தனுஷ் நடிப்பில் உருவாகியுள்ள பட்டாஸ் படத்தின் மோஷன் போஸ்டர் வெளியாகியுள்ளது.
இயக்குனர் துரை செந்தில்குமார் இயக்கத்தில் தனுஷ் நடிக்கும் படம் பட்டாஸ். நடிகை சினேகா இந்தப் படத்தில் தனுஷுடன் இணைந்திருக்கிறார். இவர்களுடன் மெஹ்ரின் பிர்ஜதா, நவீன் சந்திரா உள்பட பலர் முக்கிய கதாபாத்திரங்களில் நடித்து வருகின்றனர். விவேக்-மெர்வின் இசையில் இந்தப் படத்தை சத்யஜோதி ஃபிலிம்ஸ் நிறுவனம் தயாரிக்கிறது.
கடந்த ஜூலையில் இப்படத்தின் டைட்டில் மற்றும் ஃபர்ஸ்ட் லுக்கை வெளியிட்டிருந்த படக்குழு சமீபத்தில் படத்தின் முதல் பாடலை வெளியிட்டது. இந்நிலையில் தற்போது இந்தப் படத்தின் மோஷன் போஸ்டர் வெளியாகியுள்ளது. அதில் படம் ஜனவரி 16-ம் தேதி திரைக்கு வரும் என்ற அறிவிப்பும் கொடுக்கப்பட்டுள்ளது.
