FD வட்டி விகிதங்கள்: FD முதலீடு மிகவும் பாதுகாப்பானது. பணத்தை இழக்கும் அபாயம் இல்லை. அதனால் தான் இது பெரும்பாலனிரின் முதலீட்டு விருப்பத்தில் முதலிடத்தில் உள்ளது. வங்கிகளும் வாடிக்கையாளர்களை ஈர்க்க போட்டி போட்டுக் கொண்டு, வட்டி வ்கிதத்தை அதிகரித்து வருகின்றன.
FD முதலீடு செய்யும் போது, பல்வேறு வங்கிகள் வழங்கும் வட்டி விகிதங்களை ஒப்பிட்டுப் பார்க்க வேண்டும். இதன் மூலம் நீங்கள் FD முதலீடுகளில் அதிகபட்ச பலனைப் பெறலாம்.
Interest Rate on FDs: நிலையான வைப்பி நிதி என்னும் FD முதலீடுகளுக்கு எஸ்பிஐ, ஐசிஐசிஐ, ஹெச்டிஎஃப்சி வங்கி,பேங்க் ஆப் பரோடா, உள்ளிட்ட வங்கிகளில் வழங்கப்படும் வட்டி விகிதத்தை ஒப்பிட்டு பார்க்கலாம்.
பாரத ஸ்டேட் வங்கி (SBI) 2 ஆண்டுகள் முதல் 3 ஆண்டுகள் வரையிலான எஃப்டி முதலீட்டிற்கு அதிகபட்சமாக 7 சதவீத வட்டியை வங்கி வழங்குகிறது. அதே நேரத்தில், 3 ஆண்டுகள் முதல் 5 ஆண்டுகள் வரையிலான FDகளில் முதலீட்டாளர்களுக்கு 6.75 சதவீத வட்டி வழங்கப்படுகிறது.
HDFC வங்கி 18 முதல் 21 மாதங்கள் வரையிலான FD முதலீடுகளுக்கு, அதிகபட்சமாக 7.25 சதவிகிதம் அதிகபட்ச வட்டி விகிதம் வழங்கப்படுகிறது. அதே நேரத்தில், 2 ஆண்டுகள் 11 மாதங்கள் முதல் 35 மாதங்கள் வரையிலான FD முதலீடுகளுக்கு 7.15 சதவீத வட்டி வழங்குகிறது.
ஐசிஐசிஐ வங்கி 15 மாதங்கள் முதல் 2 ஆண்டுகள் வரை எஃப்டிக்கு அதிகபட்சமாக 7.20 சதவீதம் வட்டி வழங்குகிறது. அதே நேரத்தில், 2 ஆண்டுகள் முதல் 5 ஆண்டுகள் வரையிலான FD மீது முதலீட்டாளர்களுக்கு 7 சதவீத வட்டி விகிதம் கிடைக்கும்.
பாங்க் ஆஃப் பரோடா (BoB) வங்கி 2 முதல் 3 வருட FD முதலீடுகளுக்கு, அதிகபட்சமாக 7.25 சதவிகிதம் வட்டி அளிக்கிறது. அதே நேரத்தில், வங்கி 399 நாட்களுக்கான FD முதலீடுகளுக்கு, 7.15 சதவீத வட்டி விகிதத்தை வழங்குகிறது.
குறிப்பு: வங்கிகளின் வட்டி விகிதங்கள் மாறுதலுக்கு உட்பட்டவை. எனவே, முதலீடு செய்யும் முன் வங்கிகளிடம் ஒரு முறை விபரங்களை சரிபார்ப்பது சிறந்தது.
