Bigg Boss 7 Tamil Title Winner Archana: பிக்பாஸ் 7 தமிழ் நிகழ்ச்சியின் டைட்டில் வின்னராக அர்ச்சனா அறிவிக்கப்பட்டார். இவர் பிக்பாஸ் தொடரில் வருவதற்கு முன்னர் என்ன செய்துகொண்டிருந்தார் என்பதை இதில் காணலாம்.
பிக்பாஸ் 7 தமிழ் நிகழ்ச்சியின் இறுதி நாள் எபிசோட் இன்று விஜய் தொலைக்காட்சியில் ஒளிப்பரப்பப்பட்டது. இன்று மாலை 6 மணி முதல் கிராண்ட் ஃபினாலே ஒளிபரப்பப்பட்டது.
கருப்பு நிற ஆடையில் இறுதிநாள் நிகழ்வை தொகுத்தி வழங்கினார் கமல்ஹாசன். அவர் தனது நடிப்பு வாழ்வு குறித்தும், தற்போது நடித்து வரும் Thug Life படத்தின் பெயர் காரணம் உள்பட பல கருத்துகளை இந்நிகழ்வில் பேசியிருந்தார்.
அர்ச்சனா, மணிசந்திரா, மாயா கிருஷ்ணன், தினேஷ், விஷ்ணு ஆகியோர் கடைசி 5 போட்டியாளராக இருந்தனர்.
இதில், விஷ்ணு, தினேஷ், மாயா ஆகியோர் அடுத்தடுத்து வெளியேற கடைசியில் மணிசந்திரா மற்றும் அர்ச்சனா ஆகியோர் மீதம் இருந்தனர்.
அர்ச்சனா வெற்றியாளராக தேர்வு செய்யப்பட்டார். வெற்றிக்கு பின் பேசிய அர்ச்சனா,"நான் பிக்பாஸ் வீட்டில் இருந்து வெளியே வரும்போது எனக்காக இவ்வளவு பேர் இருப்பார்கள் என்பது எதிர்பார்க்கவில்லை. இதை சாம்பாதிப்பேன் என நான் எதிர்பார்க்கவில்லை. மக்களுக்கு நன்றி" என்றார்.
இதில் அர்ச்சனா வெற்றி பெற்று முதல் பரிசுக்கான ரூ.50 லட்சம் தொகை, ஜி ஸ்கொயர் வழங்கிய ரூ.15 லட்சம் பரிசுத் தொகை, மாருதி சுசூகி நிறுவனத்தின் கிராண்ட் விட்டாரா கார் ஆகியவற்றை அர்ச்சனா வென்றார்.
ஆரவ், ரித்விகா, முகேன் ராவ், ராஜூ, ஆரி, அசீம் ஆகியோர் முறையே பிக்பாஸ் தமிழ் நிகழ்ச்சியின் முதல் ஆறு சீசன்களின் டைட்டிலை வென்றிருப்பது குறிப்பிடத்தக்கது.
