Diwali 2024 Movies Amaran Bloody Beggar Brother Who Won : தீபாவளி பண்டிகையை முன்னிட்டு, எப்போதுமே திரைப்படங்கள் வெளியாவது வழக்கம். அந்த வகையில், இந்த வருட தீபாவளி தினத்தையும் குறிவைத்து, இந்திய சினிமாவில் 6 திரைப்படங்கள் வெளியாகின. இந்த படங்களில் ஒரு சில வெற்றி பெற, இன்னும் சில படங்கள் வந்த இடம் தெரியாமல் காணாமல் போனது. அந்த படங்களின் லிஸ்டை இங்கு பார்ப்போம்.
தமிழில் வெளியான படங்கள்:
தீபாவளிக்கு வெளியாகும் தமிழ் திரைப்படங்களில், பெரும்பாலானவை ரஜினி, விஜய், அஜித் போன்ற டாப் ஹீரோக்களுடையதாக இருக்கும். இந்த முறை அப்படியில்லாமல், வளர்ந்து வரும் டாப் ஹீரோக்களின் படங்கள் ரிலீஸாகி வந்தன. சிவகார்த்திகேயன் நடிப்பில் உருவான அமரன், கவின் நடிப்பில் உருவான ப்ளடி பெக்கர், ஜெயம் ரவி நடிப்பில் உருவான பிரதர் உள்ளிட்ட படங்கள்தான் அவை.
3 படங்களில் 1ற்கு வெற்றி!
கடந்த அக்டோபர் 31ஆம் தேதியன்று, ஒரே நாளில் தமிழில் மட்டும் மூன்று படங்கள் வெளியாகின. அதிக எதிர்பார்ப்புகளை ஏற்படுத்திய படமாக இருந்தது, அமரன். 2014ஆம் ஆண்டு பிறரை காத்து, தன்னுயிர் நீத்த மேஜர் முகுந்த வரதராஜனின் வாழ்க்கையை மையமாக வைத்து உருவான படம் இது. சிவகார்த்திகேயன் ஹீரோவாக நடிக்க, அவருக்கு ஜோடியாக சாய் பல்லவி நடித்திருந்தார். உண்மைக்கதை என்பதாலும், திரைக்கதை வேகமாக சென்றதாலும் இப்படம் ரசிகர்கள் மத்தியில் நல்ல வரவேற்பினை பெற்றிருக்கிறது. தற்போது, சுமார் ரூ.100 கோடி வரை இப்படம் கலெக்ட் செய்திருக்கிறது.
மேலும் படிக்க | தீபாவளியன்று திரைக்கு வரும் 6 பெரிய படங்கள்!! முழு லிஸ்ட் இதோ..
கவின் ஹீரோவாக நடித்திருந்த ப்ளடி பெக்கர் திரைப்படம், டார்க் காமெடி பாணியில் உருவாகியிருக்கிறது. புதுமுக இயக்குநர் சிவபாலன் முத்துக்குமார் இப்படத்தை இயக்கியிருக்கிறார். நெல்சன் திலீப்குமார் முதன்முறையாக தயாரித்திருக்கும் திரைப்படம் இது. இந்த படம், ரசிகர்கள் மத்தியில் கலவையான விமர்சனங்களை பெற்றிருக்கிறது.
தீபாவளியை முன்னிட்டு வெளியான இன்னொரு படம், பிரதர். இந்த படத்திற்கு குறைவாகவே தியேட்டர்கள் கொடுக்கப்பட்டிருப்பதாக கூறப்படுகிறது. ஜெயம் ரவி நடித்திருக்கும் இந்த படத்தில் அவருக்கு ஜோடியாக பிரியங்கா மோகன் நடித்திருக்கிறார். குடும்ப பாசத்தை காட்டும் இந்த படத்திற்கு பெரிதும் ரசிகர்கள் கவனம் கொடுக்கவில்லை. காமெடி காட்சிகள் கவனம் ஈர்த்தாலும், படம் மெதுவாக செல்வதாக சிலர் விமர்சனம் தெரிவித்திருக்கின்றனர்.
வெற்றி பெற்ற இன்னொரு படம்..
துல்கர் சல்மான் நடிப்பில் தெலுங்கு மொழியில் உருவாகி, வெளியான படம், லக்கி பாஸ்கர். இந்த படத்தில் துல்கருக்கு ஜோடியாக மீனாட்சி செளத்ரி நடித்திருந்தார். வாத்தி படத்தை இயக்கிய வெங்கி அட்லூரிதான், இந்த படத்தையும் இயக்கியிருந்தார். இந்த படம் தெலுங்கு மட்டுமன்றி தமிழிலும் வெளியானது. இதற்கு ஊடகங்கள் மத்தியில் பாசிடிவான விமர்சனங்கள் கிடைத்ததை தொடர்ந்து, மக்கள் இந்த படத்தையும் சென்று பார்க்க ஆரம்பித்தனர். ஆனால், தமிழில் இந்த படத்திற்கு குறைவாகவே திரையரங்குகள் கொடுக்கப்பட்டிருக்கின்றன. ஆனால் தெலுங்கில் இதற்கு நல்ல வரவேற்பு கிடைத்திருக்கிறது.
வெளியான இன்னும் 2 படங்கள்..
இந்தியில் பூல் புலாயா 3 மற்றும் சிங்கம் அகெய்ன் என்ற இரண்டு படங்கள் வெளியாகின. தீபாவளி பண்டிகையை முன்னிட்டு, நவம்பர் 1ஆம் தேதி வெளியான இந்த படங்கள் இரண்டுமே சுமாராக இருப்பதாக விமர்சனங்கள் வெளியாகி இருக்கிறது. இரண்டும் வசூலிலும் களைக்கட்டி வருகின்றன.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
