கரண் ஜோஹரின் பிரபலமான பேச்சு நிகழ்ச்சியான காஃபி வித் கரண் திரும்ப வராது என்று அவர் கிட்டத்தட்ட அனைவரையும் நம்ப வைத்தார். ஆனால் பின்னர் "ஒவ்வொரு சிறந்த கதைக்கும் ஒரு நல்ல திருப்பம் தேவை" என்று கரண் ஜோஹர் கூறி இருந்தார். இந்த நிகழ்ச்சி திரும்ப தொலைக்காட்சியில் வராது என்று திட்டவட்டமாக தெரிவித்த இவர், இதனை அறிவித்த சில மணிநேரங்களுக்குப் பிறகு, ஜோஹர் ஒரு புதிய அறிக்கையைப் பகிர்ந்து கொண்டார், அதில் பேச்சு நிகழ்ச்சியின் புதிய சீசன் Disney+Hotstar இல் ஸ்ட்ரீம் செய்யப்படும் என்று கூறினார்.
மேலும் படிக்க | சூர்யா மீது வழக்குப்பதிவு செய்ய நீதிமன்றம் உத்தரவு
EVEN MORE IMPORTANT ANNOUNCEMENT TO MAKE#HotstarSpecials #KoffeeWithKaran @DisneyPlusHS pic.twitter.com/kzwbWlKfNT
— Karan Johar (@karanjohar) May 4, 2022
சமூக வலைதள பக்கத்தில் அவர் வெளியிட்ட அறிக்கையில், "காஃபி வித் கரண் திரும்ப வராது... டிவியில்! ஏனென்றால் ஒவ்வொரு சிறந்த கதைக்கும் நல்ல திருப்பம் தேவை. காஃபி வித் கரனின் சீசன் 7 டிஸ்னி+ஹாட்ஸ்டாரில் பிரத்தியேகமாக ஸ்ட்ரீம் செய்யப்படும் என்பதை அறிவிப்பதில் மகிழ்ச்சி அடைகிறேன். இந்தியா முழுவதிலும் உள்ள பெரிய திரைப்பட நட்சத்திரங்கள் காபி குடித்துக்கொண்டே படுக்கைக்கு திரும்புவார்கள். விளையாட்டுகள் இருக்கும், வதந்திகள் ஓய்ந்திருக்கும் - மேலும் காதல், இழப்பு மற்றும் எல்லாவற்றையும் பற்றிய ஆழமான உரையாடல்கள் இருக்கும். டிஸ்னி+ஹாட்ஸ்டாரில் மட்டும் காஃபி வித் கரண், 'விரைவில் ஸ்ட்ரீமிங்'!" என்று தெரிவித்து இருந்தார்.
"காஃபி வித் கரண் இப்போது 6 சீசன்களாக என் வாழ்க்கையிலும், உங்களுடைய வாழ்க்கையிலும் ஒரு அங்கமாக இருந்து வருகிறது. பாப் கலாச்சார வரலாற்றில் நாங்கள் ஒரு மாற்றத்தை ஏற்படுத்தியுள்ளோம், மேலும் எங்களுடைய இடத்தைப் பெற்றுள்ளோம் என்று நான் நினைக்க விரும்புகிறேன். அதனால், இது மிகவும் கடினமானது. காஃபி வித் கரண் திரும்ப வராது என்று நான் அறிவிக்கிறேன்" என்று கரண் ஜோஹர் காலையில் வெளியிட்ட அறிக்கையைப் தெரிவித்து இருந்தார்.
IMPORTANT ANNOUNCEMENT pic.twitter.com/FfVbIe1wWO
— Karan Johar (@karanjohar) May 4, 2022
காஃபி வித் கரன் ஸ்டார் வேர்ல்டில் 2004ல் அறிமுகமானது, அது 2019 வரை 6 வெற்றிகரமான சீசன்களில் ஓடியது. நிகழ்ச்சியின் தொடக்க அத்தியாயத்தின் முதல் விருந்தினர்களாக ஷாருக்கானும் கஜோலும் இருந்தனர். காஃபி வித் கரண் உரையாடல்கள், கிசுகிசுக்கள் மற்றும் ரேபிட் ஃபயர் ஆகியவற்றுடன் மிகவும் கலகலப்பான ஒரு நிகழ்ச்சி ஆகும். நிகழ்ச்சியின் கடைசி சீசனில், பாகுபலி டீம் - எஸ்.எஸ்.ராஜ்மௌலி, ராணா டக்குபதி, பிரபாஸ் ஆகியோர் கரண் ஜோஹரின் விருந்தினர்களாக இருந்தனர். பல ஆண்டுகளாக, பாலிவுட் ஏ-லிஸ்டர்கள் - பச்சன்ஸ், ஷாருக், அமீர், சல்மான் கான், பிரியங்கா சோப்ரா, கஜோல், ராணி, கரீனா மற்றும் பிற கபூர்கள் நிகழ்ச்சியில் கலந்து கொண்டனர்.
சமீபத்திய ஆண்டுகளில், தீபிகா படுகோன், அக்ஷய் குமார், ரன்வீர் சிங், ஆலியா பட் ஆகியோர் நிகழ்ச்சியில் வழக்கமான முகங்களாக இருந்தனர். ட்விங்கிள் கன்னா, கங்கனா ரனுவத் மற்றும் ஹர்திக் பாண்டியா ஆகியோர் பங்களித்தனர். இது தவிர, திரைப்பட தயாரிப்பாளர்கள் ஜோயா அக்தர், அனுராக் காஷ்யப், மகேஷ் பட், ரோஹித் ஷெட்டி, இம்தியாஸ் அலி மற்றும் ஃபரா கான் ஆகியோரும் நிகழ்ச்சியில் விருந்தினர்களாக கலந்து கொண்டனர். இந்த நிகழ்ச்சி டிவியில் மீண்டும் வராது என்ற அறிவிப்பிற்கு பிரபல தொகுப்பாளர் டிடி மனம் உடைந்ததாக எமோஜி மூலம் பதிவிட்டு இருந்தார். பின்பு ஹாட்ஸ்டாரில் வெளியாகும் என்ற அறிவிப்பிற்கு இன்னும் பதில் அளிக்கவில்லை.
— DD Neelakandan (@DhivyaDharshini) May 4, 2022
மேலும் படிக்க | Beast vs KGF-2: இறுதியில் தமிழ்நாட்டில் வென்றது யார்?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
