Hairwash Tips: தலைமுடியை ஆரோக்கியமாக வைத்திருக்க தலைமுடியை வெந்நீரில் அலசுவது நல்லதா அல்லது குளிர்ந்த நீரில் அலசுவது நல்லதா என்ற சந்தேகம் அனைவருக்கும் இருக்கும். இதுகுறித்து விரிவாக காணலாம்.
தலைமுடி ஆரோக்கியமானதாக இருக்க வேண்டும் என்றால் அதனை சிரத்தையாக கவனித்துகொள்ள வேண்டும். அதிலும் தலைமுடிக்கு என தனிக்கவனம் எடுத்துக்கொள்வது அவசியமாகும்.
பலருக்கும் வெந்நீரில் குளிப்பது மிகவும் பிடிக்கும். காலை குளிருக்கு இதமாக இருக்கும் என்பதால் அதிகம் வெந்நீரில் குளிப்போம். ஆனால் நீங்கள் அடிக்கடி வெந்நீரில் குளித்தால் உச்சந்தலை பகுதி மிகுந்த வறட்சி அடைந்துவிடும்.
அதிக வெப்பமுடைய நீரானது தலைமுடியின் லிப்பிட் மற்றும் கெரட்டின் இணைப்புகளை பலவீனப்படுத்தும். இது உங்கள் தலைமுடிக்கு தீங்கு விளைவிக்கும் என கூறப்படுகிறது. இதுதான் அதிகமாக முடி கொட்டுவதற்கு வழிவகிக்கிறது.
தலைமுடியின் நுனிகள் பிளக்கும் பிரச்னை வெந்நீரில் குளிப்பவர்களுக்கு அதிகம் ஏற்படுவதாக கூறப்படுகிறது.
குளிர்ந்த நீர் உங்கள் தலையில் இயற்கையாக இருக்கும் எண்ணெய் தன்மையை பாதுகாக்கும். இது தலைமுடியை ஆரோக்கியமாக்கும்.
குளிர்ந்த நீரில் குளிப்பதால் உச்சந்தலை வறட்சியடையாமல் இருக்கும். எனவே, இது அதிகம் முடி கொட்டுவதை தடுக்கும்.
இருப்பினும் குளிர்ந்த நீரில் தலைமுடியை அலசுவதால், முடி சுத்தமாகும் திறன் சற்று பின்னடைவை சந்திப்பதாக கூறப்படுகிறது.
உங்கள் தலைமுடியின் தன்மை மற்றும் தட்பவெட்ப சூழலை பொருத்தே குளிர்ந்த நீரில் முடியை அலசுவதா, வெந்நீரில் அலசுவதா என முடிவெடுக்க முடியும்.
பொறுப்பு துறப்பு: இவை அனைத்தும் பொதுவான தகவல்களை அடிப்படையாக வைத்து எழுதப்பட்டது. தலைமுடியை அலச வெந்நீரை பயன்படுத்தலாமா அல்லது குளிர்ந்த நீரை பயன்படுத்தலாமா என்பது குறித்து மருத்துவ வல்லநுர்களை ஆலோசிக்க வேண்டும். இதனை Zee News உறுதிப்படுத்தவில்லை.
