ஒரு திரைப்படம் வெளியாகி நல்ல வரவேற்பை பெற்றால் அதன் இரண்டாம் பாகம் உருவாகிவிடுகிறது. அந்த வரிசையில் தமிழில் வெளியாகி வெற்றிநடைபோட்ட சில படங்களின் இரண்டாம் பாகங்கள் வெளியாகவுள்ளன. 1986ல் ராஜசேகர் இயக்கத்தில் கமல்ஹாசன் நடிப்பில் வெளியான 'விக்ரம்' படத்தின் தொடர்ச்சியாக கடந்த ஜூன்-3ம் தேதி வெளியாகி நல்ல வரவேற்பை பெற்றது. படம் வெளியான ஓரிரு நாட்களிலேயே அதிக வசூலையும், நல்ல விமர்சனத்தையும் பெற்றுள்ளது. அடுத்ததாக கடந்த 2018ம் ஆண்டு வெற்றிமாறன் இயக்கத்தில் தனுஷ் நடிப்பில் வெளியான 'வடசென்னை' படம் நல்ல வரவேற்பை பெற்ற நிலையில் இப்படத்தின் இரண்டாம் பாகம் எப்போதும் வெளியாகும் என்று ரசிகர்கள் ஆவலுடன் உள்ளனர்.
மேலும் படிக்க | ஏகே 61 ஷூட்டிங்கை முடித்த நடிகர் - அஜித் குறித்து நெகிழ்ச்சி
கடந்த 2017ம் ஆண்டு மிஷ்கின் இயக்கத்தில் விஷால் நடிப்பில் வெளியான 'துப்பறிவாளன்' படம் நல்ல வரவேற்பை பெற்றது, இந்த படத்தின் இரண்டாம் பாகம் உருவாகி உள்ளது, இதனை விஷால் நடித்து இயக்கி உள்ளார். 2005ம் ஆண்டு பி.வாசு இயக்கத்தில் ரஜினி, பிரபு ஆகியோரது நடிப்பில் வெளியான ஹாரர் திரைப்படமான 'சந்திரமுகி' படம் நல்ல வரவேற்பை பெற்ற நிலையில் இப்படத்தின் இரண்டாம் பாகம் உருவாகுகிறது, இதில் லாரன்ஸ் நடிக்கிறார். 2010ம் ஆண்டு செல்வராகவன் இயக்கத்தில் கார்த்தி நடிப்பில் வெளியான 'ஆயிரத்தில் ஒருவன்' படத்தின் இரண்டாம் பாகம் உருவாகுகிறது, இப்படத்தில் தனுஷ் நடிக்கிறார். அதனை தொடர்ந்து, 2016ம் ஆண்டு சசி இயக்கத்தில் விஜய் ஆண்டனி நடிப்பில் வெளியான 'பிச்சைக்காரன்' படத்திற்கு கிடைத்த வரவேற்பை தொடர்ந்து இப்படத்தின் இரண்டாம் பாகம் உருவாகுகிறது.
அஜய் ஞானமுத்து இயக்கத்தில் அருள்நிதி நடிப்பில் கடந்த 2015ம் ஆண்டு வெளியான ஹாரர் திரைப்படமான 'டிமான்டி காலனி' படத்தின் இரண்டாம் பாகத்தின் பணிகள் விரைவில் தொடங்கவுள்ளது. இதே வருடத்தில் ஆர்.ரவிக்குமார் இயக்கத்தில் விஷ்ணு விஷால் நடிப்பில் வெளியான சயின்ஸ் பிக்ஷன் படமான 'இன்று நேற்று நாளை' படத்தின் இரண்டாம் பாகம் உருவாகவுள்ளது. மோகன் ராஜா இயக்கத்தில், ஜெயம் ரவி நடிப்பில் இதே வருடத்தில் வெளியான ஆக்ஷன் த்ரில்லர் படமான 'தனி ஒருவன்' படத்திற்கு கிடைத்த வரவேற்பை தொடர்ந்து இப்படத்தின் இரண்டாம் பாகம் உருவாகவுள்ளது.
சக்தி சவுந்தர் ராஜன் இயக்கத்தில் ஜெயம் ரவி நடிப்பில் வெளியான ஆக்ஷன் கலந்த த்ரில்லர் படமான 'மிருதன்' படத்தின் இரண்டாம் பாகம் உருவாகவுள்ளது. 1996ம் ஆண்டு ஷங்கர் இயக்கத்தில் கமல் நடிப்பில் வெளியான 'இந்தியன்' படம் நல்ல வரவேற்பை பெற்றது, இப்படத்தின் இரண்டாம் பாகத்தின் பணிகள் விரைவில் முடிக்கப்படவுள்ளது. அதேபோல லோகேஷ் கனகராஜ் இயக்கத்தில், கார்த்தி நடிப்பில் வெளியான 'கைதி' படத்தின் இரண்டாம் பாகமும், புஷ்பா, சதுரங்கவேட்டை, மாயவன் மற்றும் போகன் போன்ற படங்களின் இரண்டாம் பாகம் உருவாகவுள்ளது.
மேலும் படிக்க | லோகேஷ் கனகராஜ்க்கு கமல்ஹாசன் கூறிய அறிவுரை!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
