லோகேஷ் கனகராஜ் இயக்கத்தில் கமல் நடித்திருக்கும் படம் விக்ரம். அனிருத் இசையமைத்திருக்கும் இப்படத்தில் விஜய் சேதுபதி, ஃபகத் பாசில் உள்ளிட்டோர் நடித்திருக்கின்றனர். ஜூன் 3ஆம் தேதி இப்படம் வெளியாக இருக்கிறது. ரெட் ஜெயண்ட்ஸ் நிறுவனம் படத்தை வெளியிடுகிறது.
இப்படத்தில் இடம்பெற்ற பத்தல பத்தல என்ற சிங்கிள் பாடல் சமீபத்தில் வெளியாகி கவனத்தை ஈர்த்தது. மேலும், மத்திய, மாநில அரசுகளை கமல் விமர்சித்திருக்கிறார் என்ற சர்ச்சையையும் ஏற்படுத்தியது.
சிங்கிள் பாடலாலும், லோகேஷ் கனகராஜ் கமலின் ரசிகர் என்பதால் இப்படத்தின் மீதான எதிர்பார்ப்பு பன்மடங்கு அதிகரித்துள்ளது. இந்தச் சூழலில் படத்தின் ட்ரெய்லர் இன்று வெளியானது. லோகேஷ் கனகராஜின் டச்சும், ஆக்ஷன் காட்சிகளும் நிரம்பியிருக்கும் ட்ரெய்லரை கமல் ரசிகர்கள் கொண்டாடிவருகின்றனர்.
இந்நிலையில் ஆடியோ & ட்ரெய்லர் வெளியீட்டு விழாவில் கலந்துகொண்ட இயக்குநர் பா. இரஞ்சித், அடுத்ததாக கமல் ஹாசனை வைத்து படம் இயக்கவிருப்பதாக கூறினார். மேலும், கமலின் விருமாண்டி படம் எனக்கு மிகவும் பிடிக்கும். அவரை வைத்து நான் இயக்கவிருக்கும் படமானது மதுரையை பின்னணியாகக் கொண்டு உருவாக்கப்படுமெனவும் தெரிவித்துள்ளார். இதனால் கமல் ரசிகர்கள் உற்சாகமடைந்துள்ளனர்.
பா. இரஞ்சித் தற்போது நட்சத்திரங்கள் நகர்கிறது இயக்கி முடித்துள்ளார். இதனையடுத்து அவர் விக்ரமை வைத்து படம் ஒன்றை இயக்கவிருக்கிறார். அந்தக் கதை விஜய்க்காக எழுதியது என்பது குறிப்பிடத்தக்கது.
மேலும் படிக்க | விடியல முடிவு பண்ணுறது நான்தான் - வெளியானது விக்ரம் ட்ரெய்லர்
விக்ரமை வைத்து இயக்கும் படத்தை முடித்துவிட்டு கமல்ஹாசன் படத்தை இரஞ்சித் தொடங்குவாரா இல்லை கமல் படத்தை முதலில் தொடங்குவாரா என்பது குறித்து அதிகாரப்பூர்வ அறிவிப்பு விரைவில் வரும் என எதிர்பார்க்கப்படுகிறது.
மேலும் படிக்க | அன்றே கணித்த உதயநிதி- சிவகார்த்திகேயனின் ‘டான்’ வசூல் எவ்வளவு?!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
