறிவித்தனர்.
இந்தியன் 2 படத்திற்கு அனிருத் இசையமைத்திருக்கிறார். இப்படத்தில் இருந்து ‘பாரா..’ மற்றும் ‘நீலோர்ப்பம்’ ஆகிய பாடல்கள் வெளியாகி வரவேற்பினை பெற்றிருக்கின்றன. நாளை (ஜூன் 1) நேரு ஸ்டேடியத்தில் நடைபெற இருக்கிறது.
இவ்விழாவில் கலந்து கொள்ள இருக்கும் திரை பிரபலங்கள் குறித்த தகவல்கள் வெளியாகியிருக்கிறது. அவர்கள் யார் யார் தெரியுமா?
சித்தார்த்: பிரபல நடிகர் சித்தார்த், இந்தியன் 2 படத்தில் முக்கிய கதாப்பாத்திரமாக வருகிறார். இதனால், இவ்விழாவில் அவர் கலந்து கொள்வார் என எதிர்பார்க்கப்படுகிறது.
ரன்வீர் சிங்: பாலிவுட் நடிகர் ரன்வீர் சிங், ஷங்கரின் நெருங்கிய நண்பர்களுள் ஒருவர் என கூறப்படுகிறது. இவர், ஷங்கரின் மகள் திருமண விழாவிலும் சமீபத்தில் கலந்து கொண்டார். இதையடுத்து, இந்தியன் 2 படத்தின் இசை வெளியீட்டு விழாவிலும் இவர் கலந்து கொள்வார் என எதிர்பார்க்கப்படுகிறது.
ராம்சரண்: ஷங்கரின் கேம் சேஞ்சர் படத்தில் நடிகர் ராம்சரண் ஹீரோவாக நடித்திருக்கிறார். இவரும் இந்தியன் 2 இசை வெளியீட்டு விழாவிற்கு வருகை தருவார் என கூறப்படுகிறது.
மோகன் லால்: மலையாள நடிகர் மோகன் லால், இந்தியன் 2 இசை வெளியீட்டு விழாவில் கலந்து கொள்வார் என கூறப்படுகிறது.
சிரஞ்சீவி: தெலுங்கு சூப்பர் ஸ்டார் சிரஞ்சீவி, இவ்விழாவில் முக்கிய விருந்தினராக கலந்து கொள்ள இருப்பதாக கூறப்படுகிறது.
இந்தியன் 2 இசை வெளியீட்டு விழாவில் நடிகர் சிலம்பரசனும், சிவகார்த்திகேயனும் சிறப்பு விருந்தினர்களாக கலந்து கொள்ள இருப்பதாக தகவல்கள் வெளியாகியிருக்கிறது. சிம்பு, தற்போது கமல் ஹாசனுடன் தக் லைஃப் படத்தில் நடித்து வருகிறார். சிவகார்த்திகேயன், கமல்ஹாசன் தயாரிப்பில் உருவாகியிருக்கும் அமரன் படத்தில் நாயகனாக நடித்திருக்கிறார்.
