இயற்கையிலேயே கிடைக்கும் ஒரு அமிர்தம் என்றால் அது தண்ணீர் தான், காலை வேளையில் தண்ணீர் குடிப்பதால் உடலுக்கு பல நன்மைகள் கிடைக்கிறது.
காலையில் வெறும் வயிற்றில் தண்ணீர் குடிப்பது எடை இழப்புக்கு உதவும் என்று கூறப்படுகிறது. தண்ணீர் குடிப்பதால் நாள் முழுவதும் உங்கள் உடல் ஹைட்ரேட்டாக இருக்கிறது, இதனால் அதிகப்படியான உணவு உட்கொள்ளல் தடுக்கப்படுகிறது.
காலையில் தண்ணீர் குடிக்கும்போது உடல் நாள் முழுவது ஹைட்ரேட்டாக இருக்கும், இதனால் உங்களுக்கு உடல் சோர்வடையாமல் படிப்பில் கவனம் ஏற்படும். இது மூளையின் செயல்பாட்டில் சுறுசுறுப்பை ஏற்படுத்துகிறது.
உங்கள் உடலின் ஆற்றல் மட்டத்தை அதிகரிப்பதில் தண்ணீர் முக்கிய பங்கு வகிக்கிறது. காலையில் தண்ணீர் குடித்தால் உடலுக்கு தேவையான நீர்சத்து கிடைத்து உடல் இயக்கம் சுறுசுறுப்பாகும்.
சருமத்தின் தன்மையை பராமரிக்க தண்ணீர் பெரிதும் உதவுகிறது. காலை நேரத்தில் தண்ணீர் குடிப்பதால் சரும பொலிவு ஏற்படும், முகம் ஹைட்ரேட்டாகி முக சுருக்கம், வறண்ட சருமம் போன்ற பாதிப்புகள் நீங்கி முகம் அழகு பெறும்.
காலையில் வெறும் வயிற்றில் தண்ணீர் குடிக்கும்போது உங்கள் உடலிலுள்ள நச்சுக்கள் அனைத்தும் சிறுநீர் மூலம் வெளியேறிவிடும். இதனால் உங்கள் உடலில் நோயெதிர்ப்பு சக்தி அதிகரித்து, பிற நோய் தொற்றுகள் அண்டாமல் இருக்கும்.
