Bigg Boss 8 Tamil This Week Eviction : தமிழ் ரசிகர்கள் மத்தியில் நல்ல வரவேற்பை பெற்ற நிகழ்ச்சியாக விளங்குகிறது, பிக்பாஸ். 2017ஆம் ஆண்டில் இந்த நிகழ்ச்சியின் முதல் சீசன் தாெடங்கியது. அதிலிருந்து, கடந்த ஆண்டு நடந்த 7வது சீசன் வரை, நடிகர் கமல்ஹாசன் இந்நிகழ்ச்சியில் தொகுப்பாளராக இருந்தார். இந்த சீசன், படங்கள் நிறைய கமிட் ஆனதாலும், வெளிநாட்டிற்கு படிக்க செல்வதாலும் தன்னால் இனி பிக்பாஸை தொகுத்து வழங்க முடியாது என்று அறிவித்தார். இதையடுத்து, புது ஹோஸ்டாக இந்த சீசனை தொகுத்து வழங்கி வருகிறார், விஜய் சேதுபதி.
பிக்பாஸ் 8:
பிற மொழி பிக்பாஸிலும் சரி, நம்ம ஊர் பிக்பாஸிலும் சரி, பலதரப்பட்ட பிரபலங்களைத்தான் போட்டியாளர்களாக களமிறக்குவார்கள். டிஜிட்டல் திரை மூலம் பிரபலமானவர்கள், டிவி சீரியல் நடிகர்கள், சமூக வலைதளம் மூலம் பிரபலமானவர்கள், இந்த நிகழ்ச்சியில் இருப்பர். ஆனால், இந்த 8வது சீசன் பிக்பாஸ் கொஞ்சம் வித்தியாசமாக இருக்கிறது. காரணம், இந்த நிகழ்ச்சி ஒளிபரப்பாகும் சேனலில் பணியாற்றுபவர்கள்தான், பிக்பாஸ் 8 இல்லத்தில் பெரும்பாலான போட்டியாளர்களாக இருக்கின்றனர்.
கடந்த அக்டோபர் மாதம் 6ஆம் தேதி இந்த நிகழ்ச்சி தாெடங்கப்பட்ட நிலையில், அன்ஷிதா, தீபக், சாச்சனா, ஆனந்தி, முத்துக்குமரன், ரஞ்சித் உள்ளிட்ட பலர் இந்த நிகழ்ச்சிக்குள் நுழைந்தனர். போட்டி ஆரம்பித்த அடுத்த நாளே எவிக்ஷன், வைல்ட் கார்டில் எதிர்பார்க்காத போட்டியாளர்கள் என பல வித்தியாசமான அம்சகங்கள் இந்த நிகழ்ச்சியில் இடம் பெற்றிருந்தன. ஆனால், கடந்த சீசன்களை போல, இந்த சீசன் நல்ல டி.ஆர்.பி-யை பெறவில்லை என கூறப்படுகிறது.
இந்த வார எவிக்ஷன்:
பிக்பாஸ் நிகழ்ச்சியின் விதிமுறைகளின் படி, வாரா வாரம், ஒன்று அல்லது இரண்டு போட்டியாளர்கள் நிகழ்ச்சியில் இருந்து வெளியேற்றப்படுவர். வாரத்தின் தொடக்கத்தில் யார் நாமினேட் செய்யப்பட்டு, மக்கள் மத்தியில் யார் குறைவான வாக்கினை பெற்றுள்ளனரோ, அவர்கள்தான் போட்டியில் இருந்து வெளியேற்றப்படுவர்.
அந்த வகையில், இந்த வார நாமினேஷனின் 13 பேர் சிக்கியிருந்தனர். இதில், மக்கள் மத்தியில் அதிக வாக்குகளை பெற்று முத்துக்குமரன் மற்றும் சௌந்தர்யா சேவ் ஆவதாக கூறப்படுகிறது. ராணவ், விஷால், ஜாக்குலின், அருண் பிரசாத், பவித்ரா, தர்ஷிகா, ரயான் ஆகியோர் அடுத்தடுத்த இடங்களில் காப்பாற்றப்படுவார்கள் என கூறப்படுகிறது.
மேலும் படிக்க | ரூ.130 கோடி வாங்கிய கமல்! பிக்பாஸ் நிகழ்ச்சியில் விஜய் சேதுபதியின் சம்பளம் எவ்வளவு?
பெண் போட்டியாளர்…
பிக்பாஸ் 8 நிகழ்ச்சியை பொறுத்தவரை, ஆண்கள் அணி vs பெண்கள் அணியாக விளையாட்டு ஆரம்பித்தது. மூளை சார்ந்த டாஸ்குகளில் பெண்கள் அணி வெற்றி பெற, உடல் உழைப்பை போட்டு விளையாடும் டாஸ்குகளில் ஆண்கள் அணி பலம் காட்டி வருகின்றனர். பெண்களின் குரல் இந்த சீசனில் ஓங்கி இருப்பதால், மக்களிடையே அதிக ஆதரவும் எதிர்ப்பும் அந்த அணிக்குதான் இருக்கிறது. இருப்பினும், ஆரம்பத்தில் இருந்து இப்போது வரை மக்கள் மத்தியில் வெறுப்பை சம்பாதித்த போட்டியாளராக இருக்கிறார், சாச்சனா.
மகாராஜா படத்தில் விஜய் சேதுபதியுடன் சேர்ந்து நடித்ததாலோ என்னவோ, இவர் வாரா வாரம் எவிக்ஷனில் இருந்து safe zone செல்வதாக ரசிகர்கள் கருதுகின்றனர். ஆனால், அது போன்ற வேலை இன்று நடைபெறாதாம். ரசிகர்ககளின் குறைவான வாக்குளை பெற்றிருக்கும் இவர், இந்த வார எவிக்ஷனில் வெளியேறப்போவதாக தகவல்கள் வெளியாகி இருக்கிறது. இவரைப்போலவே, வர்ஷினி மற்றும் ஆனந்தியும் Danger Zone-ல் இருக்கின்றனர். எனவே, இவர்கள் மூவரில் யாரேனும் ஒருவர் வெளியேறலாம் என கூறப்படுகிறது. நாளை-ஞாயிறு எபிசோட் ஒளிபரப்பானால்தான் உண்மை நிலவரம் தெரியும்.
மேலும் படிக்க | பிக்பாஸ் 8: விஜய் சேதுபதிக்கு புதிதாக போடப்பட்ட விதிமுறை..என்ன தெரியுமா?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
