இந்த வார ஓடிடி ரிலீஸ் லிஸ்ட்! எல்லாமே புதுசு..எதை, எந்த தளத்தில் பார்ப்பது?

This Week OTT Release List : கடந்த சில ஆண்டுகளாகவே, குறிப்பாக கொரோனா காலத்திற்கு பிறகு திரையரங்கிற்கு சென்று படம் பார்ப்பதை விட, ஓடிடியில் படம் பார்க்க ஆரம்பித்து விட்டனர் மக்கள். இது, எளிமையாகவும் பட்ஜெட்டிற்குள்ளும் வருவதால் பலர் இந்த வகையில் படம் பார்க்க அல்லது தங்களுக்கு பிடித்த தொடர்களை பார்க்க விரும்புகின்றனர். வாரா வாரம், ஓடிடி தளங்களில் புதிய படங்களும் தொடர்களும் ரிலீஸாவது வழக்கமாகி வருகிறது. அந்த வகையில், இந்த வாரம் ஓடிடியில் இறங்கியிருக்கும் படங்களை இங்கு பார்ப்போம். 

வேட்டையன்:

ரஜினிகாந்த் நடிப்பில் கடந்த அக்டோபர் 10ஆம் தேதி வெளியான படம், வேட்டையன். டி.ஜே.ஞானவேல் இயக்கியிருந்த இந்த படத்தை லைகா நிறுவனம் தயாரித்திருந்தது. 

வேட்டையன் படத்தில் ரஜினிகாந்துடன் சேர்ந்து, மஞ்சு வாரியர், துஷாரா விஜயன், ரித்திகா சிங், பகத் பாசில், ராணா டகுபதி உள்ளிட்டோர் முக்கிய கதாப்பாத்திரத்தில் நடித்திருந்தனர். ரஜினிகாந்த், பல நாட்களுக்கு பிறகு படத்தில் தனக்கென பெரிதாக மாஸ் காட்சிகள் இல்லாத கதையில் நடித்திருந்தார். இந்த படம், திரையரங்குகளில் வெளியான பாேது நல்ல வரவேற்பை பெற்றதை தொடர்ந்து, தற்போது ஓடிடியிலும் வெளிவர இருக்கிறது. வரும் நவம்பர் 8ஆம் தேதி இந்த படத்தை அமேசான் ப்ரைம் தளத்தில் பார்க்கலாம். 

ஏ.ஆர்.எம்:

மலையாள திரைப்படங்களுக்கு நம் ஊரில் ஏகப்பட்ட ரசிகர்கள் இருக்கின்றனர். அப்படி, மலையாளம் மட்டுமன்றி தமிழ் ரசிகர்களையும் கவர்ந்த படம், ஏ.ஆர்.எம். இந்த படத்தில் டொவினோ தாமஸ் ஹீரோவாக நடித்திருந்தார். இதனை ஜிதின் லால் இயக்கியிருந்தார்.

தமிழ், மலையாளம், தெலுங்கு, இந்தி, கன்னடம் என 5மொழிகளில் இப்படத்தை டிஸ்னி ப்ளஸ் ஹாட்ஸ்டார் தளத்தில் வரும் நவம்பர் 8 முதல் பார்க்கலாம். 

சிட்டடெல் ஹனி பனி:

நடிகை சமந்தா, திரையுலகில் இருந்து பிரேக் எடுப்பதற்கு முன்பு நடித்த தொடர், சிட்டடெல்: ஹனி பனி. இதற்கான ப்ரமோஷன் பணிகள் கடந்த சில வாரங்களாகவே நடைப்பெற்று வருகிறது. இந்த தொடரில், சமந்தாவிற்கு ஜோடியாக வருண் தவான் நடித்திருக்கிறார். இந்த தொடரை, வரும் நவம்பர் 7ஆம் தேதி முதல் அமேசான் ப்ரைம் ஓடிடி தளத்தில் பார்க்கலாம். 

மேலும் படிக்க | Black OTT : பிளாக் படம் ஓடிடியில் ரிலீஸ் ஆனது!! எந்த தளம் தெரியுமா?

கோழிப்பண்ணை செல்லதுரை:

தமிழ் திரையுலகில் அழகான கிராமத்து கதைகளை எடுக்கும் இயக்குநராக இருக்கிறார் சீனு ராமசாமி. இவர் இயக்கத்தில் சமீபத்தில் வெளியான படம், கோழிப்பண்ணை செல்லதுரை. கடந்த செப்டம்பர் மாதம் 18ஆம் தேதி வெளியான இந்த படத்தில் ஏகன் ஹீரோவாக நடித்திர்ந்தார். இவருடன் யோகி பாபு, பிரிகிட, பவா செல்லதுரை உள்ளிட்ட பலர் நடித்திருந்தனர். திரையரங்குகளில் வெளியான போது ஓரளவிற்கு வரவேற்பை பெற்ற இந்த படம், தற்போது ஓடிடியில் நவம்பர் 5ஆம் தேதி வெளியாகிறது. இந்த படத்தை, அமேசான் ப்ரைம் தளத்தில் பார்க்கலாம். 

விஜய் 69:

அனுபம் கெர் நடிப்பில் உருவாகியிருக்கும் படம், விஜய் 69. இந்த படத்தின் கதை, 69 வயது முதியவர் எப்படி ஒரு டிரையத்லான் போட்டியில் கலந்துக்கொண்டு அதை முடிக்க போராடினார் என்பதுதான். இது உண்மை கதை. இந்த படத்தை, நவம்பர் 8 முதல் நெட்ஃப்ளிக்ஸ் தளத்தில் பார்க்கலாம். 

மேலும் படிக்க | Amaran OTT : அமரன் படம் எந்த ஓடிடி தளத்தில் வெளியாகும் தெரியுமா?

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews 

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ