கர்ஷா பஜாஜ் வடிவமைத்த ஆடையில் கலக்கும் சமந்தாவின் புகைப்படம் தற்போது இணையத்தில் வைரலாகி வருகிறது.
கடந்த 2010-ம் ஆண்டு கவுதம் மேனன் இயக்கத்தில் சமந்தா, நாக சைதன்யாவின் நடிப்பில் வந்த தெலுங்கு படம் "ஏ மாய சேசவே". இப்படத்தில் முதல் முதலாக இணைந்து நடித்ததன் மூலம் இருவரும் காதலிக்க தொடங்கினர்.
இதையடுத்து, நீண்ட நாட்களாக காதலித்து வந்த நிலையில், கடந்த ஜனவரி 29-ம் தேதி இரு வீட்டார் சம்மதத்துடன் இவர்களது நிச்சயதார்த்தம் நடந்தது. இந்த நிச்சயதார்த்தம் நிகழ்ச்சியில் மிகவும் நெருக்கமானவர்கள் மட்டுமே கலந்து கொண்டனர்.
இதைத் தொடர்ந்து வரும் அக்டோபர் 6, 7 ஆகிய தேதிகளில் இவர்களது திருமணம் நடக்கயிருக்கிறது. இதன் விளைவாக இரு வீட்டாரும் வரும் 1-ம் தேதி கோவா செல்ல உள்ளனர். இந்த திருமணத்திற்கு வெறும் 150 பேருக்கு மட்டுமே அழைப்பு விடுக்கப்பட்டுள்ளது.
இந்த திருமணத்தைத் தொடர்ந்து வரும் 10-ம் தேதி ஐதராபாத்தில் திருமண வரவேற்பு நிகழ்ச்சி நடக்கயிருக்கிறது. இதில், சினிமா பிரபலங்கள் பலரும் கலந்து கொள்ள இருக்கின்றனர்.
திருமணத்திற்க்கு இன்னும் இரு வாரங்கள் உள்ள நிலையில், இப்போதிலிருந்தே திருமண ஆடைகளில் வலம் வர தொடங்கிவிட்டார் நடிகை சமந்தார். அந்த வகையில் சமந்தாவின் திருமண ஆடை வடிவமைக்கும் பணியில் கர்ஷா பஜாஜ் ஈடுபட்டு வருகிறார். அவர் வடிவமைக்கும் ஒவ்வொரு ஆடையிலும் தற்போது சமந்தா ட்ரையல் பார்த்து வருகிறார்.
