உப்பில்லா பண்டம் குப்பையிலே என்று சொல்வார்கள். ஆனால், அளவுக்கு மிஞ்சினால் அமிர்தமும் நஞ்சு என்பதையும் நாம் அறிய வேண்டும்.
உடல் உழைப்பு இருக்கும் போது அதிகப்படியான உப்பு வியர்வை வழியாக வெளியேறி உப்பு தேவை அதிகமாக இருக்கும், ஆனால் உடல் உழைப்பும், வியர்வையும் இல்லாத சூழலில் உப்பு உடம்பில் அதிகம் சேரக்கூடாது.
உணவில் சேர்க்கப்படும் உப்பை தவிர பல செயற்கை சுவையூட்டிகளின் காரணமாக துரித உணவுகளின் மூலம் பெறப்படும் உப்பின் அளவு மிகவும் கூடுதலாக இருக்கிறது.
இன்று உப்பிலும் பலவகை உண்டு. தூள் உப்பு, கல் உப்பு, இந்துப்பு, அயோடின் சேர்த்த உப்பு, அயோடின் சேர்க்காத உப்பு என்று பலவகைகள் உண்டு.
நாள் ஒன்றுக்கு உடலுக்கு 2. 3 கிராம் முதல் 5 கிராம் வரை அளவு சோடியம் இருந்தாலே போதுமானது. உப்பை தேவைக்கும் அதிகமாக எடுத்துக் கொள்ளும் போது, உடலில் வயிற்றுப்புண், இதய சுவர் வீக்கம், சிறுநீரக கோளாறு, சிறுநீரகத்தில் கல், உடல் வீக்கம், உயர் ரத்த அழுத்தம் போன்ற பிரச்சனைகளை உண்டாக்கும்.
கருவாடு, ஊறுகாய், அப்பளம், வடகம் போன்றவற்றிலும் உப்பு அதிகமாகவே இருக்கிறது. அதனால் அவற்றை அளவோடு உண்ண வேண்டும்
