Diabetes Symptoms: நீரிழிவு நோய் மிக கொடூரமான நோயாக பார்க்கப்படுகின்றது. ஏனெனில் இதில் சிறிது அலட்சியம் ஏற்பட்டால் கூட அது மிகவும் ஆபத்தானதாகிவிடும். நீரிழிவு என்பது தற்போது உலக அளவில் மிகப்பெரிய நோயாக உருவெடுத்து வருகிறது.
ஒருவருக்கு நீரிழிவு நோய் ஏற்பட்டால், அதற்கான பல அறிகுறிகளை நமது உடல் நமக்கு அளிக்கின்றது. சில எச்சரிக்கை அறிகுறிகள் நம் காலிலும் தெரிகின்றன. அவை சரியான நேரத்தில் அடையாளம் காணப்பட வேண்டும், இல்லையெனில் இரத்தத்தில் சர்க்கரை அளவு திடீரென அதிகரித்து உங்கள் நிலை மோசமடையக்கூடும்.
உங்கள் பாதங்களில் சில விசித்திரமான அறிகுறிகள் தோன்றினால் உடனடியாக இரத்த குளுக்கோஸ் பரிசோதனையை மேற்கொள்ளுங்கள்.
நீங்கள் நீரிழிவு நோயால் பாதிக்கப்பட்டால், உங்களுக்கு டயபடிக் நியூரோபதி நோய் வரக்கூடும். இதில் நரம்புகள் சேதமடைகின்றன. இதன் காரணமாக பாதங்களில் கூரான வலியும் வீக்கமும் ஏற்படும். சில சமயங்களில் பாதங்கள் மரத்துப் போகும்.
சர்க்கரை நோய் தாக்கினால், கால் நகங்களின் நிறம் மாறுகிறது. பொதுவாக இளஞ்சிவப்பு நிறத்தில் இருக்கும் நமது நகங்கள் திடீரென்று கருப்பாக மாறும். இதை சாதாரணமாக எடுத்துக் கொள்ளாமல் உடனடியாக இரத்தப் பரிசோதனையை மேற்கொள்ளுங்கள்.
நீங்கள் நீரிழிவு நோயால் பாதிக்கப்பட்டால், உங்கள் கால்கள் மற்றும் உள்ளங்கால்களில் உள்ள தோல் கடினமடையத் தொடங்குகிறது, இருப்பினும் இது தவறான அளவு காலணிகளை அணிவதாலும் நிகழலாம். எனினும் இரத்த சர்க்கரை பரிசோதனை செய்து கொள்வது நல்லது.
காலில் புண் ஏற்பட்டால், பாதங்களில் காயங்கள் தோன்ற ஆரம்பித்து, சில சமயங்களில் தோலும் வெளிவர ஆரம்பிக்கும். இந்த நோய் வரம்புக்கு அப்பால் அதிகரித்தால், மருத்துவர் காலை துண்டிக்க வேண்டிய கட்டாயம் கூட ஏற்படும். ஆகையால், இந்த அறிகுறியை கண்டால் உடனே பரிசோதனை செய்துகொள்வது அவசியமாகும்.
இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன்னர் கண்டிப்பாக நிபுணர்களின் ஆலோசனையைப் பெறவும். ஜீ மீடியா இந்த தகவல்களை உறுதிப்படுத்தவில்லை.
